Jaceuq 1:2 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

² Aerkhawf, aqyawf, Ya’we Miqyaer -euq zanrdawq-anr laqkhaq caer-awr, Uqcif nan’ghanr maq tsaevlerni, aqyawf-euq zanrdawq-anr dzardziv dziv-eu mae.

Akha

² SahˬpaˬMiˬyehˇ-euˬ Zahˇdawˬ-ahˇ, naˇhaˬgeuꞈgaˇ laˬkʼaˬcehˇ-awˇ, uˬciꞈnah gʼahˇ maˬtsehˆleˇni, Zahˇdawˬ dzaw geuꞈ-eu baˬda neh,

Jaceuq 1:2 Iomraidhean Croise

Jaceuq 104:34

Ngar dzardziv dziv-eu jeq, aqyawf nuikhanr shir-eu jeq pyeuf luf-ur! Ngar, Ya’we Miqyaer-euq lafkhoer laqkhaqcaer ma.

Jaceuq 112:1

Haleluya! Ya’we Miqyaer-anr guv-awr, Aqyawf-euq zanrdawq khofdawq-anr laqkhaq yawkhav-aer caer-eu tsawrhaq-aq, Guiqlanq huiq-eu mae.

Jaceuq 119:1

Ya’we Miqyaer-euq zanrdawq-euq lafkhoer can-awr, Aerkhar maqza-eu garma-euq lafkhoer can-eu tsawrhaq-aq, guiqlanq huiq-eu mae.

Jaceuq 119:11

Ngar, nawq-anr iqbax maqya mrbanqni, Ngaq-euq nuima-euq lafkhoer, nawq-euq dawq shardawv taq-euq ma.

Jaceuq 119:35

Ngar, nawq-euq zanrdawq khofdawq-euq lafkhoer daefcaw nya’ni cawba naeqlaf-awq. Aqjeq mirnae aernar-aq, ngar, nawq-euq zanrdawq khofdawq-anr laqkhaq caer-eu ma.

Jaceuq 119:72

Nawq-euq khaqmae-anr nae dovle-euq zanrdawq-aq, Pyur hawr-eu shuir marbyav artanr armyaer byav navmaqtser muiqdzaeq-eu mae.

Jaceuq 119:92

Ngar, nawq-euq zanrdawq-anr laqkhaq maqcaer-euq lawnmr-aq, Ngar shaqzanq daqluf ngae yacawv-ir-eu mae.

Jaceuq 40:8

Ngaq-euq Miqyaer-or! Ngar, nawq-euq nuima tsaq-eu jeq mr-eu laqkhaq caer-awr, Nawq-euq zanrdawq, ngaq-euq nuima-euq lafkhoer anrluf ma.”

Jaceuq 88:1

Ngaq-anr kakhof-eu Miqyaer pyeuf-eu Ya’we Miqyaer-or! Ngar, nawq-euq maeqshi, uqcif nan’ghanr gurluf-eu ma.

Luˇkaꞈ 18:7

Miqyaer nae tserdov taq-euq tsawrhaq uqcif nan’ghanr maqaer, aqyawf-anr shar nar-aq, Miqyaer, aqyawf maf-euq gharduq yawtsaq yawdawr dawr-aer maq janrnaeqni, nyinaq nyinaq-aer jawr taef-a lor?

Luˇkaꞈ 2:37

Nymq-mr aqyawf 84 khof khawvlar-euq mae. Aqyawf, uqduq tanqnymr nymrma-anr taef-aer jawrjawr-aer uqcif nan’ghanr maqaer, dzardzaq sheuqsheuq-aer guiqlanq shar-awr Miqyaer-anr uqduq tanqluf-eu mae.

Lormav 7:22

Aqjeq mirnae aernar-aq, ngaq-euq lafkhoer paw-euq saflar taef lawnmr-aq, Miqyaer-euq zanr-anr laqkhaqcaer mir-a.

1 Teˇsaˬloˇni 2:9

Aqyuif aqnyir deuq-or! Nga’maf, nawmaf naeq-aer jawr ngae, mrdui shar duidui-awr, laejae duidui-euq gar nawmaf noeqdovlar taef-a. Nawmaf-anr Miqyaer-euq guiqlanqdawq maeqnaeqluf ngae, nawmaf tiqghaq-anr-iq khavbaev maqya pyeufni, nga’maf uqcif nan’ghanr maqaer gar mr-euq ma.

1 Tiˆmoˇseˬ 4:15

Garkawv heudeuq-anr dzardziv dziv-awr nawq-euq mawrdo dawqtawvluf lawrnaeq-awr nawr huiqlar manrlar-eu gar yawqghaq navluf mawrnya’ni laejae duidui-awq.

2 Tiˆmoˇseˬ 1:3

Ngar guiqlanq kharshar ngae, uqcif nan’ghanr maqaer, aqmyanluf nawq-anr noeqkeuv-awr, Miqyaer-anr jaceuq-eu ma. Aqpoeq aqbawr deuq shawrjaevni ghae-eu zaqsiq nuisiq anranr-aer, Miqyaer-euq gar mr-euq lof-aer ngar khawf mrluf-eu ma.

1 Yoˇhaˬ 5:3

Miqyaer-anr gaq-eu laer aer-eu-aq, aqdui, Miqyaer nae biftaq-euq dawq-anr narhaq geuf-eu gar aer-eu mae. Aqyawf nae biftaq-euq dawq-aq, aqdui-euq gharduq kan-eu khavbaev maqngeur-a.