Jaceuq 1:1 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹ Guiqlanq huiq-eu tsawrhaq-aq, Tsawrcawv nae maeqbawq bif-euq lof-aer maqcan-aer, Iqbaxzaq-euq garma-anr maqyawf-eu uqtaf, Aqjaf jaf-eu tsawrhaq-euq nuirduq-anr maqnuir-a.

Akha

¹ Guiˬlahˬhuiˬ-eu tsawˇhaˬdeuˬ-aˬ, maˬtsaˬmaˬdawˇ-eu tsawˇhaˬ-euˬ mehˬbawˬ mˇgaˇ maˬnaˇhaˬ-a. Iˬbaˇmˇ-eu tsawˇhaˬdeuˬ-ahˇ, naˇhaˬgeuꞈ-awˇ maˬcaw teh-ehˇ, Miˬyehˇ-ahˇ maˬ zeu-eu deuˬ-ahˇ, taꞈ leˇ gm leˇ-eu maˬ baw-a.

Jaceuq 1:1 Iomraidhean Croise

Jaceuq 1:6

Ya’we Miqyaer-aq, tsaq-awr dawr-eu tsawrhaq-euq garma-anr siqnya-eu mae. Aerkhawf, tsawrcawv-euq garma-aq, yacawv-ir taef-a.

Jaceuq 106:3

Dawr-awr tsaq-eu jeq-euq maeqnan cantae-eu deuq hawr-eu, Aqmyanluf tsaq-awr dawr-eu jeq mr-eu tsawrhaq-aq, guiqlanqhuiq taef-a.

Jaceuq 112:1

Haleluya! Ya’we Miqyaer-anr guv-awr, Aqyawf-euq zanrdawq khofdawq-anr laqkhaq yawkhav-aer caer-eu tsawrhaq-aq, Guiqlanq huiq-eu mae.

Jaceuq 119:115

Yawdoer jeq mr-eu tsawrhaq deuq-or! Caev-awq, ngaq-euq dawqpae taqjawr. Aqjeq mirnae aernar-aq, Ngar, ngaq-euq Miqyaer-euq zanrdawq khofdawq-anr mrcaw ma!

Jaceuq 144:15

Heulof-aer ghae-eu artiv-anr yajawr-eu tsawrhaq-aq, guiqlanqhuiq taef-a. Ya’we Miqyaer, aqyawf maf-euq Miqyaer pyeuf-eu tsawrhaq-aq, guiqlanqhuiq taef-a.

Jaceuq 146:5

Yaqkov-euq Miqyaer nae bi cawba-euq tsawrhaq-aq, guiqlanq huiq-eu mae; Aqyawf-euq Miqyaer pyeuf-eu Ya’we Miqyaer-anr noeqtmq-eu tsawrhaq-aq, guiqlanq huiq-eu mae.

Jaceuq 146:9

Ya’we Miqyaer, boermiq siqkhaq deuq-anr hawpir naeq-awr, Murcoeq aqnmr hawr-eu miqcoeq miqma deuq-anr ngaeqghae naeq-eu mae. Aerkhawf, aqyawf, tsawrcawv-euq garma-anr nanrpov-aer lavpov naeq-eu mae.

Jaceuq 2:12

Zaqyo-anr maeqsaw saw-awq, maqngeur nar-aq, aqyawf nuima paerlar-awr, Nawr, garma-anr yacawv-ir-eu baw-mr. Aqjeq mirnae aernar-aq, aqyawf-euq nuipaer yawkawr-aer keuvle nya-eu mae. Aqyawf-anr ghoe-eu tsawrhaq dawqtawvluf, guiqlanq huiq-eu mae.

Jaceuq 26:12

Ngaq-euq aqkuir-aq, jawrduq yawdi-anr yawfluf-eu ma. Ngar, tsawrhaq baqmaf-euq ghanrcae, Ya’we Miqyaer-anr jaceuq ma.

Jaceuq 34:8

Haeq, myeufhaw-awr Ya’we Miqyaer-aq, Yawmuiq ngar-a laer hawmawr-awq! Aqyawf-anr ghoe-eu tsawrhaq-aq, guiqlanq huiq-eu mae.

Jaceuq 36:4

Aqyawf yufzar-anr jawr-awr nae yawcawv jeq tov-awr; Aqyawf maqmuiq-eu garma-anr can’ghae-eu mae. Aqyawf yawdoer jeq-anr nuidav maqdav-a.

Jaceuq 64:2

Tsawrdoer deuq bawqkhoeq luf-eu jeq-anr nae, Hawr-eu yawlaeq yawca jeq mr-eu deuq luiqgha-eu gar nae, Ngaq-anr sheuqzaf naeqlaf-awq.

Jaceuq 81:12

Khoermirnae, ngar, aqyawfmaf nuima ghanr-eu lof-aer bidaef-awr; Aqyawf ha-euq maeqbawq kharjav-eu lof-aer bican-euq ma.

Jaceuq 84:12

Guirmaf-euq Ya’we Miqyaer-or! Nawq-anr ghoe-eu tsawrhaq-aq, guiqlanq huiq-eu mae.

Dawqdaq 1:15

Ngaq-euq zaqyo-or! Aqyawfmaf naeq-aer garma khoerkanr-anr taqir. Nawq-euq aqkuir, aqyawf maf-euq cankawv-anr taqcan.

Dawqdaq 1:22

“Maqdzaw-euq zaqdeuq-or! Aqmyan keuvni maqsiq maqnya-eu jeq-anr gaq-eu laer ghae-eu le? Aqjaf jaf-eu deuq khawf, aqmyan keuvni aqjaf jaf-eu gar laqkhaq caer-awr, Aqdzawq argan deuq khawf, aqmyan keuvni siqnya-eu tsawrganr-anr byae-eu laer ghae-eu le?

Dawqdaq 13:15

Yawmuiq-aer ghovshaw nya-eu baqda’nae, ghoer mr-eu jeq za-eu mae. Aerkhawf, sarjax maqzif-eu tsawrhaq-euq garma-aq yawshaq mae.

Dawqdaq 13:20

Tsawrganr anr-eu deuq naeq-aer can-eu tsawrhaq-aq, tsawrganr anrlar-eu mae. Aerkhawf, aqdzawq argan deuq-euq cawq-aq, yacawv-ir taef-a.

Dawqdaq 19:29

Aqjaf jaf-eu tsawrhaq-anr, Yarkhaq dar-eu laer laeqhmq taq-awr, Aqdzawq argan deuq-euq narkhan, Diq-eu laer laeqhmq taq-euq mae.

Dawqdaq 2:12

Nawq-anr tsawrdoer-euq garma-anr nae bibuq-ir naeqlaf-awr, Lavpyawv-awr ngaeq-eu deuq-anr nae bidzeur-ir naeqlaf taef-a.

Dawqdaq 3:34

Yawduq bawni, aqcawq-anr aqjaf jaf-eu tsawrhaq-anr aqyawf aqjaf jafnaeq-awr, Nuinanq nuiyu anr-eu tsawrhaq-anr guiqlanq yawdzanr bif-eu mae.

Dawqdaq 4:19

Tsawrcawv-euq garma-aq, yawzanr-anr dur-awr, Aqyawfmaf aqjeq-anr paevtov-euq nya laer khawf maq siqnya-a.

Dawqdaq 9:12

Nawr, tsawrganr anr nar-aq, Yawqha-euq gharduq ganr-eu mae. Nawr aqjafjaf nar-aq, yawqha taef-aer yadaq taef-a.

Maꞈtehˬ 16:17

Khoerngae, Yeqsur, aqyawf-anr heulof-aer aernaeq-euq mae, “Yornav-euq zaqyo Sirmoq-or! Nawr-aq, guiqlanq huiq-eu mae. Aqjeq mirnae aernar-aq, garkawv heu tsawrhaqzaq nae nawq-anr panmaeq naeq-euq maqngeur-a. Mq-euq khoertav jawr-eu ngaqDa nae nawq-anr panmaeq naeq-euq mae.

Luˇkaꞈ 11:28

Khoerngae, Yeqsur aer-eu, “Khoernav maqtser, Miqyaer-euq dawq yagaq-awr mrcaw-eu tsawrhaq-aq, guiqlanq huiqdzaeq-eu mae.”

Luˇkaꞈ 23:51

Aerkhawf, aqyawf, khavma armur nae bawqtsaev-awr mr-euq gar nuima maqtsaq-a. Aqyawf-aq, Aqlirmaqtaeq-anr jawr-eu, Miqyaer uvlanr-eu jeq-anr dawqluf-eu tiq ghaq mae.

Yoˇhaˬ 13:17

Nawmaf garkawv heudeuq siqnya-awr mr-ir nar-aq, guiqlanqhuiq taef-a.

Yoˇhaˬ 20:29

Yeqsur, aqyawf-anr aernaeq-eu, “Nawr-aq, ngaq-anr mawr-euq mirnae jan-eu ngar-a. Ngaq-anr maqya mawr-euq khawf jan-eu tsawrhaq-aq, guiqlanqhuiq taef-a.”

Lormav 5:2

Aqdui, Kali-anr ghoe-awr jan-eu baqda’nae, guiqlanq yawdzanr-euq lafkhoer ya urler-awr yawfluf-eu ma. Miqyaer-euq yawshaef khanqsaer-anr noeqtmq luf-eu mirnae laqkhaq caer-eu ma.

Eˇpeˇsu 6:13

Khoermirnae, doer-eu arnan keuvle ngae ciqdaqnya paq-aer, Miqyaer nae bifnaeq laf-euq guirdeuv keuka dawqtawvluf dm-awq. Nawmaf, khar mrnya-eu yawqjeq navluf mr-euq nar-aq, zifdanni yawfnya taef-a.

1 Beˬtuˆluˆ 4:3

Dzeurlaf ngae, aqdui, Miqyaer-anr maqjan-eu tsawrhaq khardaef-eu lof-aer: jawflafni ghae-eu, shiqshaq-euq nuikhanr geuf-eu, jirbaq dawryaef-eu, byaeqlaeq shaevdae-aer bui-eu, dzaqyaef dawryaef-eu yawbui bui-eu uqtaf, tanqpanq aqma mawrkawr-anr uqduq maqtanq khmqgar tanq-eu, heudeuq-anr ardzaeq-aer mrdzeur shardzeur yaf-euq ma.

Panmaeq 22:14

Aqyawf nae biftaq-euq dawqdeuq-anr mrcaw-eu tsawrhaq deuq-aq, guiqlanqhuiq taef-a. Aqyawfmaf daef-eu jeq bif-eu arbawr za’nya-awr, meuq-euq lanrkhaeq-anr nae meuq-anr ya urle taef-a.