Yakob 3:2 - Ashiri Aeuitaknup Iyohaichish Yona 1897

² Inambe gusu ne yakun, inne no okaibe gusu chi utara obitta ureepetchiu ruwe ne gusu ne na. Itak gusu ureepetchiu shomoki guru an chiki, shinuma anak aeramushinne ainu ne, kon netobake ne yakka ebitta shikkashima eashkaibe ne.

Yakob 3:2 Iomraidhean Croise

Iyohaichish 34:13

Wenbe gusu koro parumbe shikkasbima, Shunge itak gusu koro papush ukotukka yan.

Iyohaichish 39:1

PARUMBE ani katpak iteki ku ki kuni ne, Ku ruhu ku esanniyo kusu ne, sekoro ku itak nisa: En kotchaketa wen utara okai rapoketa, Omonkai ani ku paroho ku shikkashima kusu ne na.

Mattaios 12:34

Paskuru okokko koro san tek utara, echi wen wa gusu nekon a echi iki wa pirikap ye eashkai ya? Keutura oshiketa nuye an no an-i wano paroho itak sange ruwe ne gusu ne na.

Mattaios 12:37

E ye itak gusu eani aopekare kusu ne, orowa e ye itak gusu akokatpakte kusu ne gusu ne na.

Roma 3:10

ene chieshinnuye wa an korachi ne :— Oupeka guru isam, ruwe uu, shiueu ka isam ruwe ne;

Roma 7:21

Tambe gusu, pirikap ki rusui guru ku ne en otta wenbe an ruwe ne sekorʼan tuitak ku nukara.

I Korintos 9:27

ikineipeka moshima utara otta eupaskuma ku ki orowa no shomo kuani yaikota aemakap ne kuni gusu ne na.

Garatea 3:22

Koroka, Yesu Kiristo eishokoro gusu an eitakamkirep anak ne eishokoro ki utara otta akoropare kuni ne, Kamui kambi-sosh anak obitta no okaibe otta chikokatpak kashiomare nisa ruwe ne na.

Garatea 5:17

Inambe gusu ne yakun, kara anak ne ramat gusu ibeporore ki, orowa, ramat anak ne kam gusu ki ruwe ne gusu ne na; nei okaibe utashpa uweepokba ruwe ne gusu, echi ki rusuibe echi kara eaikap ruwe ne.

Korosai 1:28

chi utara anak ne pishno an ainu Kiristo oshiketa aeramushinne wa atte kuni ne, wayashnu no pishno an ainu onishnishi hene ki, pishno an ainu epakashnu hene ki hine, Kiristo eupaskuma ash ruwe ne;

Korosai 4:12

Echi tumuge wano an Kiristo Yesu koro usshiune guru ne Epapras anak ne echi ekap na, echi utara aeramushinne no roshki hine Kamui koro oma-irenga utumashi shomoki no eraman kuni ne, ramma kane shinuma shiyuppa no inonno-itak ruwe ne.

Hebraios 13:21

pishno an pirika ikip ani Shinuma irenga echi kara kuni ne echi eramushinnere, aige, Yesu Kiristo gusu shinuma nupetnere kunip un onnaigeta ikichi kuni ne ku koramkon na; otusashuishiri wano otusashuishiri pakno Shinuma orun arakuru an na. Amen.

Yakob 1:26

Inan guru ne yakka, Kamui otta yaishieiwangere guru ne sekoro yaiyainu wa, koro parumbe shikkashima shomoki no, kon ramat kokandama chiki, nei guru ki yaishieiwangere ambe anak ne raka isambe ne ruwe ne.

Yakob 1:4

Orowa, echi utara aeramushinne newa ranme no okai wa nep ne yakka otta shomo eikohaye kuni gusu yaiyupupu ambe ara monraigere yan.

Yakob 2:10

Inambe gusu ne yakun, nen ne yakka tuitak ebitta ki wa shinep gusu ureepetchiu chiki, nei guru anak obitta ehaita ruwe ne.

I Petros 3:10

Inotu omap wa, Pirika toho nukan rusui gurʼanak ne, Wenbe wano koro parumbe eshishire, Koro patoi iteki irarabe ye kuni kara yan:

I Petros 5:10

Orowa, Kiristo oshiketa koro aokere shomoki nupeki otta echi tak obitta no okai irenga koro Kamui anak ne, pon no uturuta echi eramusarak okaketa, Shinuma yaikota echi ramushinnere, echi roshkire, echi tumashnure kusu ne.