Mattaios 9:6 - Ashiri Aeuitaknup Iyohaichish Yona 1897

⁶ Koroka, Ainu Poho shiri kata an wa chikokatpak tusare mondum koro wa an ani ambe echi eramu an kuni gusu (tusushke tashum ki guru otta ene itak-hi:—) e hopuni hine e koro shotki chupu wa e uni un hoshipi, sekoro itak.

Mattaios 9:6 Iomraidhean Croise

Mattaios 4:24

Orowa, Siria moshirʼebitta Shinuma shiassuru ashte wa an, awa, usa okai tashum koro utara hemhem, usa okai iunin newa shiyeyepa utara hemhem, nitnep shikatkari utara hemhem nochi-iush utara hemhem, tushushke tashum ki utara hemhem, obitta atura wa Shinuma orota araki, aige, aiwangere nisa ruwe ne.

Mattaios 8:20

Yesu nei guru otta ene itak-hi :— Chironnup anak ne shui koro, rik peka oman chikap anak ne reushi ushi an, koroka, Ainu Poho anak ne sapa eninui ushike ka sak ruwe ne.

Mattaios 9:2

Awa, utara anak ne hotke wa an tusushke tashum ki shine ainu Shinuma otta sei wa araki ruwe ne: orowa, Yesu nei utara koro eishokor-i nukara koro tusushke tashum ki guru otta ene itak-hi :— Poho, keutum ritetkere yan, e koro chikokatpak atusare ruwe ne gusu ne na.

Mattaios 9:5

E koro chikokatpak atusare wa an sekoro itak ye, newa, e hopuni wa apkash, sekoro itak ye-hi anak ne, inambe ye katu isaika itak ne ruwe he an?

Mattaios 9:7

Orowa, nei guru hopuni wa koro chisei orun arapa nisa ruwe ne.

Markos 2:10

Koroka, Ainu Poho shiri kata an wa katpak tusare mondum koro wa an ari ambe echi eramu an kuni gusu

Markos 2:7

Tan guru hemanda gusu nei no itak ya? Kamui koatcha ruwe ne: Shinen moshima, Kamui moshima katpak tusare eashkaibe nen ne ruwe? ari iki ruwe ne.

Roukos 5:21

Tata otta, Parisee un utara newa kambi-nuye utara upaore heashi wa ene itak-hi :— Tan Kamui koatchap ye guru nen ne ya? Kamui moshima anak chikokatpak tusare eashkaibe inan guru ne ruwe he an? ani itak.

Yoannes 10:28

orowa, orota ramma okere shomoki inotu Ku kore ruwe ne; nei ambe hembara ne yakka aisamka shomoki, orowa, Ku teke wano nei ambe etaye guru isam kusu ne na.

Yoannes 17:2

Aokai anak ne Shinuma otta kore obitta no okai kam esapane kuni mondum kore korachi, nep ne yakka Shinuma orun Aokai korarape otta Shinuma ramma okere shomoki inotu kore kuni gusu ne na.

Yoannes 5:27

samata, Shinuma anak ne Poho otta koipishi ki kuni mondum kore nisa ruwe ne, Shinuma anak Ainu Poho ne ruwe ne gusu ne na.

Yoannes 5:8

Orota Yesu ene itak-hi :— Hopuni wa e koro atarape ani hine apkash yan, ari itak.

Apostoro ikip oma kambi 5:31

Shinuma anak ne Sapane guru newa kashiobiukip ne kuni ne koro shimon tek sam un Kamui riknare nisa; nei ambe anak ne Israeru un utara ayaikokatpakte wa koro chikokatpak atusare kuni ne aki ruwe ne. Awa, chi

Apostoro ikip oma kambi 9:34

Orowa, shinuma orota Petros ene itak-hi :— Yesu Kiristo e iwangere na: hopuni wa shotki chupu, ari itak.

II Korintos 2:10

Koroka, gusu echi utara anak ne okaibe tusare guru, kuani ne yakka tusare ruwe ne: inambe gusu ne yakun, ku tusare okere okaibe anak, atusare ambe an yakun, Kiristo ankushkerai echi rengap gusu ku tusare nisa ruwe ne; tambe anak ne Satan iteki un annokara kuni gusu nep ne:

II Korintos 5:20

Tambe gusu, chi utara anak ne Kiristo gusu ateshkara utara chi ne, Kamui chi utara ani onishnishi shiriki korachi nep.

Epesos 4:32

orowa, utashpa uweramuhauge ki hine uweramuhapuru yan, Kamui anak ne Kiristo gusu ka echi koro chikokatpak tusare korachi, echi utara ne yakka uweutashpa tusare yan.

Korosai 3:13

utomchiure yan; utashpa uwe-shiyupupu; nep ne yakka eiyonnuppa kuni ushike an chiki uweusaraye yan; Utarapa echi tusare korachi echi utara ne yakka nei no ki yan;