Mattaios 8:4 - Ashiri Aeuitaknup Iyohaichish Yona 1897

⁴ Orowa, nei guru otta Yesu ene ye-hi :— Nen ne yakka otta iteki tan orushpe nure; Kamui kora kenru esapane guru otta oman wa yainukare, samata, paweteshu ne gusu Mose kashpaotte ayangep yange yan, sekoro Yesu itak nisa ruwe ne na.

Mattaios 8:4 Iomraidhean Croise

Mattaios 10:18

ruwe un, Ku rengap gusu moshiri esapane utara shik-samata hene, moshiri epungine utara tek samata hene echi nimba an kusu ne, tambe anak ne nei utara gusu hene, oya moshirʼun utara gusu hene shirosh ne kusu ne na.

Mattaios 16:20

Orowa Shinuma anak ne Kiristo ne sekoro iteki moshima guru otta nure kuni koikara utara eikashpaotte nisa ruwe ne na.

Mattaios 17:9

Orowa, nupuri wano rap koro an ita, Yesu ikashpaotte wa ene itak-hi :— Ainu Poho rai orowa no hetopo-ashiknure an pakno tap echi nukarape nen ne yakka ika nure yan, ari ki ruwe ne.

Mattaios 3:15

Koroka orota Yesu ese hine ene itak-hi :— Chi utara anak ne tambe nei no obitta no okai oupeka buri ki kuni aesanniyop ne gusu, tane en ukte wa en kore. Orowa no akore nisa ruwe ne.

Mattaios 5:17

Tuitak hene uweingarape hene isamka kuni ne Ku ek shiri ani iteki yainu yan, isamka kuni gusu Ku ek shomoki, uweomare kuni gusu Ku ek nisa ruwe ne.

Mattaios 6:1

Anukara kuni gusu moshima guru tek samata echi oupekap iteki kara yan, anukara kuni gusu oupekap echi ki yakun, kando otta an echi koro michi anak ne pummaha shomo kore ruwe ne.

Mattaios 9:30

Orowa, koro shikihi makke. Aige, Yesu yupke no nei utara ikashpaotte wa ene itak-hi :— Yaitubare no moshima guru iteki nu kuni ki yan, ari itak.

Markos 13:9

Koroka, echi utara yaitubare yan: inambe gusu ne yakun, utara anak ne ukoramkoro utara otta echi ekoshi kusu ne: orowa no, Uwekarapa chisei ta echi shirikik an, samata, nei utara epeka no paweteshu-i echi ne kuni Ku rengap gusu Esapane utara newa Moshiri shikkashima utara shik-samata echi roshki kusu ne.

Markos 3:12

Orowa, iteki moshima guru otta Shinuma amkirire kuni ne shiri yupke no kashpaotte nisa ruwe ne na.

Markos 5:43

Orowa, iteki moshima utara otta tan orushpe nure kuni ne Shinuma yupke no ikashpaotte nisa ruwe ne: samata, aep iere gusu ye nisa ruwe ne na.

Markos 6:11

Orowa, nep ushike ne yakka echi uk shomoki no shomo echi nu chiki, nei ushike orowa no echi paye koro, nei utara epeka no an paweteshu ne gusu echi chikiri pok ush koponchi tuituye yan, ari itak.

Markos 7:36

Orowa, nei utara iteki moshima guru nure kuni kashpaotte: koroka, Shinuma poron no ikashpaotte pakno, naa mashkin no nei orushpe utara assuru ashte nisa ruwe ne na.

Markos 8:30

Aokai anak ne Kiristo ne ruwe ne. Orowa, tan orushpe iteki moshima guru otta nure kuni Shinuma kashpaotte nisa ruwe ne.

Markos 9:9

Nupuri orowa no rap shiri an ita, Ainu Poho rai i orowa no hetopo-shiknu pakno iteki nen ne yakka otta nei orushpe nure kuni kashpaotte nisa ruwe ne.

Roukos 17:14

Shinuma nei utara nukara chiki, orota ene itak-hi :— Echi paye wa Kamui kora kenru esapane utara otta yainukare yan, ani itak. Orowa, nei utara paye rapoketa, aashkannere nisa ruwe ne.

Roukos 21:13

Nei ambe anak ne echi otta paweteshu ne kusu ne.

Roukos 4:41

Samata, nitne kamui ne yakka rui hawe ashte :— Aokai anak ne Kamui Poho E ne ruwe ne, sekorʼan itak koro inne utara orowa no oaship nisa ruwe ne. Orowa, Shinuma nei ap ko-sakayokara wa iteki nep ye kuni iki, Shinuma anak ne Kiristo ne sekorʼambe eramʼan, ruwe ne gusu ne na.

Roukos 5:14

Aige, nen ne yakka iteki nure kuni ne Shinuma kashpaotte: koroka, e oman wa Kamui kora kenru esapane guru otta yainukare, samata, nei utara otta paweteshu ne gusu Mose eikashpaotte nei no e aash-kannere gusu an ayangep yange yan, ari itak.

Roukos 8:56

Orowa, eshikop utara anak ne oyamokte: koroka, tane aki orushpe moshima utara otta iteki nure kuni ne otta Shinuma eikashpaotte nisa ruwe ne na.

Roukos 9:21

Koroka, tan orushpe iteki moshima utara nure kuni ne Shinuma kashpaotte nisa ruwe ne; samata, ene itak-hi :—

Yoannes 5:41

Kuani anak ne utara orowa no airamye ambe shomo Ku goro.

Yoannes 7:18

Yaikota orowa no itak sange guru anak ne yaikota airamyere kuni gusu hunara ruwe ne: koroka, yaikota omande guru ramu-a-yere kuni gusu hunara guru anak ne, nei guru anak son no ambe ne, Shinuma oshiketa oupeka sak-i isam ruwe ne.

Yoannes 8:50

Koroka, Kuani yaikota ramuayere kuni ambe Ku hunara shomoki; hunara wa koipishi ki Shinen an ruwe ne.