Mattaios 8:22 - Ashiri Aeuitaknup Iyohaichish Yona 1897

²² Koroka, Yesu nei guru otta ene itak-hi :— En osh ek yan; rai guru anak ne koro rai guru iyurui otta omarere yan, sekoro itak.

Mattaios 8:22 Iomraidhean Croise

Mattaios 8:21

Orowa, moshima an Shinuma koikara guru naa shinen ek wa ene itak-hi :— Utarapa, kuani hoshiki no oman wa ku michi iyurui otta ku omare kuni ramuoshma wa en kore, ani itak.

Mattaios 9:9

Yesu tewa no oman wa shirikush, aine, yaku etaye chisei otta a wa an Mattaios ani aye ainu nukara hine orota ene itak-hi :— En osh ek yan, Orowa, nei guru hopuni wa Shinuma osh oman nisa ruwe ne na.

Markos 2:14

Orowa, Shinuma shirikush an ita, Arupeus koro poho Rebi yaku-etaye ushiketa a wa an i nukara, awa, otta En osh ek yan, ani itak. Orowa, shinuma hopuni wa I osh oman nisa ruwe ne.

Roukos 15:24

orowa, chi ibe ash wa nuchattek anro: inambe gusu ne yakun, tan ku po anak ne rai wa isam, awa, kanna shiknu wa an: aturainu wa an, awa, kanna apa nisa ruwe ne gusu ne na. Orowa, nei utara yainuchattek heashi ruwe ne.

Roukos 15:32

E akihi anak rai wa kanna shiknu, aturainu wa kanna-shui apa nisa ruwe ne, tambe gusu, nuchattek hemhem ki, yaikopuntek hemhem ki ambe anak ne, aki kunip ne ruwe tapan na.

Roukos 9:59

Orowa, moshima an guru otta Yesu ene itak-hi :— En osh ek yan, ani itak. Koroka, orota shinuma ene itak-hi :— Utarapa, hoshiki no ku hoshipi wa ku goro michi tushiri otta omare kuni ramuoshma wa en kore, ani itak.

Roukos 9:60

Koroka, Yesu nei guru otta ene itak-hi :— Rai guru anak ne rai guru tushiri otta omarere yan; orowa, e oman wa Kamui moshiri assuru ashte yan, ari itak.

Yoannes 1:43

Nei shimge toho ta Gariraya moshiri ta oman kuni esanniyo ruwe ne,

Yoannes 21:19

Shinuma tap ambe ye katu anak ne, Petros nekon a rai ambe ani Kamui nupek te kusu ne ya epeka no ye nisa ruwe ne. Orowa, Shinuma tambe ye okere chiki, orota, — En osh ek, ani itak.

Yoannes 21:22

Orota, Yesu ene itak-hi :— Shinuma Ku ek pakno an sekoro Kuani ramuoshma yakun, e otta nep an a? Eani En osh ek yan, sekoro itak.

Epesos 2:1

Kamui anak ne koro ouhaitap newa chikokatpak gusu rai okere echi utara kanna shiknure nisa ruwe ne;

Epesos 2:5

poro omap-i ani un omap poka hi hine, Kiristo tura un shiknure nisa ruwe ne (irenga ankushkerai gusu echi utara kashiaobiuki nisa ruwe ne),

Epesos 5:14

anak ne pekere ne ruwe ne gusu ne na. Tambe gusu, Shinuma ene itak-hi — Mokoro wa an guru mosh wa rai-hi orowa no hetopo-shiknu yan, orowa, Kiristo anak ne e orun pekere atte kusu ne na.

Korosai 2:13

Orowa, echi utara anak ne, koro chikokatpak newa kam oma okarituye buri ankushkerai gusu rai okere echi utara anak ne, obitta no okai chikoro chikokatpak Shinuma tusare hine Shinuma orowa no Shinuma tura ashiknure nisa ruwe ne;

I Timoteos 5:6

Koroka, shiniwe patek gusu iki shiyompiyara shiwentep anak ne shiknu rapoketa rai wa an ruwe ne.