Mattaios 6:5 - Ashiri Aeuitaknup Iyohaichish Yona 1897

⁵ Orowa inonno-itak echi ki chiki kankpakapeka utara nei no iteki ki yan: shinuma utara anak ne moshima utara orowa no anukara kuni ne, uwekarapa chisei ta hene machiya ututta hene roshki koro, inonno-itak ki-hi nupure ruwe ne. Son no echi orota Ku ye, nei utara anak ne pummaha koro okere ruwe ne.

Mattaios 6:5 Iomraidhean Croise

Iyohaichish 5:2

En hekote Kamui, ku goro Kamui, E orun inonno-itak ku ki gusu Ku ash te hawe nu wa en kore.

Iyohaichish 55:17

Onuman hene, kunneiwano hene, tokap noshiketa hene, ku oroman wa nuwap ku ki kusu ne: Orowa, shinuma ku hawe nu kusu ne na.

Mattaios 21:22

Orowa, nep ne yakka echi eishokoro wa inonno-itak ani ko-ramkoro yakun obitta akore kusu ne na.

Mattaios 23:13

Aa kankapkapeka kambi-nuye utara newa Parisee un utara, echi yaisambepokash humi! Inambe gusu ne yakun, utara gusu Kando moshiri echi koapashi: echi utara yaikota ahup shomoki,

Mattaios 23:5

Nei utara anak ne aeshikkoingara kuni ne ikip ki ruwe ne: inambe gusu ne yakun, shinuma utara sep pirakteria ushi, orowa, amip chingi porore ruwe ne,

Mattaios 23:6

orowa, marapto an-i ta sapane ushiketa rok katu hemhem,

Mattaios 6:1

Anukara kuni gusu moshima guru tek samata echi oupekap iteki kara yan, anukara kuni gusu oupekap echi ki yakun, kando otta an echi koro michi anak ne pummaha shomo kore ruwe ne.

Mattaios 6:16

Shui, shomo ramnu echi ki rapoketa kankapkapeka utara nei no iteki ok iporo oma yan, nei utara anak ne shomo ramnu ki sekoro moshima guru orowa no anukara kuni gusu yaiiporosakka ruwe ne. Son no echi otta Ku ye, nei utara anak ne pummaha koro okere ruwe ne.

Mattaios 6:2

Tambe gusu eungeraitep kore chiki, anun utara otta ramuaye kuni gusu kankapkapeka utara nei no uwekari chisei ta hene machiya otta bene iteki echi kotchaketa rappa arektere yan. Son no echi otta Ku ye, shinuma utara anak ne pummaha koro okere ruwe ne.

Mattaios 9:38

Tambe gusu, anange kuni ushi koro Utarapa anak ne monraige gusu an utara kot toi orun payere kuni gusu koramkoro yan, ari itak.

Markos 11:25

Orowa, kando otta an echi koro Michi anak ne echi koro chikokatpak tusare kuni ne, hembara ne yakka echi roshki wa inonno-itak ki ita moshima guru echi otta ki katpak an yakun tusare yan.

Markos 12:38

Orowa, epakashnu rapoketa ene itak-hi :— Tanne mipihi mi wa apkash rusui, iraugetupa ushiketa ako-rangarap konoburu,

Roukos 11:43

Parisee un echi utara, yaisambepokash humi! inambe gusu ne yakun, Uwekarapa chisei otta iyotta sapane set hemhem, iraugetupa ushiketa akorangarap hemhem echi konoburu ruwe ne.

Roukos 18:1

Orowa, utara anak ne ramma inonno-itak ki wa iteki ramu-rai kuni gusu shine itak-maukushte-itak ye wa ene itak-hi :—

Roukos 18:13

Koroka, nei yaku-etaye guru anak ehangeko no an wa ash hine kando orun ka koro shikihi hepuni poka shomoki, koroka, koro penram shirikik wa ene itak-hi :— Kamui, chikokatpak guru ku ne gusu imommuye kara wa en kore, ani itak.

Roukos 20:47

nei utara anak ne shiyompiyara shiwentep koro chisei isamka, orowa, akoingara kuni gusu tanne inonno-itak ki: tan utara anak ne naa poron no apanakte kusu ne na.

Roukos 6:24

Koroka, oteknu utara echi utara, yaisambepokash humi! aomaoma ambe echi koro okere ruwe ne gusu ne na.

Yoannes 16:24

Tane pakno Ku reihei rengap gusu nep ne yakka echi koramkoro shomoki: koramkoro yan, orowa, echi yaikopuntek-i auweoma kuni gusu echi akore kusu ne na.

Epesos 6:18

shui, ramma-kane Ramat otta obitta no okai inonno newa koramkorobe ani inonno-itak ki, orowa, nei okaibe gusu shiure wa obitta no okai ashkanne utara gusu yaishiporore hine koramkoro,

I Tessaronike 5:17

nep ne yakka gusu yaiiraige ki yan;

Yakob 4:6

Koroka, Shinuma anak ne irenga naa an no un koropare. Tambe gusu, Kamui anak ne pakesara utara eshishi, koroka, yaieoripakka utara otta irenga koropare ruwe ne, ari itak.