Mattaios 6:2 - Ashiri Aeuitaknup Iyohaichish Yona 1897

² Tambe gusu eungeraitep kore chiki, anun utara otta ramuaye kuni gusu kankapkapeka utara nei no uwekari chisei ta hene machiya otta bene iteki echi kotchaketa rappa arektere yan. Son no echi otta Ku ye, shinuma utara anak ne pummaha koro okere ruwe ne.

Mattaios 6:2 Iomraidhean Croise

Iyohaichish 112:9

Shinuma chari wa irapokkari utara otta koro nisa; Koro oupeka ambe ramma pakno an: Koro kirawe aeoripakbe ani ariknare kusu ne.

Iyohaichish 37:21

Wen utara anak ne shose uk wa shomo hoshipire: Koroka, oupeka utara anak irenga sange wa kore ruwe ne.

Mattaios 15:7

Kankapkapeka echi utara, Isaya anak ne irammakaka

Mattaios 16:3

Orowa, kunneiwano anak ne kando kotoro fure, nishkuru ram gusu, tanto shiri wen kusu ne sekoro echi ye ruwe ne. Kando kotoro uwande wa echi eraman, koroka, pakihi gusu an shirosh echi erampeutek ruwe ne.

Mattaios 22:18

Un nure wa un kore, ari itak. Koroka, Shinuma nei utara wen koro ambe eraman wa otta ene itak-hi :— Echi kankapkapeka utara, hemanda gusu echi En koramnukara ya?

Mattaios 23:5

Nei utara anak ne aeshikkoingara kuni ne ikip ki ruwe ne: inambe gusu ne yakun, shinuma utara sep pirakteria ushi, orowa, amip chingi porore ruwe ne,

Mattaios 23:6

orowa, marapto an-i ta sapane ushiketa rok katu hemhem,

Mattaios 24:51

orowa, kankapkapeka utara tura no eimekbe koropare kusu ne: nei ita anak ne chish hemhem niyorokara hemhem an kusu ne na.

Mattaios 5:18

Inambe gusu ne yakun, son no echi otta Ku ye, kando newa toitoi newa isam pakno nep ne yakka auweomare shomoki chiki, tuitak pon no hene amras pakno hene ne yakka aisamka shomoki kusu ne.

Mattaios 6:16

Shui, shomo ramnu echi ki rapoketa kankapkapeka utara nei no iteki ok iporo oma yan, nei utara anak ne shomo ramnu ki sekoro moshima guru orowa no anukara kuni gusu yaiiporosakka ruwe ne. Son no echi otta Ku ye, nei utara anak ne pummaha koro okere ruwe ne.

Mattaios 6:3

Koroka, eungeraitep echi kore chiki, nei akorep nuina no an kuni ne,

Mattaios 6:5

Orowa inonno-itak echi ki chiki kankpakapeka utara nei no iteki ki yan: shinuma utara anak ne moshima utara orowa no anukara kuni ne, uwekarapa chisei ta hene machiya ututta hene roshki koro, inonno-itak ki-hi nupure ruwe ne. Son no echi orota Ku ye, nei utara anak ne pummaha koro okere ruwe ne.

Mattaios 7:5

Kankapkapeka guru, yaikota koro shikihi otta an umanki-ni hoshiki no oashinge, yakun, iriwak shikihi oshiketa an pana numi oashinge kuni gusu nukara eashkai nangon na.

Markos 12:39

Uwekarapa chisei ta iyotta sapane set kata, samata marapto an ita iyotta sapane ushiketa rok rusui kambi-nuye utara yaitubare yan;

Markos 7:6

Orota Yesu ene itak-hi :— Kankapkapeka utara, echi utara gusu chieshinnuye wa an korachi, Isaya pirika no uweingara ki :— Tan utara anak ne koro papush ani en ko-oripak, Koroka, koro keutum anak ne en kattuima no okai ruwe ne.

Roukos 11:41

Koroka, eungeraitep gusu onnaigeta okaibe kore yan; yak anak ne nep ne yakka echi otta ashkanne ne ruwe ne.

Roukos 11:43

Parisee un echi utara, yaisambepokash humi! inambe gusu ne yakun, Uwekarapa chisei otta iyotta sapane set hemhem, iraugetupa ushiketa akorangarap hemhem echi konoburu ruwe ne.

Roukos 12:33

Echi korobe eihok wa eungeraitep kore yan; fushko ne shomo ki ichen o pukuru kara, ikka guru karange no ek shomoki, shish wende shomoki kando oshiketa okere shomoki aeoteknup ande yan.

Roukos 12:56

Kankapkapeka utara, moshiri newa kando kotoro uwande katu echi eramʼan; koroka, nep gusu pakihi uwande katu echi erampeutek ya?

Roukos 13:15

Koroka, Utarapa anak ne nei guru otta ese wa ene itak-hi :— Kankapkapeka utara, Shini toho ta obitta no okai echi utara anak ne kitchi orota ashirikote wa okai koro beko hene, koro roba hene pita wa wakka an ushike un ani shomoki ya?

Roukos 20:46

Tanne amip mi wa apkash rusui hemhem ki, iraugetupa ushiketa akorangarap hemhem, Uwekarapa chisei ta iyotta sapane set hemhem, marapto an ita iyotta nishpane ushike hemhem konoburu kambi-nuye utara yaitubare yan;

Roukos 6:24

Koroka, oteknu utara echi utara, yaisambepokash humi! aomaoma ambe echi koro okere ruwe ne gusu ne na.

Roukos 6:42

Naa samata, yaikota shikihi oshiketa an umanki-ni e nukara shomoki, aige, nekon a koro iriwak otta — Ku iriwak, e koro shikihi otta an pana en oashingere yan — ani itak ya? Kankapkapeka guru, yaikota shiki otta an umanki-ni hoshiki no oashinge, orowa no, iriwak shikihi otta an pana oashinge kuni ne irammakaka nukara eashkai nangon na.

Yoannes 13:29

Koroka, Youdas anak ne shuop koro wa an gusu, marapto otta eiwange kuni gusu an okaibe hok yan hene, irapokkari guru otta nep ka kore kuni an itak ani hene Yesu shinuma otta ye ruwe ne, ari yainu.

Yoannes 5:41

Kuani anak ne utara orowa no airamye ambe shomo Ku goro.

Yoannes 5:44

Utashpa uwe-iramye wa Kamui orowa no an iramyep hunara shomoki echi utara anak ne nekon a echi eishokoro eashkai ya?

Yoannes 7:18

Yaikota orowa no itak sange guru anak ne yaikota airamyere kuni gusu hunara ruwe ne: koroka, yaikota omande guru ramu-a-yere kuni gusu hunara guru anak ne, nei guru anak son no ambe ne, Shinuma oshiketa oupeka sak-i isam ruwe ne.

Apostoro ikip oma kambi 10:2

koro uni un utara ebitta tura Kamui koishitoma guru ne, orowa, poron no okai eungeraitep utara otta kore, samata, ramma Kamui ko-inonno-itak ki ruwe ne.

Apostoro ikip oma kambi 10:31

orowa, Kamui kotchaketa e kore eungeraitep anak ne aeshkarun wa an.

Apostoro ikip oma kambi 10:4

Orowa, shinuma orun nukara chiki ishitoma wa ene itak-hi :— Utarapa, nep ta? Orota, — E ki inonno-itak newa eungeraitep anak ne Kamui eshkarun ruwe ne.

Apostoro ikip oma kambi 11:29

Orowa, koi-kara utara pishno anak ne eashkai pakno teshkara wa Yudea moshirʼotta okai iriwak utara gusu kashiobas kuni ramu-oshitchiu,

Apostoro ikip oma kambi 24:17

Awa, an paha okake an koro eungeraitep newa ayange kunip ku goro uirup otta yange gusu ku ek nisa ruwe ne: aige,

Apostoro ikip oma kambi 9:36

Orowa, Yoppa kotan ta Tabita ari an reihei koro koikara shiwentep an, nei arabe eepakita yakun, Dorkas ne ruwe ne: nei shiwentep anak ne pirika ikip poron no ki, orowa, eungeraitep kore gunʼne.

Roma 12:8

epakashnu yan; onishnishi kuni ambe ne chiki, onishnishi yan; eungeraitep kore kuni ambe ne chiki, eikaun no koropare yan; epungine kuni ambe ne chiki, yuptek no epungine yan; rampoken sange kuni ambe ne chiki, yaikopuntek no ki yan.

I Korintos 13:3

Orowa, utara ibere gusu obitta no okai ku korobe ku sange hene ki, auhuyeka gusu ku netobake kore hene ki yakka, omap ambe ku sak chiki, en epirikare shomoki ruwe ne.

Garatea 2:10

ouse chi utara otek-sak utara eshkarun kuni ne nei utara kon rusui ruwe ne; nei no ku ki-hi anak kuani son no yuptek no ku iki ambe ne ruwe tapan na.

Epesos 4:28

Ikka nisa guru anak ne tewa no iteki ikka yanro: koroka, eishiramne guru otta koropare kuni okaibe an kuni ne, monraige wa koro teke ani pirikap ki yan.

I Tessaronike 2:6

samata, Kiristo koro Apostoro utara ne-hi korachi an wa echi orowa no a un eoripakte kuni ne ki eashkai ita anak, echi orowa no ne yakka, moshima utara orowa no ne yakka, ainu utara orowa no ne yakka airamye kuni ambe shomo chi hunarapa ruwe ne na.

I Timoteos 6:18

nei utara pirikap iki,

Pirimon 1:7

Inambe gusu ne yakun, e koro omap ambe gusu poron no ku nupetne wa aomaoma an, ku iriwak ne guru, e ankushkerai ashkanne utara koro keutum sambe-shiturire nisa ruwe ne gusu ne na.

Hebraios 13:16

Pirikap hene ki, tura hene iki ambe iteki oira yan: nei no okai ayange kunip Kamui shiri enupetne ruwe ne gusu ne na.

I Petros 4:11

uweutashpa nei ambe gusu yaishieiwangere yan: itak ye guru an chiki, Kamui shongo an korachi yero; yaishieiwangere guru an chiki, Kamui orowa no ako-ropare kiroro an korachi kiro; tambe anak Yesu Kiristo rengap gusu nep ne yakka otta Kamui ako-oripak kuni gusu ne na; nupeki newa kiroro kane shashuishiri wano shashuishiri pakno Shinuma korobe ne. Amen.