Mattaios 6:1 - Ashiri Aeuitaknup Iyohaichish Yona 1897

¹ Anukara kuni gusu moshima guru tek samata echi oupekap iteki kara yan, anukara kuni gusu oupekap echi ki yakun, kando otta an echi koro michi anak ne pummaha shomo kore ruwe ne.

Mattaios 6:1 Iomraidhean Croise

Iyohaichish 112:9

Shinuma chari wa irapokkari utara otta koro nisa; Koro oupeka ambe ramma pakno an: Koro kirawe aeoripakbe ani ariknare kusu ne.

Mattaios 16:27

Inambe gusu ne yakun, Ainu Poho anak ne koro Michi nupekihi hemhem, koro uitekbe hemhem tura no ek tusu ne; nei ita anak ne Shinuma obitta no okai utara pish no ikichi buri an-i korachi kore ruwe ne kusu ne na.

Mattaios 16:6

Orowa, orota Yesu ene itak-hi :— Parisee un utara newa Saddokai un utara koro pandane yaitubare yan.

Mattaios 23:13

Aa kankapkapeka kambi-nuye utara newa Parisee un utara, echi yaisambepokash humi! Inambe gusu ne yakun, utara gusu Kando moshiri echi koapashi: echi utara yaikota ahup shomoki,

Mattaios 23:5

Nei utara anak ne aeshikkoingara kuni ne ikip ki ruwe ne: inambe gusu ne yakun, shinuma utara sep pirakteria ushi, orowa, amip chingi porore ruwe ne,

Mattaios 25:40

Moshiri Shikkashima guru nei utara otta ese wa ene itak kusu ne-hi :— Son no echi otta Ku ye, tan Ku iriwak ne utara tumuge un shinen otta, iyotta ponbe poka echi ki nisa ruwe ne gusu, En otta aki nisa ruwe ne na.

Mattaios 5:16

Tambe korachi, echi ki pirika ikip moshima guru nukara wa kando otta an echi koro Michi koiramye kuni gusu, echi koro pekere moshima utara kotchaketa atte yan.

Mattaios 5:46

Echi omap utara echi koomap yakun, nep eyaiepirikarep echi koro ya?

Mattaios 5:48

Tambe gusu, kando otta an echi koro Michi aeramushinne wa an korachi, echi utara ne yakka aeramushinne no okai yan.

Mattaios 6:16

Shui, shomo ramnu echi ki rapoketa kankapkapeka utara nei no iteki ok iporo oma yan, nei utara anak ne shomo ramnu ki sekoro moshima guru orowa no anukara kuni gusu yaiiporosakka ruwe ne. Son no echi otta Ku ye, nei utara anak ne pummaha koro okere ruwe ne.

Mattaios 6:9

Tambe gusu, tap korachi inonno-itak ki yan: Kando otta an chikoro Michi, E kon reihei orota aeoripak kuni ne ki wa un kore.

Markos 8:15

Awa, Shinuma nei utara kashpaotte wa ene itak-hi :— Ingarʼan, Parisee un utara koro pan-dane hene Herod koro pan-dane hene yaitubare yan.

Roukos 11:35

Tambe gusu, e oshiketa okai pekere anak ne ekureok shomo ne kuni esanniyo yan.

Roukos 12:1

Nei ita, ukata uweotereke pakno shiri inne topaha utara uwekarapa ita anak ne Shinuma hoshiki no koro koikara utara otta ene itak heashi :— Parisee un utara koro pandane yaitubare yan, nei ambe anak kankapkapeka ambe ne ruwe ne.

Roukos 12:15

Orowa, utara otta ene itak-hi :— Iteki yaikoshipuinere kuni ne yairamatte yan: inambe gusu ne yakun, ainu inotu anak ne poron no korobe okai gusu an ambe shomo ne.

Roukos 16:15

Aige, Shinuma nei utara otta ene itak-hi :— Echi utara anak ne utara tek samata yaikatpak sakte ruwe ne, koroka, Kamui anak echi koro keutum eraman: inambe gusu ne yakun, utara tumugeta ariknarep anak ne Kamui tek samata aetunnep ne ruwe ne gusu ne na.

Yoannes 12:43

Kamui orowa no airamye kuni ambe kasu no ainu orowa no airamye kuni ambe omap nisa ruwe ne gusu ne na.

Yoannes 5:44

Utashpa uwe-iramye wa Kamui orowa no an iramyep hunara shomoki echi utara anak ne nekon a echi eishokoro eashkai ya?

Apostoro ikip oma kambi 3:12

Aige, Petros anak ne nei ambe nukara chiki, utara otta ese wa ene itak-hi :— Israeru un echi utara, hemanda gusu tapan orushpe gusu echi enushkari ruwe he an? Samata shui, nep gusu chi utara yaikota koro kiroro ani hene Kamui kooripakbe pirikap ani hene tan guru chi apkash te korachi un orun oshitkurukote ruwe he an?

Garatea 6:12

Kam gusu iramasure ambe nukare kuni kon rusui obitta no okai utara anak ne okarituye buri echi kire ruwe ne; ouse nei utara Kiristo utasa chikuni gusu iteki aekeshke kuni gusu nei no ki ruwe ne na.

Hebraios 11:26

samata, Kiristo gusu wen no aye-hi anak ne Echipt moshiri ta okai ikoro kasu no oteknu ambe ne sekoro esanniyo nisa ruwe ne; inambe gusu ne yakun, shinuma anak ne pummaha gusu an iwayehe echipachipa nisa ruwe ne gusu ne na.

Hebraios 2:1

Tambe gusu chi utara anak ne anu okere orushpe gusu naa irammakaka ikokanu kunip ne, ikineipeka chi mom wa ehaita ruwe ne kusu ne na.

Hebraios 6:10

Kamui anak ne echi utara teeda ne yakka tane ne yakka ashkanne utara otta yaishieiwangere ani an ambe ani Shinuma kon reihei gusu echi iki ambe hene omap ambe hene oira kuni oupekasak Kamui shomo ne ruwe ne.

II Yoannes 1:8

Aki okere okaibe shomo aturainu, koroka, pummaha obitta echi koro kuni ne yaikota yaitubare yan.