Mattaios 5:22 - Ashiri Aeuitaknup Iyohaichish Yona 1897

²² koroka, Kuani echi otta Ku ye, nen ne yakka koro iriwak gusu irushka gurʼanak ne aeyaikikip no akoipishi kusu ne: orowa, nen ne yakka toi o iriwak Raka ani porose gurʼanak ne ukoramkoro ki utara gusu aeyaikikip no an kusu ne ruwe ne: orowa, nen ne yakka More ani porose gurʼanak ne abe oma Gehenna gusu aeyaikikip no an ruwe ne kusu ne na.

Mattaios 5:22 Iomraidhean Croise

Iyohaichish 109:3

Etunne itak ani ne yakka en nikkotama, Ikkewe sak no en koiki nisa ruwe ne.

Iyohaichish 14:1

Kamui isama sekoro wayasap guru keutum ta itak. Nei utara munin okere, aetunne ikip ki nisa ruwe ne; Pirikap ki shiri guru isam ruwe ne.

Iyohaichish 25:3

Ruwe un, E orun eyaikopashte utara yainikoroshma shomoki; Ikkewe sak no kokandama ki utara anak ne ayainikoroshmare kusu ne.

Iyohaichish 35:19

En epokba utara iteki shunge wa en gusu yainuchattek kuni ne kara wa en kore: Shui, ikkewe sakno en etunne utara iteki en orun shikrewerewe kuni ne kara wa en kore.

Iyohaichish 37:8

Iteki irushka, kinrakarape emaka yan: Iteki keutum yaiseisekka, nei ambe anak ne ouse wen-buri hetukurep ne ruwe ne.

Iyohaichish 49:10

Shinuma nei ambe nukara kunip ne gusu ne: wayashnu utara rai kunip ne; Haita guru newa chikoikip nepkoro an guru ne yakka utura isam wa Koro oiteknup moshima utara gusu hoppa kusu ne na.

Iyohaichish 69:4

Ikkewe sak no en etunne utara anak ne ku otop tu kasu no inne ruwe ne. Nei ikkewe sak no en epokba wa en isamka rusui utara anak ne okirashnu ne: Shomo ku koro wa oman ambe, ku hoshipire ruwe ne na.

Iyohaichish 7:4

Itomo irenga ikore guru otta wenbe ku kara yakun, (Shomo, ikkewe sak no en ramushitnere guru ku kashiobiuki nisa ruwe ne):

Iyohaichish 92:6

Chikoikip nepkoro an ainu anak ne erampeutek; Ramat-sak guru ka tambe eramushkare ruwe ne.

Mattaios 10:17

Koroka, utara yaitubare yan: inambe gusu ne yakun, utara anak ne ukoramkoro utara otta echi sange, orowa, koro uwekari chisei ta echi koshirkik kusu ne gusu ne na;

Mattaios 10:28

Netobake raige eashkai, koroka ramat raige eaikap utara iteki koishitoma yan: koroka, ramat hemhem netobake hemhem tup ne kane Gehenna orota isamka eashkaibe koishitoma yan.

Mattaios 12:24

Koroka, Parisee un utara nei ambe nu, aige, ene itak-hi :— Tan guru anak ne ouse Beeruzeboru ani aporose nitne kamui esapanep ani nitnep soyumbare ruwe ne, ari itak.

Mattaios 17:5

Shinuma naa ye rapoketa ingarʼan, peken nishkuru shinep enkashike kamu; orowa, ingarʼan, nei nishkuru orowa no hau anu wa ene hawe okai-hi :— Tambe anak Ku omap shi no Ku enupetne Poho ne ruwe ne, Shinuma nu yan, ari hawe ash.

Mattaios 18:21

Orowa, Petros ek wa shinuma otta ene itak-hi :— Utarapa, En epeka no ku iriwak anak ne katpak ki chiki, hembak shui ku tusare kusu ne ya? arawan shui pakno kusu ne ya? sekoro itak.

Mattaios 18:35

Echi utara ne yakka pishno pishno ramu-osshi wano echi koro iriwak tusare shomoki chiki, kando otta an Ku Michihi ne yakka nei no echi otta ki kusu ne na.

Mattaios 23:15

Aa kankapkapeka kambi-nuye utara newa Parisee un utara, echi yaisambepokash humi! shine koikara guru kara kuni ne rep oro ya oro echi nikkotama ruwe ne; orowa, koikara guru anere chiki echi kasu no tup pakno Gehenna un po ne kan ruwe ne gusu ne na.

Mattaios 23:33

Okotko utara, paskuru tokkoni koro sanike ne echi utara, Gehenna oma aesanniyop nekon a echi ehaita kusu ne ya?

Mattaios 25:41

Nei ita anak ne ohariki samta okai utara otta ka ene itak kusu ne-hi :— Aiyoitakushi echi utara, En orowa no paye wa Nitnep newa koro hauturunbe gusu etokooiki wa an hembara pakno ne yakka ush shomoki abe otta ahup yan:

Mattaios 26:59

Awa, Kamui kora kenru esapane utara obitta no ukoramkoro utara tura Yesu raige kuni shunge paweteshu ambe hunara ruwe ne;

Mattaios 3:17

orowa, ingarʼan, kando orowa no hawe anu wa ene itak-hi :— Tambe anak, Ku omap, Shi no ku enupetne Poho ne ruwe ne, ari itak nisa ruwe ne na.

Mattaios 5:34

koroka, echi otta Ku ye, iteki nep ka ko-ye no ekambakbe ki yan, kando anak ne Kamui araset ne wa gusu, kando ko-ye wa iteki ekambakbe ki yan.

Mattaios 5:44

koroka, echi otta Ku ye, echi epokba utara omap yan, echi keshke utara rengap gusu inonno itak ki yan;

Markos 14:55

Awa, Kamui kora kenru esapane utara ukoramkoro utara anak ne Yesu raige kuni shunge paweteshu-i hunara ruwe ne; koroka, pa eaikap.

Markos 15:1

Orowa, kunneiwano an ita nani Kamui kora kenru esapane utara anak ne ekashi utara newa kambi-nuye utara newa obitta ukoramkoro utara tura eukoramkoro, orowa, Yesu tupetupe wa tura wa paye hine Pirato otta ekoshi nisa ruwe ne.

Roukos 12:5

Koroka, inambe echi ko-ishitoma kunip ne ya echi nure ash na: Raige orowa no Gehenna otta eyapkiri mondum koro guru ishitoma yan; Ruwe un, Shinuma ko-ishitoma yan, ani Ku ye.

Roukos 22:66

Orowa, tokap-to ne koro anak ne utara koro uwekari un ekashi ikiri, samata Kamui kora kenru esapane utara, kambi-nuye utara hene uwekarapa; awa, koro ukoramkoro utara orun Shinuma tura wa ene itak-hi :—

Yoannes 11:47

Tambe gusu, Kamui kora kenru poro esapane utara newa Parisee un utara ukoramkoro wa ene itak-hi :— Nekon a chi ki ya? tan guru poron no okai shirosh ki ruwe ne gusu ne na.

Yoannes 15:25

Koroka, nei utara koro tuitak otta anuye wa an ap auweomare kuni gusu, — Ikkewe sak no nei utara En etunne nisa ruwe ne.

Yoannes 7:20

Inne utara ene ese-hi :— Eani anak ne nitne kamui ashikatkare an E raige kuni hunara guru nen ne ruwe he an?

Yoannes 8:48

Yudea un utara ese wa Shinuma otta ene itak-hi :— Eani anak ne Samaria un guru ne, nitne kamui ituren guru E ne ruwe ne, ani shomo chi ye ya?

Apostoro ikip oma kambi 17:18

Orowa, Stoik newa Epikuria un utara koro epakashi gusu eramush an utara anak ne shinuma etunangara. Aige, Tan patachinne guru hemanda itak ani itak sange kushki ya? ari itak utara okai: shui, shinuma anak ne Oya Kamui assuru ashte guru ne kotom an, ari itak utara ka okai: Shinuma anak ne Yesu newa hetopo-shiknu ambe eupaskuma ruwe ne gusu ne na.

Apostoro ikip oma kambi 22:30

Koroka, nei shimge tobo ta, Yudea un utara orowa no aeiyonnupba kuni son no ikkewehe eraman rusui gusu, nei sapane guru shinuma pita nisa ruwe ne; orowa, Kamui kora kenru esapane utara newa obitta no okai ikoramkoro utara uwekarapa kuni ne kashpaotte, aige, Pauros sange wa nei utara kotchaketa ande nisa ruwe ne na.

Apostoro ikip oma kambi 23:1

Orowa, Pauros anak ne nei uwekari orun oshikkurukote wa ene itak-hi :— Iriwak utara, tanto pakno kuani anak ne Kamui tek-samata pirika keutura kon no an wa an ruwe ne.

Apostoro ikip oma kambi 24:20

Shomo ne yakun, nei ukoramkor-i kotchaketa ku ash rapoketa nep wen-buri ku ki kuni anukara ya teda okai utara ayere yak pirika na,

Apostoro ikip oma kambi 4:15

Koroka, nei ukoramkoro ushi wano soyumba kuni akashpaotte chiki, utashpa uweukoramkoro hine ene itak-hi :—

Apostoro ikip oma kambi 5:21

Orowa, nei utara tap ambe nu chiki, kunne-nisat pakita Kamui kora kenru ta ahup wa epakashnu nisa ruwe ne. Koroka, Kamui kora kenru iyotta pase esapane guru anak ne tura no okai utara tura ek, aige, ukoramkoro kuni utara newa Israeru un utara koro tono utara uwekarapare, awa, nei utara atak gusu ipakashnu chisei ta teshkara nisa ruwe ne.

Apostoro ikip oma kambi 5:27

Orowa, atura wa okai yakun, nei ukoramkoro ki utara kotpokita roshkire nisa ruwe ne. Aige, Kamui kora kenru esapane iyotta pase guru anak ne nei utara otta uwepekennu wa ene itak-hi :—

Apostoro ikip oma kambi 6:12

Orowa, nei utara anak ne ouse utara newa ekashi utara newa kambi-nuye utara oyupupu wa orota araki hine shinuma kishima; aige, ukoramkoro utara orun tura, orowa, shunge paweteshu ki utara ashte wa ene itakte-hi :—

Apostoro ikip oma kambi 6:15

Orowa, nei ukoramkoro ushi rok wa okai utara obitta shinuma orun oshikkurukote, aige, nanuhu nukara chiki Kamui hauturumbe nei no an nanuhu nepkoro anukan na.

Apostoro ikip oma kambi 7:37

En korachi, echi koro iriwak utara tumuge wano echi utara gusu Kamui anak ne uweingara guru hetukure kusu ne, ari an itak ani Israeru utara otta ye Mose anak ne tan guru ne ruwe ne.

Roma 12:10

Wenbe etunne wa pirikap otta ko-an. Iriwak utara ko-omap wa uwe-eramuhaugere yan; aainukoro wa uwe-eoripak yan;

I Korintos 6:10

ikka utara hene, yaikoshipuinere utara hene, ihoshki utara hene, kosakayokara utara hene, ehekem utara hene, Kamui moshiri eikeshkoro shomoki kusu ne na.

I Korintos 6:6

Koro iriwak uturu esanniyo eashkai shine wayashnu guru anukara eaikap gusu eishokoro shomoki utara kotchake un echi paye wa koipishire poka pakno echi ki ya?

I Tessaronike 4:6

inan guru ne yakka tap ambe otta iteki eikaunu ki hine koro iriwak ika kokandama na: inambe gusu ne yakun, chi utara teeda anu no chi ye wa nure ash korachi, tap okaibe gusu Utarapa anak ikemnu ki ambe ne ruwe ne gusu ne na.

Titus 3:2

iteki nen ne yakka ohaigekara, iteki ukoiki, rotcha keutum koro, obitta no okai utara epeka ramu-hauge no okai kuni ye yan.

Hebraios 12:25

Itak sange shiriki an guru iteki ekatupase kuni ne yaitubare yan. Inambe gusu ne yakun, moshiri kata an wa nei utara anak ne epakashnu guru ekatupase chiki shomo aohaitare yakun, naa eitasa no chi utara anak kando wano un epakashnu guru eyaishishire chiki shomo yaiohaitare ruwe ne:

Hebraios 5:9

samata, Shinuma aeramushinnere okere chiki, otta koitaknu obitta no okai utara gusu otusashuishiri pakno an kashichiobiuki ambe koro ikkewe ne akan na;

Yakob 2:20

Aa haita guru, ki ikip sak no an eishokor-i anak ne toirenbe ne sekoro onnere shomoki ya?

Yakob 3:6

Orowa, parumbe anak ne abe ne: netobake ebitta turusakte chikoro tumam awehe tumta an oupeka sak moshiri ne, Gehenna gusu aare wa moshirʼebitta uhuyeka ruwe ne.

I Petros 2:23

Shinuma, aiyoitakushi ita, shomo tasa oitakushi ki; ayairamshitnere ita kosakayokara shomoki; koroka, oupeka no koipishi guru otta yaikoropare nisa ruwe ne:

I Petros 3:9

yaieoripakka wa okai yan: wenbe gusu iteki wenbe hekiru, akowenpashuipa gusu iteki kowenpashuipa ambe hekiru, koroka, makangane nunuke yan; inambe gusu ne yakun, nunuke ambe echi eikeshkore kuni gusu echi anishuk nisa ruwe ne gusu ne na.

I Yoannes 2:9

Pekere otta an ani ye wa koro iriwak etunne gurʼanak ne tane pakno poka kunne-i otta an ruwe ne.

I Yoannes 3:10

Tata otta Kamui poho utara hemhem nitnep koro poho utara hemhem anukan ruwe ne: nen ne yakka oupekap shomo ki guru hene, koro iriwak shomo omap guru hene, Kamui orowa no an ap shomo ne.

I Yoannes 5:16

Nen ne yakka shomo gusu rai kuni katpak koro iriwak ki-hi nukara, orowa, koramkoro yakun, nei shomo gusu rai kuni katpak ki utara akore kuni ne Shinuma nei utara otta inotu koropare kusu ne na Gusu rai kuni katpak an: nei ambe gusu shinuma koramkoro kuni shomo ku ye ruwe ne.

Youdas 1:9

Koroka, sapane uitekbe ne Mikaeru anak ne nitne kamui tura upahunara iki ita koatcha koipishi itak sange shomoki no, Utarapa e kopao kusu ne ari an itak ani ye nisa ruwe ne.

Ekambakbe 20:14

Orowa, rai-i newa Hedes anak ne abe to orota aeyapkiri. Tambe anak, tan abe to anak ne, tutanu an rai ambe ne ruwe ne.