Mattaios 5:18 - Ashiri Aeuitaknup Iyohaichish Yona 1897

¹⁸ Inambe gusu ne yakun, son no echi otta Ku ye, kando newa toitoi newa isam pakno nep ne yakka auweomare shomoki chiki, tuitak pon no hene amras pakno hene ne yakka aisamka shomoki kusu ne.

Mattaios 5:18 Iomraidhean Croise

Iyohaichish 102:26

Nei ambe isam kusu ne, koroka, Aokai anak ne an kusu ne: Ruwe un, nei okaibe obitta amip korachi fushko ne; Amip korachi Aokai anak ne nei ambe itasare kusu ne, aige, nei ambe aitasare kusu ne na:

Iyohaichish 111:8

Otusashuishiri wano otusashuishiri pakno ash kusu ne, Son no ambe newa oupekap ani akan na.

Iyohaichish 119:152

Aokai anak ne otusashuishiri pakno E koro ekambakbe ashte nisa ruwe ne sekoro, Fushkotoi wano ku eraman ruwe ne na.

Mattaios 10:15

Son no echi otta Ku ye, koipishi toho ta Sodom newa Gomoron kotan akore panakte-i anak ne nei kotan kasu no kasush kusu ne.

Mattaios 10:23

Koroka, tan machiya ta utara echi keshke chiki, nei samake an machiya orun kira yan: son no echi otta Ku ye, — Echi utara Israeru un machiya ebitta kush shomoki, aine, Ainu Poho ek kusu ne na.

Mattaios 10:42

Orowa, nen ne yakka En koikara guru ne gusu teda okai shine nokan guru otta nam wakka shine itangi patek poka kure gurʼanak ne, son no echi otta Ku ye, nei guru anak koro pummaha earikimre turainu shomoki kusu ne ruwe ne na.

Mattaios 11:11

Son no echi otta Ku ye, shiwentep utara hekatparep tumugeta Baptisma kore Yoannes kasu no pase guru naa shomo hopuni nisa ruwe ne: yakka, kando moshirʼotta an iyotta pon guru ne yakka nei guru kasu no pase guru ne ruwe ne na.

Mattaios 13:17

Inambe gusu ne yakun, son no echi otta Ku ye, inne uweingara utara hene, inne oupeka utara ne yakka echi nukarabe nukan rusui a koroka, shomo nukara; echi nu ambe nu rusui a koroka, nu ka shomoki nisa ruwe ne.

Mattaios 16:28

Son no echi otta Ku ye, teda okai utara tumugeta roshki utara anak ne Ainu poho koro moshiri tura wa ek shiriki-hi nukara pakno, oara rai ambe sapke shomoki kusu ne na.

Mattaios 17:20

Orota Shinuma ene itak-hi :— Echi eishokor-i pon ruwe ne gusu ruwe ne: son no echi otta Ku ye, karashi piyehe pakno eishokor-i echi koro chiki, tan nupuri otta ne yakka, toani un oman yan ani itak yakun oman kusu ne;

Mattaios 18:18

Son no echi otta Ku ye, nep ne yakka kanna moshiri ta echi tupetupep anak ne kando otta ne yakka atupetupe kusu ne; orowa, nep ne yakka kanna moshiri ta echi pitap anak ne kando otta ne yakka apita kusu ne.

Mattaios 18:3

Son no echi otta Ku ye, echi utara hosari wa pon utara okai-i korachi ne shomoki yak anak ne, oara Kando moshiri ahup eaikap kusu ne.

Mattaios 19:23

Orowa, Yesu anak ne koro koikara utara otta ene itak-hi :— Son no echi otta Ku ye, Ikoro koro guru Kando moshirʼotta ahun-i anak ne hokamba ruwe ne.

Mattaios 19:28

Nei utara otta Yesu ene itak-hi :— Son no echi otta Ku ye, En osh araki utara echi utara anak ne ashino hekatu ita, Ainu Poho nupeki araset kata a kusu ne ita, echi utara ne yakka tup ikashima wan araset kashiketa rok wa Israeru un tup ikashima wan ikiri ne okai utara koipishi kusu ne.

Mattaios 21:21

Orowa, Yesu ese wa nei utara otta ene itak-hi :— Son no echi otta Ku ye, echi utara anak ne utumashi shomoki no eisho-toro yakun tan ichijiku chikuni otta aki korachi echi ki kusu ne ambe patek shomo ne, koroka, tan nupuri otta poka — Eani auk wa atui oshiketa aosura wa okai yan — ani echi ye chiki, aki kusu ne.

Mattaios 21:31

Tan tun ututta inan guru michi korʼirenga ki nisa ruwe he an? Nei utara :— Hoshiki an gunʼne, ari itak. Orota Yesu ene itak-hi :— Son no echi otta Ku ye, yaku-etaye utara newa ramupekere shiwentep utara anak ne echi etokota Kamui moshiri orun ahup ruwe ne.

Mattaios 23:36

Son no echi otta Ku ye, tane okai ainu ikiri otta tap okaibe ek kusu ne.

Mattaios 24:2

Koroka, nei utara otta Shinuma ese wa ene itak-hi :— Tan okaibe echi nukara shomoki ya? Son no echi otta Ku ye, — Tan ukata okai shomo ahachire kusu ne a shuma anak ne shine shuma poka shomo aande kusu ne na.

Mattaios 24:47

Son no echi otta Ku ye, nishpa anak ne koro wa okaibe obitta nei guru esapanere kusu ne.

Mattaios 25:12

Koroka, nei utara otta shinuma ese wa ene itak-hi :— Son no echi otta ku ye;

Mattaios 25:40

Moshiri Shikkashima guru nei utara otta ese wa ene itak kusu ne-hi :— Son no echi otta Ku ye, tan Ku iriwak ne utara tumuge un shinen otta, iyotta ponbe poka echi ki nisa ruwe ne gusu, En otta aki nisa ruwe ne na.

Mattaios 25:45

Tata otta Shinuma ese wa ene itak kusu ne-hi :— Tan okai utara tumuge un iyotta pon guru otta shomo echi ki nisa ruwe ne gusu, En otta echi iki shomoki nisa ruwe ne, sekoro itak.

Mattaios 5:26

Son no e otta Ku ye, amras pakno an ambe ne yakka shomo e sange yak anak ne e soine eaikap kusu ne ruwe ne na.

Mattaios 6:16

Shui, shomo ramnu echi ki rapoketa kankapkapeka utara nei no iteki ok iporo oma yan, nei utara anak ne shomo ramnu ki sekoro moshima guru orowa no anukara kuni gusu yaiiporosakka ruwe ne. Son no echi otta Ku ye, nei utara anak ne pummaha koro okere ruwe ne.

Mattaios 6:2

Tambe gusu eungeraitep kore chiki, anun utara otta ramuaye kuni gusu kankapkapeka utara nei no uwekari chisei ta hene machiya otta bene iteki echi kotchaketa rappa arektere yan. Son no echi otta Ku ye, shinuma utara anak ne pummaha koro okere ruwe ne.

Mattaios 8:10

Orowa, Yesu tan itak nu chiki iyokunnure, aige, osh araki utara otta ene itak-hi :— Son no echi otta Ku ye, Israeru un utara tumugeta ne yakka naa shomo tap korachi an poro eishokor-i Ku nukara eramushkare.

Markos 10:15

Son no echi otta Ku ye, nen ne yakka nokan guru nei no Kamui moshiri uk shomoki gurʼanak ne, earikinne nei moshiri orun ahun shomoki kusu ne, ari itak.

Markos 10:29

Yesu ene itak-hi :— Son no echi otta Ku ye, Ku rengap gusu hemhem, pirika shongo rengap gusu hemhem, chisei hene, okkai ainu uiriwak hene, matne ainu uiriwak hene, unu hene, ona hene, po utara hene,

Markos 11:23

Son no echi otta Ku ye, nen ne yakka tan nupuri otta, eani auk wa atui oshiketa e aeyapkiri yan, ani an itak ani ye chiki, samata, keutum ta utumashi shomoki no ye itak korachi uwe-a-omare kusu ne sekorʼambe eishokoro yakun, akara kusu ne na.

Markos 12:43

Orowa, Shinuma anak ne koro koikara utara hotuyekara wa orota ene itak-hi :— Son no echi otta Ku ye, nei karauto otta ichen omare guru kasu no tan otek-sak shiyompiyara shiwentep naa poron no omare nisa ruwe ne:

Markos 13:30

Son no echi otta Ku ye, tambe obitta auweomare pakno tane okai ainu ikiri isam shomoki kusu ne.

Markos 14:18

Orowa, rok wa ibe korʼan ita, Yesu ene itak-hi :— Son no echi otta Ku ye, echi shinen En tura no ibe korʼan guru anak ne En ekoshi kusu ne, sekoro itak.

Markos 14:25

Son no echi otta Ku ye, Kamui moshirʼotta echi tura no ashiripe Ku iku pakno, tande orowa no hat pungara ibehe Ku iku shomoki kusu ne ne, sekoro itak.

Markos 14:30

Orota Yesu ene itak-hi :— Son no e otta Ku ye, tanto, tan ukuran, tu shuine niwatori chikap hau koro etokota eani re shui ne En eshina kusu ne na, sekoro itak.

Markos 14:9

Orowa, son no echi otta Ku ye :— Ingi moshirʼebitta Pirika shongo eupaskuma an ushiketa tap tan shiwentep ikip anak ne aeshkarun kuni gusu aye kusu ne na, sekoro itak.

Markos 3:28

Son no echi otta Ku ye :— Utara poho utara koro obitta no okai chikokatpak newa koatcha ani iki koatcha ambe anak ne atusare kusu ne; koroka,

Markos 6:11

Orowa, nep ushike ne yakka echi uk shomoki no shomo echi nu chiki, nei ushike orowa no echi paye koro, nei utara epeka no an paweteshu ne gusu echi chikiri pok ush koponchi tuituye yan, ari itak.

Markos 8:12

Awa, Shinuma keutum osshi wano tanne heisei ki wa ene itak-hi :— Nep gusu tan ainu ikiri shirosh hunara ya? Son no echi otta Ku ye, tan ainu ikiri otta shirosh

Markos 9:1

Orowa, orota Shinuma ene itak-hi :— Son no echi otta Ku ye, tan okai utara tumugeta teda roshki wa okai utara anak ne Kamui moshiri auak ne kiroro ani ek shiri nukara pakno oara rai ambe sapke' katap shomoki kusu ne na, sekoro itak.

Markos 9:41

Orowa, nen ne yakka echi utara anak Kiristo koro utara echi ne na gusu iku kuni wakka shine itangi echi kore gurʼanak ne, son no echi otta Ku ye, nei guru oara koro pummaha turainu shomoki kusu ne.

Roukos 11:51

Aberu koro kem wano Kamui kora kenru newa yange set uturuta aisamka Zakarias koro kem pakno tane okai ainu ikiri otta ahunara kuni gusu ne na: ruwe ne wa, echi otta Ku ye, tane okai ainu ikiri otta ahunara kusu ne na.

Roukos 12:37

Kon nishpa ek wa shiruwande wa okai anukara usshiune utara anak ne anunuke ne ruwe ne: son no echi otta Ku ye, Kon nishpa anak ne yaikota yai-kutkoro wa, nei utara ibe gusu rokte, orowa, ek wa otta yaishieiwangere kusu ne na.

Roukos 13:35

Ingarʼan, echi kot chisei anak ne echi otta aande: koroka, echi otta Ku ye, Utarapa reihei ani ek guru anak ne anunuke ne, ari an itak ani echi ye pakno tewa no shomo echi En nukara kusu ne na.

Roukos 16:17

Koroka, tuitak un shine iyotta ponbe hachiri kasu no kando newa toitoi isam ambe isaika ruwe ne.

Roukos 18:17

Son no echi otta Ku ye :— Nen ne yakka nokan guru nei no Kamui moshiri uk shomoki gurʼanak ne oara nei moshiri orun ahun shomoki kusu ne na.

Roukos 18:29

Nei utara orota Shinuma ene itak-hi :— Son no echi otta Ku ye :— Kamui moshiri rengap gusu chisei hene, machi hene, iriwak hene,

Roukos 23:43

Orota Shinuma ene itak-hi :— Sen no e otta Ku ye, Tanto En tura no Paradeisos otta e an kusu ne na, ani itak.

Roukos 4:24

Orowa, Shinuma ene ye-hi :— Son no echi otta Ku ye, nep uweingara guru ne yakka koro kotan ta auk shomo ne.

Yoannes 1:51

Orowa, shui, orota Shinuma ene itak-hi :— Son no, son no e otta Ku ye, kando sara wa Kamui hauturumbe Ainu Poho kashi ran hemhem ki rikin hemhem ki-hi e nukara kusu ne, ari itak.

Yoannes 10:1

Son no, son no, echi otta Ku ye, hitsuji topa gusu an ekashi otta apa kari ahun shomoki no, oya ru kari ta yan gurʼanak ne, shinuma anak ikka guru ne, niwen no iki ikka guru ne ruwe ne.

Yoannes 10:7

Tambe gusu, shui, nei utara otta Yesu ene itakhi :— Son no, son no, echi otta Ku ye, Kuani anak ne hitsuji apa Ku ne ruwe ne.

Yoannes 12:24

Son no, son no, echi otta Ku ye, munge piye num anak ne toi tumu hachiri wa munin shomoki yakun, yaikota shinep ne a an ruwe ne; koroka, munin yak anak ne poron no ibehe o ruwe ne.

Yoannes 13:16

Son no, son no, echi otta Ku ye, koro nishpa kasu no anak usshiune guru anak ne pase shomo ne; samata, apostoro anak ne shinuma omande guru kasu no pase shomo ne ruwe ne.

Yoannes 13:38

Yesu ene ese-hi :— En shirihine e rai ya? son no, son no, e otta Ku ye, re shuine eani En eshikeshke pakno niwatori-chikap hau koro shomoki kusu ne na, sekoro itak.

Yoannes 14:12

Son no, son no, echi otta Ku ye, En eishokoro guru anak ne Ku ki ikip nei guru ne yakka ki kusu ne; orowa, tambe kasu no poro ikip ki kusu ne; Michi orota Ku arapa ruwe ne gusu ne na.

Yoannes 16:20

Son no, son no, echi otta Ku ye, echi utara anak ne chish hemhem ki, esarachish hemhem echi ki, koroka, moshiri anak yaikopuntek kusu ne: echi oknatara kusu ne, koroka echi oknatarap anak ne yaikopuntekbe ne akara kusu ne na.

Yoannes 16:23

Nei toho ta nep ne yakka En otta echi uwepekennu shomoki. Son no, son no, echi otta Ku ye :— Nepka Ku Michi otta echi koramkoro yakun, Shinuma Ku reihei rengap gusu echi kore kusu ne.

Yoannes 21:18

Son no, son no, e otta Ku ye :— Aokai upen ita anak ne yaikutkoro wa e rengaine neita ne yakka apkash nisa ruwe ne: koroka, e onne koro anak tekehe e turi hine moshima guru e kutkoro wa e oman rusui shomoki ushike orun e tura kusu ne na, ari itak.

Yoannes 3:11

Son no, son no e otta Ku ye, chi utara anak ne aeramu ambe ye, orowa, yaikota nukarape gusu paweteshu ki ruwe ne, yakka, chi ye paweteshu-i echi nu shomoki ruwe ne.

Yoannes 3:3

Orota Yesu ese wa ene itak-hi :— Son no, son no e otta Ku ye, ainu anak ne ashin no hekatu shomoki chiki Kamui moshiri nukara eaikap ruwe ne, ari itak.

Yoannes 3:5

Yesu ene ese-hi :— Son no, son no e otta Ku ye, Ainu anak ne wakka newa Ramat ani hekatu shomoki chiki Kamui moshiri orun ahun eaikap ruwe ne.

Yoannes 5:19

Tambe gusu, nei utara otta Yesu ese wa ene itak-hi :— Son no son no echi otta Ku ye, Poho anak ne nukara shiri Michi karabe moshima nep ne yakka yaikota kara eaikap: orowa, nep ne yakka Shinuma karabe tap okaibe Poho ne yakka nei no kan ruwe ne.

Yoannes 6:26

Orota Yesu ese wa ene itak-hi :— Son no son no echi otta Ku ye, shirosh echi nukara gusu shomo En hunara, nei aep echi ibe wa akironnure nisa ruwe ne gusu En hunara ruwe ne.

Yoannes 6:32

Tambe gusu, nei utara otta Yesu ene itakhi :— Son no son no echi otta Ku ye, kando orowa no nei aep echi kore guru anak ne Mose shomo ne; koroka, Ku Michi anak ne Kando orowa no son no aep echi kore ruwe ne.

Yoannes 6:47

Son no son no echi otta Ku ye :— Eishokoro gurʼanak ne ramma okere shomoki inotu koro shiri an na.

Yoannes 6:53

Tambe gusu, nei utara otta Yesu ene itak-hi :— Son no son no echi otta Ku ye, Echi utara anak ne Ainu Poho koro kam echi e, samata Shinuma koro kem echi iku shomoki chiki anak ne echi yaikota oshiketa inotu koro shomoki ruwe ne.

Yoannes 8:34

Orota Yesu ene ese-hi :— Son no son no echi otta Ku ye, nen ne yakka chikokatpak an gurʼanak ne katpak otta ausshiunere an guru ne ruwe ne.

Yoannes 8:51

Son no, son no, echi otta Ku ye, Ainu anak ne Ku ye itak shikkashima yakun, ramma pakno rai-i shomo nukara kusu ne na.

Yoannes 8:58

Orota Yesu ene itak-hi :— Son no, son no, echi otta Ku ye, Abraham naa shomo hetuku etokota Ku an nisa ruwe ne, sekoro itak.

I Petros 1:25

Koroka, Utarapa itak anak ne otusashuishiri pakno an ruwe tapan na. Orowa tan itak anak ne echi utara otta eupaskuma an pirika shongo ne ruwe ne na.

Ekambakbe 20:11

Orowa, poro retara amset, samata, nei kashiketa rokbe ku nukara, awa, Shinuma koro nanuhu wano toitoi newa kando newa kira nisa ruwe ne, aige, okai kuni ushike shomo anukan ruwe ne na.