Mattaios 5:16 - Ashiri Aeuitaknup Iyohaichish Yona 1897

¹⁶ Tambe korachi, echi ki pirika ikip moshima guru nukara wa kando otta an echi koro Michi koiramye kuni gusu, echi koro pekere moshima utara kotchaketa atte yan.

Mattaios 5:16 Iomraidhean Croise

Mattaios 23:5

Nei utara anak ne aeshikkoingara kuni ne ikip ki ruwe ne: inambe gusu ne yakun, shinuma utara sep pirakteria ushi, orowa, amip chingi porore ruwe ne,

Mattaios 23:9

Naa samata, kanna moshiri ta nen ne yakka michi ani iteki ye yan, inambe gusu ne yakun, kando otta an shinen anak ne echi koro Michi ne ruwe ne.

Mattaios 5:45

kando otta an echi koro Michi poho echi ne kuni gusu tambe nei no ki yan; inambe gusu ne yakun, Shinuma anak ne wen guru gusu ne yakka pirika guru gusu ne yakka koro tokap chup hetukure, orowa, keutum oupeka guru otta ne yakka keutum oheuge guru otta ne yakka apto ashte ruwe ne gusu ne na.

Mattaios 6:16

Shui, shomo ramnu echi ki rapoketa kankapkapeka utara nei no iteki ok iporo oma yan, nei utara anak ne shomo ramnu ki sekoro moshima guru orowa no anukara kuni gusu yaiiporosakka ruwe ne. Son no echi otta Ku ye, nei utara anak ne pummaha koro okere ruwe ne.

Mattaios 6:9

Tambe gusu, tap korachi inonno-itak ki yan: Kando otta an chikoro Michi, E kon reihei orota aeoripak kuni ne ki wa un kore.

Mattaios 9:8

Koroka, inne utara tap ambe nukara chiki ishitoma shiriki, orowa, tap korachi an mondum ainu otta koropare Kamui ko-oripak nisa ruwe ne na.

Roukos 11:2

Nei utara orota Shinuma ene itak-hi :— Echi utara inonno-itak ki ita ene korachi ye :— Michi, E reihei orota aeoripak kuni ne ki wa un kore.

Yoannes 15:8

Tambe otta Ku Michi anak ne aeoripak an, echi utara poron no ibe o;

Apostoro ikip oma kambi 9:36

Orowa, Yoppa kotan ta Tabita ari an reihei koro koikara shiwentep an, nei arabe eepakita yakun, Dorkas ne ruwe ne: nei shiwentep anak ne pirika ikip poron no ki, orowa, eungeraitep kore gunʼne.

I Korintos 14:25

keutum ta aeshinap anak ne asarare an; aige, nei guru nanu shirikamu wa Kamui koongami hine nei Kamui echi tumugeta an kunak ye kusu ne na.

II Korintos 9:13

nei utara anak ne tap an aeyaishieiwangere-hi uwande ankushkerai, Kiristo koro Pirika shongo gusu an eyaipushi-hi ekoitaknu ambe gusu hemhem, nei utara otta ne yakka obitta no okai utara otta ne yakka nuye an no tura no echi ikichi gusu hemhem Kamui koiramye shiriki okai an ruwe ne;

Garatea 1:24

sekorʼan assuru nu nisa ruwe ne; aige, en gusu nei utara Kamui ramye nisa ruwe tapan na.

Epesos 2:10

kashiaobiuki shomo ki ruwe ne. Chi utara anak ne Shinunra karape ne, pirikap iki gusu Kiristo Yesu otta akan nisa ruwe ne; nei pirika ikip otta apkash kuni ambe Kamui anak ne teeda etoko-oiki nisa ruwe ne na.

Epesos 5:8

inambe gusu ne yakun, teeda echi utara kurokokbe echi ne a koroka, tane anak Utarapa otta pekerebe echi ne ruwe ne gusu ne na:

I Tessaronike 2:12

yaikota koro moshiri newa araguru orun echi nishuk Kamui kopakeot no echi apkash kuni ne hemhem ki wa paweteshu chi kon nisa sekorʼambe echi eraman korachi ne ruwe ne na.

I Timoteos 2:10

(Kamui kooripak sekoro ye shiwente utara kopakeat korachi) pirika ikip ani ki yan.

I Timoteos 5:10

nei guru anak ne poho utara reshpa yakun, atchi un utara ayando kore yakun, ashkanne utara chikiri uraye yakun, yairamhekonro utara kaobiuki yakun, shiarikiki no obitta no okai pirika ikip nei no iki yakun, sapaha nuye yan.

I Timoteos 5:25

Tambe nei no ne yakka anukarape ne pirika ikip okai; orowa, pirika shomo ne ambe anak anuina eaikap ruwe ne.

I Timoteos 6:18

nei utara pirikap iki,

Titus 2:14

Shinuma anak ne obitta no okai ikashpaotte otereke ambe orowa no un kikiraye hemhem ki, pirika ikip shiarikiki no iki yaikota korope ne gusu utara turu-sakte hemhem ki kuni ne yaiyange nisa ruwe ne na.

Titus 2:7

nep ne yakka gusu eani anak ne pirika ikip epeka yaikota y aekoikarabe ne yai kara yan; epakashi gusu oheuge sak,

Titus 3:14

Koro kuni eishiramne ambe chikoro utara ne yakka uina kuni ne pirika moni iki ambe eyaihannokara kara yak pirika, iteki ibehe sak kuni gusu ne na.

Titus 3:4

Koroka, un kashiobiukip ne Kamui ramu-hauge ambe newa ainu epeka no an omap ambe hetuku an chiki,

Hebraios 10:24

orowa utashpa pirika ikip kire hemhem ki, omap hemhem kire kuni gusu uwe-esanniyo yanro;

I Petros 2:12

Oya utara tumugeta okai rapoketa yairamatte wa okai yan: nei utara echi iyohaigekara wa wenbe ki guru echi ne sekoro ye chiki, echi ki pirika ikip nukara hine aesanniyo toho ta nei utara Kamui ramye kuni ne nei no kara yan.

I Petros 2:9

Koroka, kunne-i wano koro iyokunnure an pekere otta echi tak Kamui koro pirika ambe assuru ashte kuni ne echi utara anak ne anumge an utara echi ne, esapane guru koro Kamui otta yaishieiwangere utara echi ne, ashkanne uirup echi ne, Kamui yaikota shikkashima kuni utara echi ne ruwe ne:

I Petros 3:1

Tap korachi, machi ne echi utara, yaikota koro hoku otta itaknu yan: nei utara poka itak otta ko-nu shomoki no,

I Petros 3:16

echi ohaigekara an wa, Kiristo otta echi iki pirikap wen no ye utara anak ne ayainikoroshmare kuni gusu, katpak isam no an keutum koro yan.

I Petros 4:11

uweutashpa nei ambe gusu yaishieiwangere yan: itak ye guru an chiki, Kamui shongo an korachi yero; yaishieiwangere guru an chiki, Kamui orowa no ako-ropare kiroro an korachi kiro; tambe anak Yesu Kiristo rengap gusu nep ne yakka otta Kamui ako-oripak kuni gusu ne na; nupeki newa kiroro kane shashuishiri wano shashuishiri pakno Shinuma korobe ne. Amen.

I Petros 4:14

Echi utara anak ne Kiristo reihei gusu akosakayokara an chiki, echi anunuke ne; inambe gusu ne yakun, nupeki Ramat newa Kamui Ramat anak ne echi kashiketa okai shiri ne gusu ne na.