Mattaios 5:12 - Ashiri Aeuitaknup Iyohaichish Yona 1897

¹² Nupetne yan, shi no yaikopuntek yan; kando oshiketa echi gusu an pummaha anak ne porope ne ruwe ne gusu ne na; orowa, echi etokota okai uweingara utara ne yakka tambe nei no aepokba nisa ruwe ne gusu ne na.

Mattaios 5:12 Iomraidhean Croise

Iyohaichish 19:11

Samata, E uitek guru nei ambe gusu aepakashnu: Nei ambe shikkashima chiki iwai poron no an ruwe ne.

Iyohaichish 58:11

Yakun, utara ene itak kusu ne, “Son no newa, oupeka utara gusu iwayehe an: Son no newa, moshiri koipishi Kamui an ruwe ne”, ari itak kusu ne na.

Mattaios 16:27

Inambe gusu ne yakun, Ainu Poho anak ne koro Michi nupekihi hemhem, koro uitekbe hemhem tura no ek tusu ne; nei ita anak ne Shinuma obitta no okai utara pish no ikichi buri an-i korachi kore ruwe ne kusu ne na.

Mattaios 6:16

Shui, shomo ramnu echi ki rapoketa kankapkapeka utara nei no iteki ok iporo oma yan, nei utara anak ne shomo ramnu ki sekoro moshima guru orowa no anukara kuni gusu yaiiporosakka ruwe ne. Son no echi otta Ku ye, nei utara anak ne pummaha koro okere ruwe ne.

Roukos 13:34

Aa Uweingara utara ronnu hemhem ki, orota apayere utara otta shuma kopiyekara hemhem ki Yerusarem kotan, Yerusarem kotan! Niwatori-chikap poka koro tekkup choropoketa yaikota koro chikappo uwekarire korachi, hempak shui Kuani ne yakka echi koro poho uwekarire rusui, yakka echi kopan ruwe!

Roukos 6:23

Nei toho ta yaikopuntek wa tereke yan, kando otta an echi koro kuni pummaha porobe ne ruwe ne gusu ne na; utara koro ekashi ne yakka uweingara utara otta shem korachi ki nisa ruwe ne gusu ne na.

Roukos 6:35

Koroka, echi pokba utara omap wa epirikare yan; echi korobe erusa wa iteki nei ambe gusu nishomap yan; yak anak ne echi pummaha porobe ne kusu ne; Iyotta Rikumbe poho echi ne kusu ne na; Shinuma anak ne wen utara otta ne yakka yaiiraige eramushkare utara otta ne yakka e ramu-hauge ruwe ne.

Apostoro ikip oma kambi 16:25

Koroka, an noshike paketa Pauros newa Siras anak ne Kamui otta inonno-itak hemhem ki shinotcha-ibehe shinotcha hemhem ki shiriki wa okai an, awa, okai apakashnu utara nei ambe inu korʼan;

Apostoro ikip oma kambi 5:41

Tambe gusu nei utara anak ne nei ukoramkoro ushi wano paye, aige, nei Reihei gusu akoatcha kuni aesanniyo utara ne sekoro aramepakari gusu yaikopuntek nisa ruwe ne.

Roma 5:3

Nei ambe gusu patek shomo ne, koroka, chi ki eramchuptekbe gusu ne yakka yaiyomonnure ash ruwe ne: inambe gusu ne yakun, aeramchuptekbe anak ne yaiyupupu ambe monraigere;

I Korintos 3:8

Etoita guru newa wakka chari guru anak ne shinep ne: koroka, pishno pishno yaikota iki ikip an nei no yaikota koro pummaha akore kusu ne.

II Korintos 4:17

Inambe gusu ne yakun, irukai patek an kushki chikoro koshne aeramchuptekbe anak ne chi utara gusu naa kasu no kasu no an aokere shomoki pase arakuru kan ruwe ne;

Piripoi 1:29

inambe gusu ne yakun, Kiristo ankushkerai echi utara anak ne ouse Shinuma eishokoro patek shomo ne, koroka, Shinuma rengap gusu ayairamshitnere kuni-hi ne yakka echi otta akore ruwe ne:

Piripoi 2:17

Ruwe un, echi koro eishokor-i gusu an ayangep newa yaishieiwangere ambe gusu a en enomi chiki, ku nupetne, obitta no okai echi utara tura ramu-ritetke ruwe ne:

Korosai 1:24

Tane anak ne echi utara gusu ku iki yai ramshitnere arabe ku enupetne ruwe ne, aige, kuani anak Kiristo iki aeramchuptekbe eikohaye ambe karisia ne Shinuma kon netobake gusu ku kara otta kashi iyo wa upakte ruwe ne;

Korosai 3:24

Utarapa orowa aeikeshkorobe gusu an iwayehe akore kusu ne ambe eraman; aige, Utarapa ne Kiristo gusu echi yaishieiwangere na.

I Tessaronike 2:15

nei utara anak ne Utarapa ne Yesu newa uweingara utara ronnu, orowa, un okeuba hemhem ki, shomo Kamui nupetnere hemhem ki, obitta no okai utara epokba hemhem ki;

Hebraios 10:34

Inambe gusu ne yakun, echi utara anak ne atupetupe an utara erampokiwen wa kore hemhem ki yaikopuntek no yaikota korobe akoisamka ambe eshiporore hemhem ki nisa, echi utara yaikota naa pirika newa riya an okaibe echi koro ambe echi eraman ruwe ne gusu ne na.

Hebraios 11:26

samata, Kiristo gusu wen no aye-hi anak ne Echipt moshiri ta okai ikoro kasu no oteknu ambe ne sekoro esanniyo nisa ruwe ne; inambe gusu ne yakun, shinuma anak ne pummaha gusu an iwayehe echipachipa nisa ruwe ne gusu ne na.

Hebraios 11:33

nei utara anak ne eishokor-i ankushkerai moshiri annokara, oupekap iki, eitakamkirep akore,

Hebraios 11:6

orowa, eishokor-i sak chiki Kamui nupetnere eaikap ruwe ne; inambe gusu ne yakun, Kamui otta ek guru anak ne Kamui an sekoro eishokoro, samata, Shinuma ihunara utara epirikare Kamui ne sekoro eishokoro kunip ne ruwe ne.

Yakob 1:2

Ku iriwak utara, echi koro eishokor-i auwande ambe anak yaiyupupu ambe hetukure ruwe ne sekoro eraman wa,

Yakob 5:10

Ku iriwak utara. Utarapa reihei gusu ye uweingara utara koikara hine yairamkoiki wa ramushiporore yan.

I Petros 4:13

koroka, Kiristo iki ayairamshitnere ambe tura no iki utara echi ne ruwe ne gusu nupetne yan; tambe anak Shinuma koro nupekihi anukara ita ne yakka, poron no ramuritetke wa, echi nupetne gusu ne na.