Mattaios 28:3 - Ashiri Aeuitaknup Iyohaichish Yona 1897

³ Koro katuhu anak ne imeru korachi ne, mipihi anak ne upas pakno retan ruwe ne:

Mattaios 28:3 Iomraidhean Croise

Iyohaichish 104:4

Bera ani uitekbe ne akara; Koro yaishieiwangere utara paraparase abe ne:

Mattaios 17:2

awa, nei utara shik samata Shinuma katuhu oya kat ne akan nisa ruwe ne: koro nanuhu anak ne tokap chup korachi heri at, mipihi anak shiripekere pakno retan ruwe ne.

Mattaios 28:4

orowa, pungi utara shinuma koishitoma gusu tusushke, aine, rai guru iporo korachi ipukitara ruwe ne Orowa,

Markos 16:5

Orowa no, tushiri otta ahup koro shimon samata a retara mipihi amire wa an shine upen ainu anukara; aige, nei utara kimatek nisa ruwe ne.

Markos 9:3

koro mipihi anak ne shikayekaye wa shiri retan ruwe ne; amip retaraka guru mipihi iretaraka eaikap pakno retan ruwe ne.

Yoannes 20:12

aige, retara amip mi wa okai tu Kamui hauturumbe nukara, Yesu kon netobake aande ushiketa, shinep nei sapaha an ushike shinep nei chikiri an ushiketa a wa an ruwe ne.

Apostoro ikip oma kambi 1:10

Orowa, Shinuma rikin uturuta, nei utara kando orun kashioingara rapoketa, ingarʼan, retara amip rai tu ainu nei samakegeta roshki wa okai awa, itak omare ene oka-hi :—

Ekambakbe 10:1

Orowa, ku nukara chiki, nishkuru utomchiure wa an kando orowa no ran shine hauturumbe an; awa, koro sapa kata raiochi an, koro nanu tokap-chup nepkoro an, chikiri anak abe ikushpe ukoheraye ruwe ne; aige, koro teke otta shine pon kambi-sosh pirasa wa an ruwe ne:

Ekambakbe 18:1

Tap okaibe okaketa poro mondum koro wa an kando orowa no ran shiri naa shine hauturumbe ku nukara; aige, shinuma koro araguru gusu moshiri apekereka nisa ruwe ne.