Mattaios 28:2 - Ashiri Aeuitaknup Iyohaichish Yona 1897

² Aige, ingarʼan, poro shirishimoye an; kando orowa no Kamui uitekbe ran hine ek wa nei poro shuma oyakta karakarasere wa kata a nisa ruwe ne gusu ne na.

Mattaios 28:2 Iomraidhean Croise

Mattaios 27:60

Orowa, Yosep nei kaisei uk wa, ashkanne senkaki otta kokarakari hine, watara aohori wa an yaikota koro ashiri tushiri orota ande ruwe ne: orowa, poro shuma tushiri apa orota kokarakarasere hine eseshke wa oman.

Mattaios 27:66

Orowa no, nei utara epungine utara tura no paye wa nei a shuma otta numpe ushi wa irammakaka nei tushiri tumashnure nisa ruwe ne na.

Yoannes 20:1

Orowa, Mawari atpake an toho ta, naa shirikunne an ita, Makdarene un Maria anak ne tushiri otta ek, awa, nei tushiri wano shuma auk wa an shiri nukara.

Apostoro ikip oma kambi 16:26

aige, ekushkonna poro shirishimoye an, nei upakashnu chisei asamaha amoimoigere pakno an ruwe ne: orowa, nani apa-ushta obitta makke; samata, obitta no okai utara koro atupepeok-tep apita nisa ruwe ne.

Apostoro ikip oma kambi 5:19

Koroka, Utarapa uitekbe anchikara ta ipakashnu chisei koro apa maka wa nei utara soyumbare hine ene itak-hi :—

I Timoteos 3:16

Orowa, shomo aye a yakka, Kamui kooripak gusu an mukke ambe anak ne poro ruwe ne; Shinuma anak ne kam oshiketa anukara, ramat oshiketa oupekap ne aesanniyo, Kamui hau-turumbe orowa no anukara, moshiri uirup tumuge ta aeupaskuma, moshiri kata aeishokoro an, arakuru orun auk okere na.

I Petros 1:12

Kando orowa no aette Ashkanne Ramat ani echi orota pirika shongo eupaskuma ki utara ankushkerai echi anure tan okaibe yaikota gusu ki shomoki no, echi utara gusu ki ruwe ne ambe nei utara aeramande nisa ruwe ne na; Kamui hauturumbe nei okaibe esanniyo rusui nisa ruwe ne na.

Ekambakbe 11:19

Orowa, kando oshiketa an Kamui kora kenru asarare nisa; awa, Shinuma kora kenru onnaigeta Shinuma koro aeuitaknu o shuop anukara: aine, imeru newa, hawe newa, kamui-hum newa, shine shirishimoye newa, poro kaukau newa hetuku nisa ruwe ne.