Mattaios 27:1 - Ashiri Aeuitaknup Iyohaichish Yona 1897

¹ Orowa, kunneiwano an ita anak ne obitta no okai Kamui kora kenru esapane utara hemhem, utara koro ekashi utara hemhem,

Mattaios 27:1 Iomraidhean Croise

Iyohaichish 2:2

Moshiri shikkashima utara yaikota yaiyatte, Utara epungine utara anak ne Ehoba epeka no hemhem, Shinuma koro Messia epeka no hemhem utura ukoramkoro wa ene itak-hi:—

Iyohaichish 31:13

Inne utara ye ohaigekara itak ku nu nisa, En pishkaniketa aekimatekbe an: Nei utara en gusu ukoramkoro ita Ku inotu auk kuni ne esanniyo nisa ruwe ne.

Iyohaichish 71:10

Inambe gusu ne yakun, en epokba utara en ohaigekara; Ku ramat gusu numne an utara uwe-ukoramkoro wa

Mattaios 23:13

Aa kankapkapeka kambi-nuye utara newa Parisee un utara, echi yaisambepokash humi! Inambe gusu ne yakun, utara gusu Kando moshiri echi koapashi: echi utara yaikota ahup shomoki,

Markos 15:1

Orowa, kunneiwano an ita nani Kamui kora kenru esapane utara anak ne ekashi utara newa kambi-nuye utara newa obitta ukoramkoro utara tura eukoramkoro, orowa, Yesu tupetupe wa tura wa paye hine Pirato otta ekoshi nisa ruwe ne.

Roukos 13:1

Nei pakita Pirato anak ne Kamui yangep newa Gariraya un utara koro kem ukopoyere orushpe Shinuma nure utara araki ruwe ne.

Roukos 22:66

Orowa, tokap-to ne koro anak ne utara koro uwekari un ekashi ikiri, samata Kamui kora kenru esapane utara, kambi-nuye utara hene uwekarapa; awa, koro ukoramkoro utara orun Shinuma tura wa ene itak-hi :—

Yoannes 18:28

Tambe gusu, utara anak ne Kaiapa orowa no Yesu tura wa ipishi tumbu otta ahunge: awa, aro-kunnei-wano ne; orowa, nei utara anak ne iteki yaituru-ushte, koroka, Kamakush marapto ibe kuni gusu, yaikota ipishi tumbu otta ahup shomoki nisa ruwe ne.

Apostoro ikip oma kambi 5:21

Orowa, nei utara tap ambe nu chiki, kunne-nisat pakita Kamui kora kenru ta ahup wa epakashnu nisa ruwe ne. Koroka, Kamui kora kenru iyotta pase esapane guru anak ne tura no okai utara tura ek, aige, ukoramkoro kuni utara newa Israeru un utara koro tono utara uwekarapare, awa, nei utara atak gusu ipakashnu chisei ta teshkara nisa ruwe ne.