Mattaios 26:42 - Ashiri Aeuitaknup Iyohaichish Yona 1897

⁴² Shui, Shinuma kanna oman, aige, inonno-itak hine ene itak-hi :— Aa Ku Michi, tambe Ku iku shomoki chiki shi maka aoraye eaikap yakun E korʼirenga aki kusu ne, ari itak.

Mattaios 26:42 Iomraidhean Croise

Mattaios 20:22

Koroka, Yesu ese wa ene itak-hi :— E eikoramkorobe e erampeutek ruwe ne. Echi utara anak ne tane Ku iku tusu ne itangi echi iku eashkai ya?

Mattaios 26:39

Orowa, Shinuma pon no hoshiki no oman wa nanuhu koshirikata pakno hachiri wa inonno-itak hine ene itak-hi :— Aa Ku Michi, aeashkaibe ne yak anak ne, tan itangi En orowa no shimaka aoraye kuni ne ki wa En kore: koroka, Ku rengai ne korachi shomo ne, E rengai ne korachi ki wa En kore, ari itak.

Mattaios 26:43

Orowa, shui Shinuma ek wa nei utara mokoro wa okai-i nukara, shikihi pase ruwe ne gusu ne ruwe ne na.

Mattaios 6:10

E koro moshiri ekte wa un kore. E korʼirenga kando otta an korachi, moshirʼotta ne yakka une no aki kuni ne ki wa un kore.

Markos 14:36

Awa, ene itak-hi :— Abba, Michihi, Aokai ki eaikapbe nep ne yakka isama: tan itangi En orowa no uk wa En kore; koroka, Ku rengaine korachi shomo ne, E rengaine nei no ki wa En kore, ari itak.

Roukos 22:42

Michi, Aokai ramuoshma yakun, tan itangi En orowa no oyakta ande wa En kore: koroka, Ku rengaine gusu shomo ne wa E rengaine ki wa en kore, ari itak.

Yoannes 6:38

Kuani anak ne yaikota korʼirenga Ku ki gusu kando wano Ku ran shomoki, En omandep korʼirenga ki kuni gusu Ku ek nisa ruwe ne gusu ne na.

Hebraios 4:15

Inambe gusu ne yakun, chikoro katchakbe nu wa eramu eaikap Kamui otta yaishieiwangere guru un otta isam; koroka, nep ne yakka chi utara korachi akoramnukara nep a yakka chikokatpak isam ruwe ne.