Mattaios 24:11 - Ashiri Aeuitaknup Iyohaichish Yona 1897

¹¹ Orowa, inne shunge uweingara utara hopuni wa poron no okai utara ru turainure kusu ne.

Mattaios 24:11 Iomraidhean Croise

Mattaios 24:12

Samata, wenbe aporore an kusu ne gusu, inne utara koro omap-i nin kusu ne.

Mattaios 24:24

Inambe gusu ne yakun, inne shunge Kiristo newa shunge uweingara guru hetuku wa poro shirosh poro iyokunnurep nukare; orowa, eashkai chiki anak ne anumge utara ne yakka kokandama kusu ne.

Mattaios 24:5

Inambe gusu ne yakun, inne utara Ku reihei ye hine araki wa :— Kuani anak ne Kiristo ku ne, ari itak, aine, inne utara ru turainure kusu ne.

Mattaios 7:15

Shunge uweingara utara yaitubare yan; nei utara hitsuji rush yaimire wa araki, koroka, keutum anak niwen horokeu korachi ne ruwe ne.

Markos 13:22

inambe gusu ne yakun, shunge Kiristo shunge uweingara utara hetuku wa eashkai chiki anumge utara shiren wa turainure kuni gusu shirosh newa iyokunnurep nukare kusu ne na.

Apostoro ikip oma kambi 20:30

kusu ne-hi ku eraman; shui, koikara utara tura wa shiren gusu ehaita ambe ye utara echi yaikota tumuge wa hopumba kusu ne.

I Timoteos 4:1

Koroka, okake an pakihi ta sereke okai utara anak ne kokandama ramat newa nitne kamui utara koro epakashi inu hine shunge itak ki utara kankapkapeka

II Petros 2:1

Koroka, nei utara tumugeta shunge uweingara utara ka hopumba nisa ruwe ne; tambe nei no, chashnu no an aisamka-i yaikoropare, orowa no nei utara hok Nishpa poka eshikashke, Kamui orushpe ohoge yainu ambe nuina no ahupte shunge epakashnu utara echi tumugeta ne yakka hopumba kusu ne na.

I Yoannes 2:18

Nokair utara, tane anak keseke an pakihi ne: orowa, anti-kiristo ek kusu ne sekoro echi nu nisa, tane poka inne no okai anti-kiristo hetukba wa okai; tambe gusu, tane anak keseke an pakihi ne ari an ambe chi eraman ruwe ne.

I Yoannes 2:26

Echi shiren wa turainure utara gusu tap okaibe ku nuye nisa.

I Yoannes 4:1

Aomap an utara, obitta no okai ramat pishno iteki eishokoro yan, koroka, Kamui orowa no okaibe ne ya shomo ne ya ingara kuni ne, nei ramat uwande yan: inambe gusu ne yakun, inne no okai shunge uweingara utara moshiri orota paye nisa ruwe ne gusu ne na.

Youdas 1:4

Inambe gusu ne yakun, nuina no ahup utara okai; nei utara anak ne tap aesanniyo ambe gusu fushkotoi wano aashte utara ne, shomo Kamui ko-oripak, chikoro Kamui sange irenga ani ramupekere ne kara, patek chikoro Nishpa newa Utarapa ne Yesu Kiristo shikashke utara ne ruwe ne gusu ne na.

Ekambakbe 19:20

Orowa, nei a chikoikip akishima, samata, ani nei chikoikip koro shirosh aomare utara newa shinuma koro nokaha koongami utara kokandama shinuma shik-samata shirosh iki shunge uweingara guru nei chikoikip tura no akishima nisa ruwe ne: tan tun anak ne shiknu wa an wa iwau ani paraparase abe oma to orun aeyapkiri nisa ruwe ne: