Mattaios 2:4 - Ashiri Aeuitaknup Iyohaichish Yona 1897

⁴ Aige, Herod anak ne Kamui kora kenru esapane utara obitta, kambi-nuye utara tura uwekarire wa Kiristo hunakta an kotan ta hekatu kusu ne ya, sekoro shinuma uwepekennu nisa ruwe ne.

Mattaios 2:4 Iomraidhean Croise

Iyohaichish 2:2

Moshiri shikkashima utara yaikota yaiyatte, Utara epungine utara anak ne Ehoba epeka no hemhem, Shinuma koro Messia epeka no hemhem utura ukoramkoro wa ene itak-hi:—

Mattaios 13:52

Orowa, orota Shinuma ene ye-hi :— Tambe gusu nen ne yakka kando moshiri gusu akoikare kambi-nuye ainu anak ne, koro ikoro orowa no fushko ambe hene, ashiripe hene sange chisei-koro-guru koheraye ruwe ne, ari itak nisa ruwe ne na.

Mattaios 2:3

Moshiri esapane guru Herod anak ne tan orushpe nu ohiki, Yerusarem kotan ta okai utara tura shineikinne keutura chiukopoye nisa ruwe ne.

Mattaios 2:5

Nei utara ese wa ene hawe okai-hi :— Yudea moshirʼun Betrehem kotan, Ku goro Israeru un utara epungine kuni gusu an ap Eani orowa no hekatu kusu ne gusu, Aokai anak ne Yudea un esapane guru tumugeta iyotta koshnep shomo e ne ruwe ne;

Mattaios 21:15

Korota, Kamui kora kenru esapane utara newa kambi-nuye utara anak ne Shinuma iki iyokunnure ikip hene, Kamui kora kenru ta okai wa, — Dabid poho otta Hosanna an na, — ari an itak ani, poho utara hawe ashte-hi hene nukara chiki, irushka hine Shinuma otta ene itak-hi :—

Mattaios 21:23

Orowa, Shinuma Kamui kora kenru orun ahun chiki nei kenru esapane utara hemhem utara koro ekashi utara hemhem Shinuma epakashnu wa an rapoketa orota araki wa ene itak-hi :— Nep mondum e koro gusu tap okaibe e iki ya? Tan mondum e kore guru nen ne ruwe he an? ari itak.

Mattaios 26:3

Nei pakibita Kamui kora kenru esapane utara newa utara koro ekashi utara anak ne Kaiapa ari an reihei ani areikore Kamui kora kenru iyotta pase esapane guru koro tumbu ta uwekarapa wa okai ruwe ne,

Mattaios 26:47

Orowa, Shinuma itak rapoketa tun ikashima wa niu tumugeta an shinen ne Yudas anak ne, shirikik kuwa hemhem emush hemhem koro inne topaha tura, Kamui kora kenru esapane utara newa utara koro ekashi utara orowa no ek nisa ruwe ne.

Mattaios 27:1

Orowa, kunneiwano an ita anak ne obitta no okai Kamui kora kenru esapane utara hemhem, utara koro ekashi utara hemhem,

Mattaios 7:29

inambe gusu ne yakun, kambi-nuye utara nei no epakashnu shomoki, mondum nei no an korachi epakashnu nisa ruwe ne gusu ne na.

Markos 8:31

Orowa, Ainu Poho poron no aramushitnere wa ekashi utara orowa no hemhem, Kamui kora kenru esapane utara orowa no hemhem, kambi-nuye utara orowa no hemhem aemaka hine araige, samata, rereko an ita hetopo-shiknu kuni orushpe nei utara otta epakashnu heashi nisa ruwe ne.

Roukos 20:19

Orowa, nei i epakigeta anak ne kambi-nuye utara newa Kamui kora kenru esapane utara Shinuma kishima kuni hunara ruwe ne: awa; okai utara ko-ishitoma; orowa, yaikota epeka no Shinuma nei itak-maukushte-itak ye nisa ruwe ne, sekoro, nei utara ramepakari nisa ruwe ne gusu ne na.

Roukos 23:10

Awa, Kamui kora kenru esapane utara newa kambi-nuye utara roshki wa shiarikiki no Shinuma eiyonnuppa nisa ruwe ne.

Yoannes 18:3

Awa, Youdas anak ne Kamui kora kenru esapane utara newa Parisee un utara orowa no tumikoro utara shine ikiri hemhem, uitek utara hemhem koro wa, ratchako hene, shune-ni hene, eshipopkep hene ani wa nei ushike orota ek nisa ruwe ne.

Yoannes 3:10

Orota Yesu ese wa ene itak-hi :— Aokai Israeru utara koro nei epakashnu guru e ne wa tapne ambe e erampeutek a?

Yoannes 7:32

Inne utara tap okaibe ani Yesu gusu oromam wa ye shiri Parisee un utara nu ruwe ne; awa, Kamui kora kenru esapane utara newa Parisee un utara anak ne Shinuma kishima kuni ne uitek utara payere nisa ruwe ne.

Yoannes 8:3

Orowa, kambi-nuye utara newa Parisee un utara anak ne omoinu ki shiri anukara shiwentep tura wa araki; awa, nei shiwentep noshiketa ashte koro Shinuma otta ene itak-hi :—

Apostoro ikip oma kambi 23:9

Orowa, poro pashrototke bopuni: awa, Kambi-nuye utara newa Parisee un utara an sereke roshki kane ukoiki wa ene itak-hi :— Tan guru gusu wenbe shomo chi nukara: koroka, ramat hene, Kamui hauturumbe hene, shinuma otta itak a chiki nekon a ambe ne ya?

Apostoro ikip oma kambi 4:5

Orowa, nishatta an chiki, sapane utara newa ekashi utara newa kambi nuye utara tura Yerusarem kotan ta uwekarapa wa okai an;

Apostoro ikip oma kambi 6:12

Orowa, nei utara anak ne ouse utara newa ekashi utara newa kambi-nuye utara oyupupu wa orota araki hine shinuma kishima; aige, ukoramkoro utara orun tura, orowa, shunge paweteshu ki utara ashte wa ene itakte-hi :—