Mattaios 18:10 - Ashiri Aeuitaknup Iyohaichish Yona 1897

¹⁰ Tap pon utara tumuge un shinen ka iteki etunne:

Mattaios 18:10 Iomraidhean Croise

Iyohaichish 15:4

Koro shik-samata shirun guru aetunne; Koroka, Ehoba koishitoma utara ainukon ruwe ne. Auitaknup ki wa gusu ayaieiwende yakka shomo kiru.

Iyohaichish 17:15

Kuani anak ne oupeka wa E nanuhu ku nukara kusu ne: Ku mosh ita E katuhu ku nukara wa ku eramushinne kusu ne na.

Iyohaichish 34:7

Ehoba ko-oripak utara okari ta Shinuma koro uitekbe anak ne roshki wa okai,

Iyohaichish 91:11

Inambe gusu ne yakun, obitta no okai apkash ruhu otta E ash kuni ne, Shinuma anak ne koro hauturunbe kashpaotte kusu ne.

Mattaios 1:20

Aige, tap ambe eyaikoshiramse rapoketa heta, ingarʼan Utarapa uitekbe wendarap ani Yosep orota ek hine ene itak-hi; — Dabid sanike ne Yosep, e kon machi honkoro katuhu anak ne Ashkanne Ramat an ambe ne gusu, e koro machi koro kuni iteki ishitoma.

Mattaios 12:20

Epuipuise hai ushka ka shomoki. Orowa, Oya moshirʼun utara nei ainu kon reihei ankushkerai chipachipa kusu ne,

Mattaios 18:14

Tap korachi tan okai pon utara shinen ne yakka isam kuni ambe anak ne, kando otta an echi koro Michi korʼirenga shomo ne ruwe ne.

Mattaios 18:6

koroka, En eishokoro wa an shine pon guru epetchiure guru an chiki, nei guru poro shuma-nishu rekuchi aunu wa ooho atui otta arende-i anak, nei guru gusu pirika ruwe ne.

Mattaios 2:13

Nei utara paye wa isam okaketa, ingarʼan, Kamui uitekbe wendarap ani Yosep orota ek hine ene itak-hi :— Herod anak ne aiai raige kuni ne hunara kusu ne gusu, hopuni wa aiai unuhu tura Echipt moshirʼotta ekira, Kuani Ku yep e nure kuni pakno nei kotan ta okai yan, sekoro itak.

Mattaios 2:19

Herod rai wa isam chiki, ingarʼan, — Utarapa uitekbe Echipt moshirʼotta an Yosep orota wendarap ani ek hine ene itak-hi :—

Mattaios 24:31

Ainu Poho nukara kusu ne Orowa, rappa poro humi ashte hawe tura Shinuma anak ne koro uitekbe payere wa ine rera orowa no kando-pa wano kando-gesh wano koro numge utara uwekarapare kusu ne.

Roukos 1:19

onne ruwe ne na. Orota hauturumbe ese wa ene itak-hi :— Kuani Kamui teksamata ash Gabrieru ku ne ruwe ne; orowa, e otta itak wa tap pirika shongo e nure ash gusu e otta a en omande nisa ruwe ne.

Roukos 10:16

Hedes pakno e range an kusu ne na. Echi nu guru anak ne En nu ruwe ne: orowa, echi emaka gurʼanak En emaka ruwe ne; orowa; En emaka guru anak ne En omande guru ne yakka emaka ruwe ne na.

Roukos 16:22

Okaketa, nei iyahupkara guru anak ne rai, orowa, Kamui uitekbe shinuma koro wa paye hine Abraham upshoro ta ande nisa ruwe ne: orowa, nei oteknu guru ne yakka rai wa tushiri oro aomare nisa ruwe ne.

Apostoro ikip oma kambi 10:3

Shinuma iramasure no anukarape nukara, awa, tokap to ta shinepesan pakihi pakita, orota ahun shiri an, — Kornirios — ari an itak ani ye Kamui hauturumbe an.

Apostoro ikip oma kambi 12:15

Utara anak ne — Eani chiitasare wa an na ari matkachi otta itak. Koroka, shui, son no ambe ne ari shinuma ye. Shinuma koro iturumbe ne sekoro nei utara itak.

Apostoro ikip oma kambi 12:23

Orowa nani Utarapa hauturumbe shinuma kokik, Kamui koarakure shomoki nisa ruwe ne gusu ne na: orowa, tonin ani ae wa ramat koropare nisa ruwe ne.

Apostoro ikip oma kambi 27:23

Tan ukuran otta ku yaishieiwangere poka en koro Kamui koro hauturumbe anak ne en samaketa ash wa ene itak-hi :—

Apostoro ikip oma kambi 5:19

Koroka, Utarapa uitekbe anchikara ta ipakashnu chisei koro apa maka wa nei utara soyumbare hine ene itak-hi :—

Roma 14:10

Koroka, aokai gusu, hemanda gusu eani e koro iriwak koipishi ruwe he an? Shui, aokai gusu, hemanda gusu eani e koro iriwak pange ruwe he an? Chi utara obitta Kamui koro koipishi kuni amset kotchaketa roshki kusu ne na.

Roma 14:21

Kam shomo ibe hemhem ki, tonoto shomo iku hemhem ki, samata, gusu nep ne yakka e iriwak aepetchiure hemhem shomo ki ambe anak ne pirikap ne ruwe ne.

Roma 15:1

Tumashnu wa okai utara anak ne yaikota yainupetnere shomoki no, turu-sakbe koro katchakbe sei kunip ne.

I Korintos 11:22

Hemanda? otta echi ibe kuni echi iku kuni chisei echi sak ruwe he an? Samata, Kamui karisia etunne wa nep ka sak utara yainikoroshmare ruwe he an? Echi otta hemanda ku ye kusu ne ya? Tap okaibe gusu echi ramye ash kusu ne ya?

I Korintos 16:11

tambe gusu inan guru ne yakka shomo shinuma epange yak pirika. Koroka, shinuma en orun ek eashkai kuni ne, itomo an no payekaire wa en kore yan: iriwak utara tura shinuma an kuni ku chipachipa ruwe ne gusu ne na.

I Korintos 9:22

Katchak utara ku epirika gusu katchakbe nepkoro ku ne: nekon a ka arage an utara ku kaobiukire kuni gusu, inan guru gusu ne yakka nep ne yakka korachi ku yaikan nisa.

II Korintos 10:1

Echi tumugeta an ita yaieoripakka, koroka, tane oyakta an wa echi epeka rametokkoro Pauros ne kuani anak ne, Kiristo gusu an ramushiroma ambe newa rotcha ambe gusu echi onishnishi ash na:

II Korintos 10:10

Inambe gusu ne yakun, shinuma ette kambi anak ne pase newa yupkep ne: koroka, koro tumama kat anak katchakbe ne, koro itak nep ne aramu kunip shomo ne ruwe ne, ani nei utara ye ruwe ne gusu ne na.

Garatea 6:1

Iriwak utara, nen ka katpak ani aoshkoni guru an chiki, echi tumugeta an Ramat oma guru ramushiroma hine shinuma oupekare yan; yaikota iteki akoramnukara kuni ne yai yaitubare no ki yan.

I Tessaronike 4:8

Tambe gusu, emaka gurʼanak ne ainu emaka shomoki, koroka, echi otta Ashkanne Ramat koropare Kamui emaka ruwe ne na.

I Timoteos 4:12

Inan guru ne yakka iteki e paha ponbe esapse kuni ne ki yan; koroka, itak otta ne yakka, iki buri otta ne yakka, omap ambe otta ne yakka, eishokor-i otta ne yakka, turu-sakbe otta ne yakka, eishokoro wa okai utara gusu aekoikarabe ne yaikara yan.

Hebraios 1:14

Nei okaibe anak ne kashichiobiuki ambe eikeshkoro kushki utara rengap gusu auitek kuni ne aomande yaishieiwangere ramat shomo ne ruwe he an?

Hebraios 9:24

Inambe gusu ne yakun, Kiristo anak ne son no an ambe koro nokaha nei no, teke ani akara ashkanne ushike otta shomo ahun; koroka, Shinuma anak ne tane chi utara gusu Kamui tek-samata an kuni ne kando otta ahun nisa ruwe ne:

Ekambakbe 8:2

Orosama, Kamui kotchaketa roshki nei arawan hauturumbe ku nukara; awa, nei hauturumbe otta arawan rappa akore nisa ruwe ne.