Mattaios 16:8 - Ashiri Aeuitaknup Iyohaichish Yona 1897

⁸ Awa, Yesu tambe eramu an wa ene itak-hi :— Aa eishokor-i pon utara, hemanda gusu pantak echi oira gusu uwe-upaure ruwe he an?

Mattaios 16:8 Iomraidhean Croise

Mattaios 14:31

Utarapa, en kaobiuki wa en kore, ari itak. Orowa, Yesu nani tekehe turi hine shinuma kishima wa orota ene itak-hi :— Aa eishokoro-i pon guru, hemanda gusu keutum utumashi ya?

Mattaios 16:7

Aige, nei utara anak ne utashpa uwe-upaure wa ene itak-hi :— Tap ambe anak ne pantak chi oira gusu an itak ne, ari itak.

Mattaios 6:30

Koroka, Kamui anak ne tan to nup otta okai wa, nishatta auhuika mun nei no tomte no kan ruwe ne chiki nei akkari echi okai utara okai gusu shomoki ya?

Mattaios 8:26

Nei utara otta Shinuma ene itak-hi :— Eishokor-i aahak utara hemanda gusu echi ishitoma ya? sekoro itak. Orowa, Shinuma hopuni wa rera newa atui kopao; orowa, eashka ratchi neto an na.

Markos 16:14

Orowa, okaketa, nei shinen ikashima wa niu ibe gusu rok wa okai rapoketa otta Shinuma anukan nisa ruwe ne; awa, nei utara sambe nishte eishokorʼi sak gusu kosakayokara ruwe ne, hetopo-a-shiknure okaketa Shinuma nukara utara eishokoro shomoki nisa ruwe ne gusu ne na.

Yoannes 16:30

Tane anak ne Aokai obitta no an okaibe eraman, orowa, inan guru ne yakka Aokai otta koramkoro shomoki yakka pirika shiri chi eraman; tambe gusu, Aokai anak ne Kamui orowa no ek an sekoro chi eishokon ruwe ne.

Hebraios 4:13

Orowa, Shinuma shik-samata shomo anukara okaibe ara isam ruwe ne: koroka, gusu chi iki ambe koro shiki kotchaketa nep okaibe ne yakka obitta atusa hine asarare wa an na.

Ekambakbe 2:23

Orowa, rai ambe ani nei shiwentep koro poho utara Ku ronnu kusu ne; aige, Kuani anak ne kinop newa sambe chimichimi guru Ku ne ruwe ne ari an ambe obitta no okai karisia utara eraman kusu ne: samata, echi ikip an nei no pishno okai echi utara orota Ku kore kusu ne na.