Mattaios 16:16 - Ashiri Aeuitaknup Iyohaichish Yona 1897

¹⁶ Simon Petros ese wa ene itak-hi :— Aokai anak ne Kiristo ne: Ishu Kamui koro poho E ne ruwe ne, ari itak.

Mattaios 16:16 Iomraidhean Croise

Iyohaichish 2:7

Ekambakbe Ku ashte: Ehoba en orun ene itak-hi, —Aokai anak ne Ku poho e ne ruwe ne, Tanto e hetukure ash na.

Iyohaichish 42:2

Ku ramat anak ne Kamui gusu, ishu Kamui gusu, eyaikatekara shiri ki: Hembara kuani ek wa Kamui kotchaketa anukara ya?

Mattaios 1:16

Mattan anak ne Yakob sangere; Yakob anak ne Maria koro hoku Yosep sangere; tan Maria orowa Yesu ani aye Kiristo hekatu nisa ruwe ne na.

Mattaios 14:33

Awa, chip otta okai utara Shinuma ko-ongami wa :— Son no poka Aokai anak ne Kamui Poho E ne ruwe ne, ari an itak ani ye nisa ruwe ne na.

Mattaios 16:15

Orota, Shinuma ene itak-hi :— Echi utara anak Kuani nen ne kuni echi ye ruwe he an?

Mattaios 26:63

Koroka, Yesu nep poka ye ka shomoki ruwe ne. Otta Kamui kora kenru esapane guru ese wa ene itak-hi :— Eani Kamui Poho ne Kiristo E ne ruwe he an? Shomo ruwe he an? ari an ambe En otta E ye kuni ne, Ishu Kamui koye wa E ikashpaotte ash ruwe ne, ari itak.

Mattaios 27:54

Orosama, nei kenturion newa tura no Yesu shiure tumi-koro guru anak ne, nei shirishimoye hemhem usa-okai ikip hemhem nukara koro, toiko ishitoma hine ene itak-hi :— Soon no poka tambe anak ne Kamui Poho ne a an, sekoro itak ruwe ne.

Mattaios 4:3

Aige ikoranmukarape Shinuma orota ek wa ene itakhi :— Aokai anak ne Kamui Poho E ne chiki, tan shuma aep ne akara kuni gusu kashpaotte yan, sekoro itak.

Markos 14:61

Koroka, Shinuma mo no an wa nep ka ye shomoki nisa ruwe ne. Orowa, shui, Kamui kora kenru esapane guru Shinuma otta nu wa ene itak-hi :— Anunukep koro Poho ne Kiristo E ne ruwe he an?

Roukos 2:11

inambe gusu ne yakun, tan to Dabid kotan ta Utarapa ne Kiristo ani an kashiobiukip echi utara gusu ashikore nisa ruwe ne.

Yoannes 1:49

Orota Natanaeru ene ese-hi :— Rabbi, Aokai anak ne Kamui Poho E ne ruwe ne, Israeru un utara Shikkashima guru E ne ruwe ne, sekoro itak.

Yoannes 11:27

Eani anak tap ambe eishokoro ya? Orota :— Ruwe un, Utarapa, Aokai anak ne moshiri orota ek shiri Kamui koho ne Kiristo E ne ruwe ne, sekoro ku eishokon nisa ruwe ne, ani Maruta ye ruwe ne.

Yoannes 20:31

koroka, teda anuye wa an okaibe anak ne, Yesu anak Kiristo ne, Kamui Poho ne, sekoro echi utara eishokoro kuni gusu chieshinnuye wa an; orowa, echi eishokoro wa Shinuma reihei ani inotu echi koro kuni gusu ne na.

Yoannes 6:57

Ishu Michi anak ne En omande, orowa, Michi an gusu Ku ishu wa an korachi; tap korachi En ibe guru anak ne Kuani an gusu ka ishu kusu ne na.

Yoannes 6:68

Otta Simon Petros ene ese-hi :— Utarapa, inan guru otta paye ash kusu ne ya? Aokai anak ne ramma okere shomoki inotu oma itak E kon ruwe ne.

Yoannes 6:69

Samata, Aokai anak ne Kamui koro Ashkannep E ne ruwe ne, sekoro chi eishokoro wa chi eraman nisa ruwe ne na, ani itak.

Apostoro ikip oma kambi 14:15

Nishpa utara, hemanda gusu tap ambe echi ki ya? Chi utara ne yakka echi utara korachi shinep ne an oibe koro utara chi ne, aine, pirika orushpe echi nure kuni utara chi ne, echi utara tap okai raka isambe oyakta ande wa kando newa toitoi newa atui newa otta okaibe obitta kara ishu Kamui orun echi hosarire kuni ki utara chi ne:

Apostoro ikip oma kambi 8:36

Payekai, aige, wakka an ushike orun araki; awa, nei Eunokos ene itak-hi :— Ingarʼan, teda wakka an; shomo baptisma a en kore kuni nep ahatto an a?

Apostoro ikip oma kambi 9:20

Orowa, nani Uwekarapa chisei ta, Yesu anak ne Kamui Poho ne ari an ambe ani eupaskuma nisa ruwe ne.

Roma 1:4

mondum koro Kamui Poho ne ani aesanniyo;

II Korintos 1:19

Inambe gusu ne yakun, echi utara tumugeta kuani newa Siruanos newa Timoteos ne chi utara orowa no aeupaskuma Kamui koro Poho Yesu Kiristo anak ne, “ruwe un” newa “shomo” ari an itak ani an ambe shomo ne, koroka, Shinuma gusu “ruwe un” ari an ambe ani ne ruwe ne gusu ne na.

II Korintos 3:3

chikoro kambi echi ne ruwe ne; echi utara anak ne Kiristo koro kambi ne sekoro anukarabe ne, un orowa no aeiyaishieiwangere utara echi ne, sumi ani anuye ambe shomo ne, koroka, ishu Kamui kon ramat ani anuye utara echi ne; shuma ita kata shomo ne, koroka, kam oma ita kata chieshinnuyep ne ruwe ne.

II Korintos 6:16

Orowa, Kamui kora kenru anak ne potoki-noka tura nepi uweramuoshmap an a? Inambe gusu ne yakun, chi utara anak ne ishu Kamui kora kenru chi ne; Kamui ene ye-hi poka korachi ne, — Kuani anak ne nei utara oshiketa Ku oshiroma, oshiketa Ku apkash kusu ne; aige, kuani nei utara koro Kamui ku ne kusu ne, orowa,

I Tessaronike 1:9

Inambe gusu ne yakun, nei utara yaikota ye wa nekon a chi ki hine echi tumugeta ahup ash ya un gusu assuru ashte ruwe ne: samata, ishu newa son no an Kamui gusu yaishieiwangere hemhem ki, kando orowa no ek Shinuma koro Poho untere hemhem ki kuni ne potoki echi emakba wa Kamui orun hosari an ambe ye nisa ruwe ne;

I Timoteos 3:15

koroka, ohon no uturuta shomo ku ek yakun, Kamui kora kenru ta ainu utara anak ne nekon a iki yak pirika ya e eraman kuni gusu ne na, nei ambe anak ne ishu Kamui koro karisia ne, sonep gusu an ikushpe newa asamaha ne ruwe ne.

I Timoteos 4:10

Tan ikkewehe an gusu chi utara anak ne monraige wa shiyuppa no iki, inambe gusu ne yakun, chi utara anak ne obitta no okai utara, makangane eishokor-i atte utara, koro kashiobiukip ne ishu Kamui gusu chipachipa ruwe ne na.

Hebraios 10:31

Ishu Kamui koro teke otta hachiri ambe anak ne ashitomap ne ruwe ne na.

Hebraios 12:22

nei anukarape ashitoma ruwe ne: koroka, echi utara anak ne Sion nupuri otta, ishu Kamui koro machiya otta, kando un Yerusarem otta araki wa okai, orowa, inne topaha otta, Kamui hauturumbe uwekari otta,

Hebraios 3:12

Iriwak utara, ikineipeka nenka echi tumugeta an guru anak eishokor-i sak wen keutum koro bine ika ishu Kamui wano eyaishishire kuni ne yaitubare yan: koroka,

Hebraios 9:14

shashuishiri pakno an Ramat gusu opiri sak no Kamui otta yaikota yaiyange Kiristo koro kem anak ne echi utara ishu Kamui otta yaishieiwangere gusu echi koro keutura ta okai rai an ikip ashkannere kuni naa kasu no shomoki ruwe he an?

I Yoannes 4:15

Nen ne yakka Yesu anak ne Kamui Poho ne sekoro pushpusu wa ye gurʼanak, nei guru oshiketa Kamui riya, orowa, Kamui oshiketa nei guru riya ruwe ne.

I Yoannes 5:20

ingi-moshiri anak ne wenbe otta okai ruwe ne. Orowa, sone an guru chi eamkiri kuni ne Kamui Poho ek wa un otta eraman mondum koropare nisa ruwe ne sekorʼambe chi eraman, orowa, sone an guru otta, Shinuma koro Poho Yesu Kiristo otta, chi okai ruwe ne. Tambe anak son no Kamui ne, shiokere shomoki inotu ne ruwe ne.

I Yoannes 5:5

tambe anak chikoro eishokor-i ne ruwe ne. Yesu anak ne Kamui Poho ne sekorʼambe eishokoro guru moshima moshiri annokara guru anak nen ne ruwe he an?

Ekambakbe 7:2

Orowa, ishu Kamui koro han shirosh koro wa ochuka un hetuku naa shine hauturumbe ku nukara: