Mattaios 13:42 - Ashiri Aeuitaknup Iyohaichish Yona 1897

⁴² epetchiurep hene wenbe ki utara hene etayere wa, abe sokot otta osurare kusu ne; nei ita chish ambe hene niyorokara an kusu ne.

Mattaios 13:42 Iomraidhean Croise

Iyohaichish 21:9

Aokai irushka ita nei utara uhuye wa an abe sokot korachi ne akara kusu ne. Ehoba irushka wa nei utara ruki, Abe anak ne nei utara ibe kusu ne.

Mattaios 13:50

wa oupeka utara tumuge wano wen utara numge hine abe sokot otta osurupa kusu ne: nei ita chish ambe hene niyorokara hene an kusu ne.

Mattaios 22:13

Tata otta moshiri esapane guru anak ne koro uitek utara otta ene itak-hi :— Tan guru chikiri newa

Mattaios 25:41

Nei ita anak ne ohariki samta okai utara otta ka ene itak kusu ne-hi :— Aiyoitakushi echi utara, En orowa no paye wa Nitnep newa koro hauturunbe gusu etokooiki wa an hembara pakno ne yakka ush shomoki abe otta ahup yan:

Mattaios 3:12

koro tekehe otta mui koro wa tomte no koro atuituye ushike ashkannere kusu ne: orowa, mungi uwe-karapare wa puhu otta omare; muruhu anak ne aushka eaikap abe ani uhuika kusu ne na.

Mattaios 8:12

koroka, moshiri poho utara anak ne iyotta kunne ushike orun aokeuba kusu ne, nei ushiketa chish ambe newa niyorokara ambe an ruwe ne kusu ne na.

Roukos 13:28

Abraham, Isaak, Yakob newa obitta no okai uweingara utara anak ne Kamui moshiri ta okai wa, echi utara yaikota soita asoyumbare shiri echi nukara chiki, nei ita chish ambe hemhem an, nimaki niyorokara hemhem an kusu ne na.

Ekambakbe 14:10

nei guru anak chiukopoye shomoki no etoko-a-oiki wa an okere Shinuma irushka ambe oma itangi, Kamui kinrakarape oma tonoto iku ne yakka iki kusu ne; orowa, ashkanne hauturumbe shik-samata newa nei Pon-hitsuji shik-samata newa abe newa iwau ani apanakte kusu ne:

Ekambakbe 19:20

Orowa, nei a chikoikip akishima, samata, ani nei chikoikip koro shirosh aomare utara newa shinuma koro nokaha koongami utara kokandama shinuma shik-samata shirosh iki shunge uweingara guru nei chikoikip tura no akishima nisa ruwe ne: tan tun anak ne shiknu wa an wa iwau ani paraparase abe oma to orun aeyapkiri nisa ruwe ne:

Ekambakbe 20:10

Orowa, nei utara kokandama nitne kamui anak ne nei a abe newa iwau to oshike un aeyapkiri nisa, nei ushiketa nei a chikoikip newa shunge uweingara guru ne yakka okai ruwe ne; awa, tokap to ta ne yakka, kunne to ta ne yakka ramma otusashuishiri pakno aiuninkare kusu ne na.

Ekambakbe 21:8

Koroka, ashitoma utara hemhem, eumbupka iki utara hemhem, aetunne utara hemhem, kewe-uk utara hemhem, hoiyo utara hemhem, ponitak-hi utara hemhem, nokaha koongami utara hemhem, orowa obitta no okai shunge ki utara hemhem abe newa iwau ani paraparase to oshiketa akore kunip uk kusu ne: tambe anak ne tutanu an rai-ambe ne ruwe ne.

Ekambakbe 9:2

shinuma nei asama sak no an shui maka; aine, poro sokot wano shupuya rikin korachi, nei shui orowa no shupuya rikin nisa ruwe ne; orowa, nei shui wano hetuku shupuya gusu tokap-chup newa rera-mau akunnere an na.