Garatea 2:2 - Ashiri Aeuitaknup Iyohaichish Yona 1897

² Awa, ku oraan-i anak ne a en nukare gusu ku oman nisa ruwe ne; aige, Oya utara tumugeta ku eupaskuma pirika shongo nei utara otta ku nure, koroka, pase ne aesanniyo utara otta arorokishne no ku nure, ikineipeka tambe anak kuani raka sak no shomo hoyupu korʼan hene ki, raka sak no shomo hoyupu okere hene ki gusu ne na.

Garatea 2:2 Iomraidhean Croise

Mattaios 10:16

Ingarʼan, Kuani echi payere ash katu anak ne hitsuji horokeu tumu un ahupte korachi ne: tambe gusu, okokko pakno wayashnu no okai, kusuwep puri-ratchi pakno puri-ratchi wa okai yan.

Apostoro ikip oma kambi 15:12

Orowa, nei inne utara anak ne mo no okai; aige, ani Oya uirup ututta Kamui kara shirosh newa iyokunnure ikip nei utara orota Barnabas newa Pauros ye ambe inu korʼan nisa ruwe ne.

Apostoro ikip oma kambi 15:2

Orowa, Pauros newa Barnabas anak ne nei utara tura saure shomo ne an upaukoiki ambe newa uwepekennu ambe ki chiki, Pauros newa Barnabas anak ne moshima okai utara tura Yerusarem kotan ta hemespa wa tap an upahunara arabe gusu apostoro utara newa puresbuteros utara otta inu kuni gusu aesanniyo nisa ruwe ne.

Apostoro ikip oma kambi 15:4

Orowa, Yerusarem kotan ta araki chiki, nei karisia newa puresbuteros utara newa apostoro utara orowa no auk, aige, tura no Kamui iki obitta no okaibe nure nisa ruwe ne na.

Apostoro ikip oma kambi 18:9

Orowa, anchikara ta Utarapa anak ne anukarape ani Pauros otta ene itak-hi :— Iteki ishitoma, koroka itak wa iteki mo no an yan:

Apostoro ikip oma kambi 23:11

Nei eoya anchikara ta Utarapa anak ne shinuma samaketa ash kane ene itak-hi :— Ramu-ritetke yan: eani anak ne Yerusarem kotan ta en gusu paweteshu ki nisa ruwe ne korachi, Roma kotan ta ne yakka paweteshu e ki kusu ne ap ruwe ne na.

Apostoro ikip oma kambi 5:34

Koroka, nei ukoramkor-i ta Gamarieru ari an reihei koro shine Parisee un guru, tuitak epakashnu guru, obitta no okai utara orowa no aainukoro guru ash wa nei utara irukai gusu asoyumbare kuni kashpaotte nisa ruwe ne.

Roma 9:16

Tambe gusu, esanniyo kuni yainu guru gusu an ambe shomo ne, hoyupu guru gusu shomo ne, koroka, erampokiwen wa kore Kamui gusu an ap ne ruwe ne.

I Korintos 1:23

koroka, chi utara anak ne utasa chikuni otta akungi-kokikkik Kiristo eupaskuma ash, tambe anak Yudea un utara gusu aureepetchiurep ne, orowa, Oya utara gusu aeramusambe ne ruwe ne;

I Korintos 2:2

Inambe gusu ne yakun, Yesu Kiristo newa utasa chikuni otta akungi kokikkikbe moshima, echi tumugeta nep ne yakka ku erampeutek kuni ku ramuoshitchiu nisa ruwe ne.

I Korintos 9:24

Hoyuppa uwetushmak ushiketa hoyuppa utara anak ne obitta hoyuppa, koroka, ouse Shinen aungeraitere ari an ambe shomo echi eraman ya? Echi utara eungeraitep aukte kuni ne hoyuppa yan.

I Korintos 9:26

Tambe gusu, kuani anak ne noratchitara korachi, shomo ku hoyupu; rera shirikik korachi shomo ku koiki: koroka, ku netobake ku shirikik wa nei ambe usshiunere:

II Korintos 12:1

Aepirikare kunip shomo ne a yakka, nekon a ka ku yaiomonnure ruwe ne; koroka, Utarapa orowa no an anukarape tane ku ye.

Garatea 1:12

Ainu orowa no shomo nei ambe ku uk, shui, shomo nei ambe ani a en epakashnu, koroka, Yesu Kiristo en eramande gusu an ambe ne ruwe ne.

Garatea 1:16

nani kuani kam newa kem tura ukoramkoro shomoki;

Garatea 1:6

Kiristo korʼirenga otta echi hotuyekara Kamui orowa no tap korachi chashnu no echi utara shinnai no an pirika shongo gusu echi yaiatupte-i ku enushkari ruwe ne;

Garatea 2:6

Koroka, pase ne aesanniyo utara orowa (nei utara anak nekon a ambe ne a yakka, en gusu isam korachi ne: Kamui anak ainu ne nep koro shomo uk ruwe ne); nei pase ne aesanniyo utara anak nep ne yakka en kore shomoki ruwe ne,

Garatea 2:9

orowa, en orun koropare an irenga nei utara nukara chiki, ikushpe ne aesanniyo wa an Yakob newa Kepas newa Yoannes anak ne iriwak ne kuni shimon tekehe en otta newa Barnabas otta koropare nisa ruwe ne, tambe anak nei utara okarituye buri akire utara otta paye, orowa, chi utara anak ne Oya utara otta paye ash kuni gusu an ambe ne:

Garatea 5:7

Echi utara anak ne pirika no hoyuppa nisa, awa, son no ambe shomo echi ki kuni shinnetush guru nen ne ruwe?

Piripoi 2:16

kuani raka sak no shomo ku hoyupu, raka sak no shomo ku monraige wa, Kiristo koro toho ta kuani yaiomonnure ushike an kuni ne nei no ki yan.

Piripoi 2:29

Tambe gusu, Utarapa oshiketa shinuma uk wa nupetne yan; samata, nei no okai ainu ko-oripak yan:

I Tessaronike 3:5

Tan ikkewehe an gusu kuani poka, naa yaishiporore eaikap chiki, echi iki eishokor-i eraman kuni ne ku teshkan nisa ruwe ne, nekon a poka ika nei a ikoranmukarape echi koramnukara, aige, chi utara iki monraige iteki raka-sak kuni gusu ne na.

II Timoteos 4:7

Pirika ukoiki ambe ku ki okere, pakno ku hoyupu kuni-hi ku oman okere aeishokor-i ku shikkashima nisa ruwe ne; tewa no en gusu oupeka sapa-umbe eumashnu wa an;

Hebraios 12:1

Tambe gusu, chi utara ne yakka, tap korachi an nishkuru nepkoro inne paweteshu ki utara koro wa okai gusu, ene irammakaka un nikkotama obitta no okai aeoshirokokbap newa chikokatpak oyakta ande hine, yaishiporore wa un kotchaketa aatte wa an uwetushmak kuni ambe otta hoyuppa anro,