PHILIPI 4:6 - Rabu Athar New Testament (BSI)

⁶ Nan ning man dong maru, tak-ha Pathian jiang nan lungdo rakip hin lamru, pha rakip manpak le kan ruaia lamru.

PHILIPI 4:6 Iomraidhean Croise

MATHIU 10:19

Tak-ha anmanin an na pek pha han, ija mo kan ri rang tia nan ning man dong maru, ajarko imo kan ri rang ti ha hava pha tak han nang nin nan ri rang ha a maning na manjet nati.

MATHIU 13:22

Ling karra an vor ama ha ning, chong ha a jet hale ramuol la lungdo le leisei ri a nei na rang ha ning chong ha a man kan torra; ama ha a ra nei lui a hong chang.

MATHIU 6:34

Ajarko jinga ranga nan ning man dong maru, jinga ranga jinga kan ning nati ni khat ni khat a akanvarna han ahunthekjui.

MATHIU 6:8

Ajarko, anmani ang ni maru, nan lam mak ma nan ngaidon, nan dei phur ha nan pa ning a jet.

LUK NING A JIAK CHONGSAT 10:41

Tak-ha Jisun amanu jiang a sang, “Martha, Martha, nang ko na sin akandeng jarra na ning adong.

LUK NING A JIAK CHONGSAT 12:22

Han Jisun a thiamruoingai jiang a ti, ajarko nang nin chak ranga, nan om na ranga, hale nan tak chunga a lut rang puansi diarkei rang ite khat nan ning man dong maru.

LUK NING A JIAK CHONGSAT 12:29

Hiva jarra imo kanchakrang, imo kannekrang tia nan ning man dong maru.

LUK NING A JIAK CHONGSAT 18:1

Hava suale Jisu ning a thiamruoingai jiang tetan na ankhat aripe, Pathian lamna ruia hale an lung a sin mak na ranga.

LUK NING A JIAK CHONGSAT 18:7

Pathian jianga sun le jan na nasanro tia akhekngai jiang ko Puma ning jet pe noning mo?

1 KORINTH 7:21

Nang ni Suak nan ni han mo a na kui? Hiva jarra pong maru, nang nin ningsat na nan nei tor inko hava thoru.

1 KORINTH 7:32

Nang nin ning dong lui a nan om rang hi ka dei. In nei lui pasal ning om lung khop na chuan ijamo ka tho rang tia a ngaidon.

2 KORINTH 1:11

Nang nin nom keini ranga lam na in na sanru; hi aninko keini ning phual kan mu na chunga mitam ning keini rahut a Pathian ha manpak nanti. Hivahi mitam ning an lam ha anasang ani.

EPHESIA 5:20

Phat rakip a irakip a Pa Pathian ha man pakru Jisu Khrista minga.

EPHESIA 6:18

Phat rakip a lam na neiru Thavang Thiang ning a torna khan na khang thei nale kan ning thei na na pek rase, mi thiang ngai rang om lam deru.

KOLOSIA 3:15

Khrista ning ana pek lunghip han nan kan jot na rakip na ruoi rase, hiva lunghip jarra nangni ha pathian ning anakui jui ani, tak khat changa Pathian ha man pakru.

KOLOSIA 3:17

Puma Jisu jarra pa Pathian ha manpakru, chonga aninom, chuan na aninom, nang nin nan tho na rakip ha puma minga thoru.

KOLOSIA 4:2

Nan lam na rakip a manpak le kan ching thei tak a lam na neiru.

1 TIMOTHI 2:1

A rapatak kein nangni jiang ki na ri ani, ajarko mirakip ning Pathian mangpak nale mi jiang lam pe ha, thoru.

1 TIMOTHI 5:5

Mei thai an thei jak a om en rang buingai ranga Pathian hi an lungdo ani, sun le jan na Pathian lam puiro.

1 PITAR 4:7

Phur rakip a mang na rang a hong nai jui, Pathian jiang nan lam torna ranga nan lung kan choi theiru.

1 PITAR 5:7

Nangni nan ning adongna rakip ha Pathian jiang pek lutru. Ajarko ama ning nang ni ha na san nati.