PHILIPI 4:1 - Rabu Athar New Testament (BSI)

¹ Hiva jarra U le naingai, iduk mo lungsiat nanna lui mu? Hale kei chunga manrit na nan na luitho hiva ngai hin ka lung sunga iduk mo ningsat na alui ni? kein ki man kan lianpui nale ka ning na satpui nang nin puma jiang a det ana ngirperu.

PHILIPI 4:1 Iomraidhean Croise

MATHIU 10:22

Hale nang ni ha kei ka ming ruia mirakip ning na ma tir nanti, tak-ha a torna khan a dui tor ama ha san ring nati,

JOHON 8:31

Jisun takngai mingaijianghan a ti, ka chong ringai hi nan jui inko: Kathiamruoi takbal nan ni.

TIRLON 11:23

A man a hong tung pha han, Pathian manrit na ha amua a ning a luisat, hale anmani an renga lung khat, tak khat changa Puma jiang an omchak na rang an lui mathok.

TIRLON 14:22

Thiamruaingai lung ha an man ngarra, an takngai na han om chak na ranga anmani ha an mathok an hong ti; “Atam lam pong khodengthei le kan ruaia kein in Pathian rengram han kan lut rang ani.”

TIRLON 2:42

Han anmanin thiamnaingain an man chu ha an kan chun na, tal chak suamna le lam na pha rakip an lung alui lut.

ROM MINGAI JIANG PAUL NING A JIAK CHITHI 2:7

A sat chuan tho jarra duirat, lianpui na, chitlejak, le a mangtibui ha an tokngai jiang a tor tibui ringkho ha pek nati.

1 KORINTH 15:58

Hiva jarra ka lungsiat ka u ka naingai nang nin Pathian chuan sin na, nan chuan man kan dengru lung lut tak a adet a ngirru. Ajarko Pathian chuan nan tho rakip ha ariam ma mang noning tihi nan jet.

1 KORINTH 16:13

Chingtheija omru nan takngai ha mandetru, thounasat a, ranak neia omru.

2 KORINTH 1:14

Nang nin aviar keini ruia nan jet han thuaitor nanti, keini om nang ni ruia thuaitor kan ti puma nikhuo han.

GALATIA 5:1

Ajarko Khrista ning ana masua ha ana masua jui. Hiva jarra ngirtit taru hale nan tak ning suak chang ret ranga jot lai maru.

PHILIPI 1:27

Atun nang ni nan ringkhuo pal ha Khrista chongsat jarra asat a palru, kein ka honga nang ni le kan kan mu nom, kan kan mu mak in nom, nang ni lung khat jak nan chang a chongsat chunga takngai nan nei ha kan siam in lang, thavang khat jak nan ngir tihi kein ka jet thei na ranga om ru.

PHILIPI 1:8

Ajarko, kein Khrista lungsiat nale kan ruaia nang ni rakip ha ka na ngai tui tihi Pathian ning shakhi ani.

PHILIPI 2:16

Nangni ning ring na chong ha anmani jiang nan ri rang, ha nan tho inko kein nemna buia chuan ha ka sin na aphat ha ki manmang nimak tihi Khrista nikhuo ahong tung pha han ki man kan lian thei narang ani.

PHILIPI 2:26

Ajarko aman nang ni rakip le kan mu rang hi adeia, a lung tam tak alui pong; ama alui nat tihi nang ni innom chong thang nan jet.

KOLOSIA 4:12

Nang ni nan mi Khrista Jisu a suak Epapharas innom chubei ana hong pek, nang nin Pathian lungdo tak a le nan lung ngir det tak a om na rang lungdo tung khristian nan chang na rang, a pha rakip a nang ni ranga lam na anei.

1 THESSALONIKA 3:13

Hingahin kan puma Jisu Khrista ning Thavang thiang ngai le a hong phat han Pathian madonna nangni mi thiang khat changa lui om ru.

2 THESSALONIKA 2:15

U le naingai nan lung mandetru, hale kan na lui ri chong han aninom, chithi hin aninom, a tuan lai nan lui che na kan chong pek chongsat ha ko mak maru.

2 TIMOTHI 2:1

Ka nai nang hi Pathian jet tianga ratro hivahi Khrista le keini kan chuan ani.

HEBRU 10:23

keinin kan lung ngampui ha a det otit rei, ajarko chong shakhi a na pek pe Pathian ha takngai rang a om tak ani.

HEBRU 3:14

Ajarko a phut lai tenna kein in tak kan ngaiha kan otit inko, keini kan renga Khrista le tum kan neisuom ani.

HEBRU 4:14

Hiva jarra keinin kan nei tak kan takngai na ha o tit rei, ajarko thiampu a lian tak an khat Pathian jiang a tunga, a che rang Pathian nai Jisu ha keinin kan nei jui.

2 PITAR 3:17

Ka lungsiat ka sap ngai nang niko hivahi a renga nan jet sua jui, nan tak ha kan chur theiru, ha aninko a salui chuan tho ngai ning nang ni ha ani lui lam ma na tuang noni u, nan ngir na mun han a det a ngirru.