PHILIPI 3:8 - Rabu Athar New Testament (BSI)

⁸ Adik tak a! Kein ka puma Jisu Khrista ka jet ha khel la chung chuan na asat ke tia ka nei phur rakip ha nem nabui ani jui; ka binga mi dik ka ni, tiko dan chong pek nuk juia ni luia Khrista jiang takngai na ki nei jarra Pathian tenna mi ha ka ni Khrista hi kei ranga a nem na a lian tak ha ani jui.

PHILIPI 3:8 Iomraidhean Croise

LUK NING A JIAK CHONGSAT 1:43

Hiva khan ravansat kanihi kapumanu nang in kei jiang nahonga hongkhanna rasisatmo ani.

LUK NING A JIAK CHONGSAT 11:20

Tak-ha kein Khonam kanotsuakhi Pathian kutsin na aluininko, Pathian rengram hi nang ni jiang a hong jui.

JOHON 14:20

Hava nikhuo a hong tung phale, kei ka pa jiang ka om, nang nin kei jiang nan om tiha jet nanti.

JOHON 14:7

Nang nin keihi nan na lui jet inko, nang nin ka pa ham nan lui jet aninko; a tun tenna nan jet nan mu jui ani.

JOHON 16:3

Anmanin kei om ka pa om an na jet mak jarra hiva chuan hi an tho ani.

JOHON 17:3

Kumsot ringna Puma Pathian jet le adik jet na, hale nang in na hong tir Jisu Khrista ha ani.

JOHON 17:8

Nang in ninapek chong rakip ha kein anmani jiang ka pek, anmani ha andojui. Nang in najuang tirra nang tenna phut ihonghi adik tihi anmanin an jet jui.”

JOHON 20:13

Anmani ning “E numei ita mo nichap tia an dingkel!”

JOHON 20:28

Thoma ning a sang, “Kapuma ka Pathian!”

TIRLON 20:24

Aninnom kei ka chuan ko Pathian manrit na han asat chong ha shakhi pek ranga Puma Jisu tenna ka mua chuan tho ha torthei na ranga kei ka thavang lam hi kein nar making.

ROM MINGAI JIANG PAUL NING A JIAK CHITHI 8:18

Ajarko, a tun pha hin kan pong khodeng kan thei hi keini jiang an na pek rang lianpui na hale khide rang phur hi om ma tihi kei ning ka ngaidon.

ROM MINGAI JIANG PAUL NING A JIAK CHITHI 8:39

Chung chuan na ning an in nom, a thuk thuainung tak in an in nom, tu ang khat a ring an in nom, keini kan puma Jisu Khrista jiang i om Pathian lungsiat na han keini hi na man kan sen tor lai noni u.

1 KORINTH 2:2

Ajarko kein nan karra a thei lui anga ka lui om ma Jisu Khrista ha thing khros chunga a thina jak ha ka lui ri ani.

1 KORINTH 9:10

Mirakip rahut a ama han alui ri mo nimak? A ni, keini ranga hingahin alui kan jiak, ajarko luitho pa le achang luakpa an nija chang kan mu rang ke tia an ngaidon ani.

2 KORINTH 4:4

Hiva mingai ning takngai na luinei ma u, ajarko kut a sin ramuol pathian in an mit a man jingpe. Pathian tenna a hong avar han an mit leiman varmak. Khrista tenna a hong chongsat ha Pathian a tak tak chong ha ani.

2 KORINTH 4:6

Pathian in a ti a jing karra ka man var rang ke! Hiva pathian hi kan lung sunga avar a na pek Pathian ha ani. A ma lurna ha Jisu Khrista maisuo hin a man var.

GALATIA 1:16

Pathian ning keihi Khrista le ana man kan mu na ajarko, keihi jatdangngai jiang Khrista chongsat ri ranga ani. Kein tukhatle om lui kan siam making.

EPHESIA 4:13

Hiva ruia keini lung khat jak changa takngai na hi jom khat jak changa Jisu hi Pathian nai ani tia lui nang puitung mi khat changa Khrista ama omchan na om rei.

PHILIPI 1:1

Jisu Khrista Suak Paul le Timothi Philipi biakrup hin a om lamkei Ulianngai, Jisu Khrista mi thiang rakip jiang,

PHILIPI 3:10

Kein ka jet jot tak ko puma ama athi nale a ringkhir na ranak ha kein dui pui suam ma ama a pong anga hale kei om ama anga om rang hi ka dei jui.

PHILIPI 3:12

Kei chung suak na ka nei jui, animakle lungdo tung ha ka ni jui kan ti making tak-ha Khrista ning kei ha ina chur na pong lo muna ranga risiat ka tho.

PHILIPI 3:7

Hiva jarra kein ki lui nei rakip ha Khrista tianga ko nem na lui mang ani jui tia ka lui.

2 TIMOTHI 4:6

Kei ning akat phur anga nang ni ranga ka kan pek na rang a phat ha a hong tung jui, hale hiva ringkhuo mak na ranga phat a hong tung jui.

HEBRU 3:14

Ajarko a phut lai tenna kein in tak kan ngaiha kan otit inko, keini kan renga Khrista le tum kan neisuom ani.

1 PITAR 2:7

Hiva lungpui hi nang ni ranga a man nei tak ha ani, ajarko nang nin takngairu, tak-ha tak a ngai lui ngaiha ko, in sin pa ning a dei luia nem na om lui lungpui ha, a man tam tak lungpui ha a hongni.

2 PITAR 1:2

Puma Pathian hale kein in a na lui san ringpa Jisu ha asat a jet thei na ranga chuan le lunghip ha nang ni jiang om rase.

2 PITAR 1:3

Pathian rat na ha keini jiang akip a ana pek jui. Keini Pathian jet a ring na ranga ching na jet na hi keini a na kuipu ama tenna ani, ama asat nale a torna, lianpui na mu na ranga ani.

2 PITAR 1:8

Hiva ngaihi nang nin nan tho rang suak ani, hale nang in hiva rakip na tor inko puma ning nang ha aching athei, puma Jisu a jet mi ha na manchang nati.

2 PITAR 3:18

Tak-ha chuan sat tho le puma Jisu ha ana san ringpa ani, tijet tianga nang ni ha kan son det detru. Puma ama jiang lianpui na ha a tun nom phat rakip han nom om rase Amen.

1 JOHON 1:3

A pa le a nai Jisu Khrista le kan kan chun na ha nang ni jom kan chel thei na ranga, kan mu kan jet ngaiha nang ni jiang kan na ripe ani.

1 JOHON 2:19

Anmani ngaihi keini mi a chang mak jarra, keini tenna an suak an na mak jui. Tak-ha, keini mi aninko keini le kan chun chak kan ti, a tun ko anmani nang ni ta ni maksing tirang jarra an suak jui.

1 JOHON 5:20

keinin adik Pathian ha kan jet na rang, a pasalnai ha a juanga jet na ranga a na pek jui. A pasalnai Jisu Khrista, jarra adik Pathian ha keini kan mu jui. Hivahi Pathian tenna kum sot ring na ha ani.