PHILIPI 2:7 - Rabu Athar New Testament (BSI)

⁷ Tak-ha, suak anga a kan luia, miring le a hong kan ang, a lungdo rakip ha ama suaver.

PHILIPI 2:7 Iomraidhean Croise

MATHIU 12:18

“Enru ka suak rang ka thang ha; ka lungsiat ama jiang ka lungdo a tung, ama jiang kein ka thavang ka thun pe rang ke, hale a man dik na ha jatdang mingai jiang phuangsot nati.

MATHIU 20:28

Hi anga Mi Pasalnai ha ning a tak sepa man kan tho ranga i hong nima tak-ha a man misepa tho ranga ahong ani, hale mirakip masua na man ranga a ringkhuo akanpek ani.

MARK 9:12

Jisu ning anmani jiang a ti, “Irakip ranga Elija man ihongrang a suak ani, hale chong thiang in alui ti Miring Naiha khodeng a tam tak ithei rang ani hale andeilui rang ani.

LUK NING A JIAK CHONGSAT 22:27

Jisu ning a dingkel la, “Aonga bu nek pa hale a ngir chunga sep a tho ha tulammo anlian det? A onga ompalam han a lian det nimak mo? Tak-ha kei ko nang ni sepa tho anga ka om ani.”

JOHON 1:14

Chong ha miring ahong changa kan karra a om, ama adik le man ritna, a ship, lianpuinaha kan lui mu. Hava lianpuina hako a lungsiat a pasalnai jak ha ani, hava ha apa jiang tenna anphut amu ani.

ROM MINGAI JIANG PAUL NING A JIAK CHITHI 1:3

A pasalnai ruia chongsat ha taksa tianga David vonchoi sunga nai a hong chang.

ROM MINGAI JIANG PAUL NING A JIAK CHITHI 15:3

Khrista ning om a theijak ranga a lungdo mankantung torma; hingahin alui nisa ke, “Nang ana endangain an jek chong ha ka chunga a chul jui.”

ROM MINGAI JIANG PAUL NING A JIAK CHITHI 15:8

Kei ning kati, Ka pu ka pangai jiang chongtan naha det na rang le a dangjatngai ning Puma lungsiat na jarra Pathian ha an manpak na rang,

ROM MINGAI JIANG PAUL NING A JIAK CHITHI 8:3

Ajarko taksa le dan ani tir lui ha Pathian ning a pasalnai khat jak ha siat nei taksa ang hin siatna ranga a hong tir jui, taksa jiang siatna ha a man nei jui.

2 KORINTH 13:4

Khrista ha a sual jarra khros chunga an lui that tak-ha Pathian ranak han a ringkhir. Keini om ama jiang kan sual achang nom nangni le chuan kan tho chun jarra Pathian ranak han ama le kan om rang ani.

2 KORINTH 8:9

Ajarko nang nin nan jet, kan puma Jisu Khrista ha alui nei achang nom, nang ni jarra ariang achang jui, a man ariang jarra nang nin a nei miha nan ni jui.

GALATIA 4:4

Tak-ha a phat asat da ahong tung karra pathian in anai ha alui hong tir numei tenna nai achanga Jiwngai chena dan thuaija alui om.

PHILIPI 2:6

Khrista ning Pathian anga a om aninom, Pathian le ka kan ang rip tia ngaidon mak.

HEBRU 12:2

A phut na tenna an phut kan takngai na kan lung ngam na, Jisu ha a torna tunga keini en chak rei, a man Khros chunga mel siat a athi rang ha i jum ngaidon luia, a ral torna ningsat nan a na ngak chak lam ha a ngaidon na Khros lam ha a roa, tun hin Pathian lam lian inn ong na chang tiang ama aongna han a om jui.

HEBRU 13:3

Ren inna an khum ma an omngai ha nang nin anmani le an na khum de jui ke tia ngaidon ru; khodeng an thei ngaiha anmani anga keini om khodeng kan thei ke tia ngaidon ru.

HEBRU 4:15

Kan thiampulian han keini kan ma sial na ha a jet mak nimak, keini anga a lam rakip mathemna a kan tong pui ani Tak-ha a man siatna ite khat nei mak; Siatna a nei chillui thiampulian ha kein in kan nei ani.