PHILIPI 2:1 - Rabu Athar New Testament (BSI)

¹ Hiva jarra Khrista tenna nan om han nangni ha ana man rat jui, ama lungsiat han lung ngam na ana pek jui, nang nin ama le thavanga nan om jui.

PHILIPI 2:1 Iomraidhean Croise

LUK NING A JIAK CHONGSAT 2:25

Hava phat han Simon anti mi khat Jerusalem ma alui om, ama hi Pathian chitlejak neikhat ani; Israel ngaihi puma ning san ring thei na ranga aluingakchak Thavang Thiang ning a chunga alui om pui.

JOHON 14:18

Kei ka che karra, nang ni ha nan thei jak na mak noning.

JOHON 14:27

Kein nang ni jiang kalunghip ha ka na pek, ramuol in ka na pek ang chat nimak. Nang ni ning pong le ning dong nanei maru han chit maru.

JOHON 17:13

Atun Puma na kolla ka hong rang ani jui han anmani ningsat na ha an lung renga a tung thei na rang kein hiva chong hi ramuol la ka ri ani.

TIRLON 2:46

Anmanin biakinn na anitin lung khat tak khat an changa an kan chun chak, hale an inn an inn na lungtai hiaija le ningsat a tal an lui chak suom.

TIRLON 4:32

Atakngai mirakip ning an lung le an thavang khat jak changa an lui om, hale tun nom an nei phur rakipngai ha kabing kaphurke luiti ma u, tak-ha mitam taranga an lui nei man.

ROM MINGAI JIANG PAUL NING A JIAK CHITHI 5:5

A thianga kan ngaidon jarra keini ha na man jakma, ajarko keini jiang i na pek thavang thiang tenna keini lung sunga Pathian lungsiat na ha a na bunthuan.

ROM MINGAI JIANG PAUL NING A JIAK CHITHI 8:26

Ha ang han thavang ning om keinin kan tor mak na pha han a na san, ajarko keinin ija mo, i ha mo lam na kan nei rang ha jetmasing; tak-ha Thavang Thiang ataktak in ri na buia a tai le kan ruaia keini ranga a na varpui.

1 KORINTH 12:13

Hiva anga keini rakip hi Jiw mo, jatdangai mo, suak mo, kan chong pa mo, Thavang Thiang in tuilutna a na man nei a tak khat a na man chang jui. Keini rakip sunga Thavang ana thun pe jui.

1 KORINTH 15:31

Miring omchan nuk juia kein Ephesia hin ram sangai le kansaul kanse anga ka lui tho kein imo ka lui mu? Athi ngai ning an thui khir makrang aninko, chaktarei, nektakrei, manhui tarei, ajarko jinga kan thirang ani.

1 KORINTH 3:16

Nang nin nan jet jui, nang ni hi puma in thiang ha nan ni, hale Pathian Thavang Thiang ha nan sunga a om.

2 KORINTH 13:14

Jisu Khrista a mi lungsiat thei nale Pathian lungsiat le thavang thiang kan chun na ha nan chunga om rase.

2 KORINTH 2:14

Pathian ha manpak rei, a man Khrista jarra phat rakip a keini hi chung suak na ana man nei jui hale keini renna Khrista arui ha jet na an nei, thairim hui ha a mun rakip a atung jui.

GALATIA 4:6

Hale nang nin a naingai nan ni jarra pathian ning a nai thavang ha kan lung sunga a na thun pe jui hale thavang ham a pa ti a a chap.

GALATIA 5:22

Tak-ha Thavang Thiang ning a hong manra ha ko hi ani. Lungsiat, ningsat lungnem, khang thei, mi lungsiat, chuntho asat le takngai ha ani.

EPHESIA 4:4

Taksa khat sunga Thavang khat a om anga taksa khat lungdo khat mit en khat chang ranga nangni hi ana lui kui.

PHILIPI 1:8

Ajarko, kein Khrista lungsiat nale kan ruaia nang ni rakip ha ka na ngai tui tihi Pathian ning shakhi ani.

PHILIPI 3:3

Ajarko, keini ko Pathian thavang jarra Pathian ha kan oi, Khrista Jisu jarra man kan lian nale, taksa va takngai ite nei lui vuntan ha kan ni.

KOLOSIA 2:2

Anmanin kan lungsiat a om thei na rang, hale khat le khat kan jot thei na rang, han Pathian chong ruk ha Khrista ani tihi man jetru.

KOLOSIA 3:12

Nang ni Pathian mi ke nan ni, ama lungsiat jarra ami ranga ina thang jui ani, hiva jarra dui rat, lungsiat thei, mi lungsiat jet, manrit a khang rat ha changru.

HEBRU 6:18

Hingahin a kan thul thei lui rang anni a om, hava ruia Pathian ko a leisei mak, hiva jarra keini ama le kan ruaia ringna kan mu jui keini mai kunga lungam na ana siak pe ha, a det tit kan o na rang ranak a na pek.

1 PITAR 1:2

Pathian ning nang ni ngaihi a na thang sa mi ha nan ni hale Pathian ning ana man thiang jui, ama thavang thiang le Jisu Khrista nuk jui na ranga ama thisen hin na rasuk rang ani.

1 JOHON 3:24

Tu a chang innom Pathian chong pek a jui mi ha Pathian jiang a om ani, ama a Pathian a om ani ama thavang a na pek ang hin keini sunga Pathian a om ha kan jet ani.

1 JOHON 4:12

Tu khat in nom Pathian la mu chil ma u, keini an khat le an khat kan lung a kan siat inko. Pathian ning ana om pui chak. Hale puma ama a lungsiat na ha keini jiang lungdo a tung.

1 JOHON 4:16

Keini ruia Pathian lungsiat na a om tihi keinin kan jet hale tak kan ngai, Pathian ko lungsiat ke hiva jarra lungsiat ha a chunga a om chak mi ha Pathian jiang a om chak, Pathian ning a om pui chak.