PHILIPI 1:7 - Rabu Athar New Testament (BSI)

⁷ Nangni ko pha rakip a kalung sunga nan om, tihi adik ke; kein ren inn na ka om lai, chongsat ruia nang nin ranak nan na na pek, hiva jarra, nangni rakip hi kei le manrit na kan tum suam rang ani.

PHILIPI 1:7 Iomraidhean Croise

TIRLON 20:23

Kein ka jet khat ko a om tiko; ren inn le, pong khodengtheinan kei ha a na ngak tihi Thavang Thiang in khopui rakip hin kei jiang shakhi ana pek.

TIRLON 21:33

Han ralmi ulian ha ning a hong lut a maha thir ruija khit na ranga chong a pek jui. Hava suale a maha tumo ini hale imo a tho jui tia alui dingkel.

1 KORINTH 13:7

Lungsiat ko a renga a choi tor, a renga takngai a renga lungdo a nei, a renga a dui tor.

1 KORINTH 9:23

Hale kein irakip ka lui tho hi Pathian chongsat jarra ani ama phual musuam na ranga ani.

2 KORINTH 3:2

Nangni hi keini chithi kan lung sunga kan sunna a om ha nan ni, mirakip ning jet de rase u.

2 KORINTH 7:3

Kein nang ni ha ka na matek nimak, a rapa han nom ka lui ri jui, thisuam ranga aninom, ring suam ranga ani nom nang nihi kan lung sunga nan om jui.

GALATIA 5:6

Ajarko keinin Jisu Khrista le kan om suam karra vuntan mo vun tan lui mo a kan khel na om mak. A liantak ko takngaija chuan tho lungsiat ha ani.

EPHESIA 3:1

Paul kei ning Jisu Khrista chongsat ruia jatdangai rahut a ren inn na ka om.

EPHESIA 4:1

Puma ama ruia ren inna ka om hi ka na manjet ani nangni hi ama han ana kui karra asat ringkhuo han lui om ru.

EPHESIA 6:20

Kei Pathian chong ri ranga ama rahut a natir ani, hiva jarra kein ren inn na thir rui le ka om. Lam na na nei peru kein Pathian chong ha ranak neia la ri tor kati.

PHILIPI 1:12

U le naingai chongsat ruia ka chunga isuak rakip hi, a khel la ranak neina ranga ke tihi kein nangni ha ka na manjet jot.

PHILIPI 1:13

Kein Khrista jarra ren inn na ka om hi, reng chang kual; a ngak rakip le adang mirakip in an hong risuak jui ani.

PHILIPI 1:14

Hale, kein ren inn na ki om jarra u le nai aviar ning puma an takngai na ha khel la ranak neina rang Pathian chong ha ri ranga an tha ahong nuam jui.

PHILIPI 1:5

Nang ni ha ka na ngaidon de ka pathian ham ka manpak.

PHILIPI 2:22

Nang nin ama ha nan jet, nai in apa jiang sepa itho ang han aman kei le kan ruaia chongsat sem ruia chuan ha a tho.

PHILIPI 4:14

Tak-ha nang nin kei ka pong khodeng ka thei na rakip ka sap nan changa nan na tho pe jui.

PHILIPI 4:15

O! Philipingai, nangni nan tak khet in nan jet ti ko; chongsat san ruia aphut lai tenna kein Mekidonia tenna ka suak lai han, nang ni niluia biakrup khat jak innom San nale pekna, nang ni ni luia ka sap tute khat om lui om ma u.

PHILIPI 4:3

Ka sap satngai hiva numeingai hi na san peru, anmanin kei le chongsat sem ruia atam tak an na san, anmani jak ni luia Kelemen le adang chuan sin puisuam ngai an mingngai Pathian ring na Rabu sunga a om jui.

KOLOSIA 4:18

Paul ka kut tak in ka hong jiak chithi chubei ke ani, an na khit na hi na thei ni pe maru, Pathian manrit han na ruoi rase.

KOLOSIA 4:3

Hiva phalai tak hin keini rang om na lam deru, ajarko Khrista chongsat ha kan ri torna rang, Pathian chong ruk hi om ri thei na rang lam ha ana long pe na rang, kei ning ren inna ka om ani.

1 THESSALONIKA 5:5

Nangni ko a var na mun na a om a var naingai nan ni, Keini om ajinga a om jan mingai ha ni masing.

2 TIMOTHI 1:8

Nang in Pathian chong ri rang hi jak maro, kei ning Pathian ruia pong na ka mu hi om na jak pui maru, hiva rahut a Pathian chongsat ruia nang ni om kan chelru, Pathian ning nan chunga ranak ana pek.

2 TIMOTHI 2:9

Ajarko kein chongsat ha kari, kei hi mi that khat anga an na lui khit, an na lui man pong tak-ha Pathian chong hi ko khit na jot mak.

PHILEMON 1:13

A ma hi nang na rahut chongsat ruia, kei jiang chuan sin suam na rang ka lui siak jot.

HEBRU 3:1

A e sap le jar, Pathian in a na kui Khristianngai, Pathian a hong tir thiampu chung nung, kan takngai Jisu hi enru.

1 PITAR 4:13

Hiva rakip hin nan ning man satru, nang ni ning Khrista a pong ha nan san ani, hi aninko nang ni ning ningsat na ha nan mu rang ani, puma ning mahok lian na a hong karra.

1 PITAR 5:1

Kei ning ulian khat changa biakrup ulianngai jiang ka na ri ani, kein Khrista a khodengthei na shakhi ha ka jet, hale ama lianpui na ham ka mu rang ke, ama a hong karra, hiva jar hin kein nang ni jiang ka na ri ani.

2 PITAR 1:13

Kei ning ka ngaidon, ramuol chunga ka om lai lim ko hiva ruija hi nang ni ka na man ngaidon hi adik tia ka lui.

1 JOHON 3:14

keinin kan sua pui ngai kan lungsiat; han ko thina ha kan mak a ring na hin kan hong lut jui tihi kan jet. Tak-ha a u a nai a sua pui lungsiat lui mi ha thina ranak han ala om ani.