PHILIPI 1:6 - Rabu Athar New Testament (BSI)

⁶ Hivahi kein takngai na ka nei, tiko, nan lung sung asat chuan sin ranga ina hong manjet Pathian ama ning Khrista nikhuo ha a hong tung mak kar je chung suak na nan nei rang ke.

PHILIPI 1:6 Iomraidhean Croise

JOHON 6:29

Jisun a sang, Pathian in nang ni ina man tho jot chuan ha hi ani, “A man ahongtir miha takngairu.”

TIRLON 11:18

Han anmanin chong hi an jet karra, an om chian na, Pathian ha alian na an mahok anti, Pathian ning a dangjat mingai jiang om limkansirna an neija ring na nei na rang a jot pe jui.

TIRLON 16:14

Hava chong angaingai karra numei khat tiko; Thaijatira tenna ahong aming Lidia anti nu; Limon puansat juar nu, an khat om Pathian chubeibuk ama alung ha puma ning a longpe va Paul ning irirakip ha asat aluingai.

1 KORINTH 1:8

A man a torna nikhuo han nom na san na ta Jisu Khrista a hong karra nang ni ha a thianga asuaina buia om nanti.

2 KORINTH 1:15

Kein a rapatak nang ni jiang suai luija ka hong jot, hi aninko nang ni ning veinitak Pathian phual ha mu nanti.

2 KORINTH 2:3

Hale ka ning satna hi nang ni rakip ningsat na ani tia nangni jiang takngai na ka nei. Hiva jarra ka ning asat nahi nangni rakip jiang om ningsat ha nirase.

2 KORINTH 7:16

Kei ka ning asat ajarko nangni chunga lung ngam na ka nei jui.

2 KORINTH 9:4

Makidonia mingai le kei ka hong karra kutchoi nan lui kan ning mak aninko keini ranga jakna a om rang ke. Kan lung ana ngampuina rakip ha ite khat ri rang om noning.

GALATIA 5:10

Kein nang ni jiang lung ngam na ka nei ajarko midang ning an ri chong ha jui maru. Nan chunga ana nok mingai chunga pathian ning chong jenna na pek nati tu tu achang nom.

EPHESIA 4:12

Mi thiang ngai ning puma chuan tho rang le biakrup man thiang thei na ranga puman a nei man ani.

PHILIPI 1:10

Hiva jarra nang nin asat ha imo ani tia thang suak na nan nei rang ke, hivahi Pathian lianpui nale manpak na tung khan na.

PHILIPI 1:29

Ajarko, Khrista jiang takngai na jak niluia, ama ranga pong khodengthei na ham ani; hivahi puma ranga ko nang ni jiang lungsiat na nei na ani.

PHILIPI 2:12

Ka lungsiat u le naingai, nang nin a pha rakip ka chong ri nan jui ang han, ka om mak in om ka om in nom nangni sanring na nan nei ha khel la lungdo tung thei na ranga chit le kan ruaia thoru.

PHILIPI 2:13

Hiva jarra nangni sunga Pathian ning lungdo tunga chuan asintor na rang chong jui ha changru.

PHILIPI 2:16

Nangni ning ring na chong ha anmani jiang nan ri rang, ha nan tho inko kein nemna buia chuan ha ka sin na aphat ha ki manmang nimak tihi Khrista nikhuo ahong tung pha han ki man kan lian thei narang ani.

KOLOSIA 2:12

Tuia baptais kan tho han ama le an na phum suam jui, hale puma a thi ngai kar tenna Pathian ning aman ringkhir, hava takngai jarra nang ni jom ama le na ringkhir jui.

1 THESSALONIKA 1:3

Nang nin Pathian madonna takngai na iduk mo nan nei, hale chuan ha adik khan na nan tho hale Jisu Khrista jiang nan siak lungdo ha a det tia kein in kan ngaidon.

2 THESSALONIKA 1:11

Hiva jarra kein in phat rakip a lam na kan nei, Puman ana kui hi mi sat khat chang na ranga hale ama ranak han chuan sat tho nale takngai na hin na man rat rase.

2 THESSALONIKA 3:4

Hale keinin kan na pek chena dan ngaiha nang nin nan jui rang ani tia Pathian jiang takngai na kan nei.

PHILEMON 1:21

Na chong ri hi angai lui ha ka jet kei ning nang jiang ka hong jiak ani. Kei ning ki na ri nek a nang in a khel la ni na tho pe rang ke tia ka ngaidon.

HEBRU 10:35

Nan ningsat na ha manmang maru, ajarko nan tum rang alian tak ha hong choi rang ani.

HEBRU 12:2

A phut na tenna an phut kan takngai na kan lung ngam na, Jisu ha a torna tunga keini en chak rei, a man Khros chunga mel siat a athi rang ha i jum ngaidon luia, a ral torna ningsat nan a na ngak chak lam ha a ngaidon na Khros lam ha a roa, tun hin Pathian lam lian inn ong na chang tiang ama aongna han a om jui.

1 PITAR 5:10

Hale Pathian lianpui na ranga Khrista ning nang ni ha a na lui kui ani, hiva phat bongkhat hin nang ni ning khodeng nan thei suale nang ni ha na man rat rang ani, hale na man lian na ta na man ngir rang ani jui.

2 PITAR 3:10

Pathian nikhuo hi ko aruk anga jet lui thailuija a hong ani, hava nikhuo han vanram hi rasa suak na ta amang rang ke, vanram pumpui hi mei ning a kang rang ke hale ramuol la a om phur rakip hi om a mang ke ani.