MATHIU 7:21 - Rabu Athar New Testament (BSI)

²¹ “Tu aninom kei jiang Puma Puma, a ti mirakip ning vanrengram lut noni u; tak-ha vanram ma ka Pa lungdo a tho rakip ning lut nanti.

MATHIU 7:21 Iomraidhean Croise

MATHIU 12:50

Ajarko tu aninom vanram ma om ka pa lungdo a tho mi ha kei ka u, ka nai, hale ka nu ka pa anni.

MATHIU 16:17

Jisun a hong shanga ama jiang a ti, “Simon nai Johon nang ko ravansat na ni; ajarko tak sa le thi sen in nang jiang an na manjet nimak, tak-ha vanram ma om ka Pa ning ana manjet ani.

MATHIU 18:10

“Kan ning theiru, ashinngai khat nang nin tak tel lui ha tho maru ajarko, kein nang ni jiang, vanram ma anmani thaneithiangain vanram ma om ka pa mai an muchak.

MATHIU 18:19

“Veikhatret kein nang ni jiang kati, ha ko; ramuol la nang ni karra mi annin imo khat lam ranga an kan jot inko; vanram ma om ka Pa ning om anmani jiang hong man tung nati.

MATHIU 18:3

Hale a ti, “A thianga kein nang ni jiang kati ani, nang nin nai pang anga nan ni a, nan hong chang mak aninko; vanrengram ha lut tor noni che u.”

MATHIU 18:35

Hiva jarra nang ni rakip in, nan u nan nai ma sial na ha nan lung sung tenna ngaidam nan nei mak inko; “Vanram ma om kei ka Pa ha ning nang ni jiang hingahin tho nati.”

MATHIU 19:24

Veikhatret kein nang ni jiang kati ani, a nei min Pathian rengrama lut nek a saringsei khat in simphuai kuarra ater ha ning abeidet.”

MATHIU 25:10

Hale anmanin hongchok ranga an che kar han, muipa alui hong jui; hale an lui kan ning anmanin, ama le an kanruoia mui ruoi na han an lut jui; hale kot ha an kharjui.

MATHIU 25:21

Apuman ama jiang a tam a satjui; takngai jot le asat suak, nang ko phur atomtet han nom takngai rang na om jarra, kein nang ha phurtam tak en na kan na man nei rang ke, na Puma ningsat na sunga hong lut taro a ti.

MATHIU 26:39

A man ma don tiang a laak det a che hale a bok chunga lamna aneia a ti, O, a pa, hivahi anithei inko kei jiang tenna hiva kok lai hi kan khel ta rase, ha aninom ke kei ka lungdo hong nima rase, tak-ha nang lungdo hongni rashe.

MATHIU 26:42

Veikhat ret a man veini chang na a chea a hong lam ma a ti, “O, a pa kein ka in mak kar je hiva kok lai hi kei tenna a kan khel tor mak rang a tun ko, nang na lungdo ni rase.”

MARK 3:35

Tu-ang Pathian lungdo a tho miha ka u ka nai an khat om kanu kapa anni.”

MARK 9:47

Hale na mit an khat in siatna a na man tho a chang inko, kelro; mit anni om puma mei khura nilut rang nek inko, mit an khat jak le Pathian rengram ma nalut han nang ranga, asat det ani.

LUK NING A JIAK CHONGSAT 11:28

Tak-ha Puma ning a sanga, hingahin an in nom Pathian chong a jet a a jui mingai ha ravansat anni.

LUK NING A JIAK CHONGSAT 13:25

Inn neipu pan kot a khar karra nang nin tualla ngir nan ta, kot ve nan ta ‘Puma keini hi na longro’ nanti karra a man ‘Nang niha tumo nan ni na jet making’ tia na hong sang nati.

LUK NING A JIAK CHONGSAT 18:25

Kanchong ngai ning vanram ma anlut nek inko saringsei ning simphuai kuarra ilut lamin abaidet.

LUK NING A JIAK CHONGSAT 6:46

“Nang nin ka chong ri ngaihi jui lui a kei hi ‘Puma,’ nannatihi ijarra mo?

JOHON 14:7

Nang nin keihi nan na lui jet inko, nang nin ka pa ham nan lui jet aninko; a tun tenna nan jet nan mu jui ani.

JOHON 15:23

Tu anga kei a na matir ama ha ka pa ham a matir ani.

JOHON 3:5

Jisun a sanga, “Kein nang jiang adik tak ka na ri ke ani, tui le thavang an phut akanjirmak miha tuachang in num Pathian rengram lut tor noniu.

JOHON 5:17

Hiva jarra Jisun anmani jiang alui ti, “Ka pa ning anitin nachuan asin jarra kei ning om kasinrang asuak.”

JOHON 6:40

Ajarko Mi Pasalnai amua tak angai rakip in kumsot ringna anneinarang, hale a torna nikhuo han kikeituirang anmani ngaihi ka pa lungdo ha ani.

JOHON 7:17

Tu a chang innom Pathian lungdo tho rang mihan kimanchuhi Pathian an phut ahong ani nimak hale ka binga kijek jekmaking tiha nan jet rang ke.

TIRLON 14:22

Thiamruaingai lung ha an man ngarra, an takngai na han om chak na ranga anmani ha an mathok an hong ti; “Atam lam pong khodengthei le kan ruaia kein in Pathian rengram han kan lut rang ani.”

ROM MINGAI JIANG PAUL NING A JIAK CHITHI 12:2

Hale hiva ramuol lungdo nun chan ha chan maru, tak-ha Pathian lungdo, asat a jot lungdo tung ha, nang nin nan jet na rang nan lung ha man thar innang thul khirru.

ROM MINGAI JIANG PAUL NING A JIAK CHITHI 2:13

Ajarko chong pek ha angai mingai ning Pathian madonna adik ha nimak, tak-ha chong pek ha chuan na an tho mingai ning mandik nati.

EPHESIA 6:6

Ramuol mit en rang le mi lung khop na rang jak ni luija Khrista chuan sin kan ni tia nan lung lut a Khrista lungdo ha thoru.

KOLOSIA 4:12

Nang ni nan mi Khrista Jisu a suak Epapharas innom chubei ana hong pek, nang nin Pathian lungdo tak a le nan lung ngir det tak a om na rang lungdo tung khristian nan chang na rang, a pha rakip a nang ni ranga lam na anei.

1 THESSALONIKA 4:3

Nang nin a satlui omchan mak a athianga om rang hi Pathian lungdo ani.

1 THESSALONIKA 5:18

Chuan lam rakip a Pathian ha man pakru, ajarko ama lungdo Jisu Khrista jiang a om ha nang ni ranga ani.

TITAS 1:16

Anmanin Pathian kan jet tia an ri suak, tak-ha, an chuan tho inko ama ha jot ma u; anmani ngai hiko, matir rang suak, chong jui lui, chuan sat tianga ite nem na bui anni.

HEBRU 13:21

Lunghip lungdai Pathian chuan man tho na rang, nan dei nan ngai tui rakip ama ning na man tung pe rase, Jisu Khrista chunga a man a tai na ha tho rase, han Khrista ha a phat a phat da mahok na ha om rase, Amen.

HEBRU 4:6

A ma sat chongsat an jet ngai han tak a ngai mak jarra, Pathian le pong kan shak na han an lut mak rang an om ajarko tak an ngai mak jarra ani, aninom a dang aviar ko an lut rang an om.

JEMS 1:22

Hava chong nan jet han nang ni chuan tho changru, asat mak man kan tor maru.

1 PITAR 2:15

Hivahi Pathian lungdo ani nan chuan sat tho han mi pangngai ham om chian rase u.

1 PITAR 4:2

A tun na a om nang ni jiang a om ringkhuo ha miringngai ning atun an ring anga ni luia Pathian lungdo han ring na ranga ani.

MANJETNA 22:14

Ring na thing kung nga che na rang nga, le khopui kot a lut na rung nga an puan rasuk thiang ngaiha ravansat ani.

MANJETNA 3:5

Hiva rakip a tho mi han hiva puanngui tho anga nan ni, hale a renga hiva ring na rabu hin nan ming a om ha manmang noni king, Puma madonna le thaneithiangngai madonna ka mi anni tia ki jot pe rang ke.