MATHIU 5:12 - Rabu Athar New Testament (BSI)

¹² Ningsatru, a khel la manhuiru; ajarko vanram ma a lian tak nan tum rang a om, hingahin nan madonna Pathian tashantheingai om an luimanpong ani.

MATHIU 5:12 Iomraidhean Croise

MATHIU 16:27

Ajarko Mi Pasalnai ha ning ama a pa mahok na han, ama thaneithiangngai le kanruoia hong nati, hava pha han mi rakip jiang an tak in an tho chuan nuk jui a tum rang ha a man pe nati,

MATHIU 6:16

“Hava khel la, bungeina nan nei karra asat kanrolmi anga tho maru; ajarko anmanin bungeina an nei le mi ning na jet rase u anta an maisua a pong omchan ando, a thiang tak a ka na ri ani, anmanin an tum rang ha an mu jui.

LUK NING A JIAK CHONGSAT 13:34

“Pathian chong lui ringai an that, hale nang ni jiang a hong tir ngai ha lunga an deng, O Jerusalem, Jerusalem, arpui ning athanuaia atengai akhude aruai anga kei ning na nai ngaihi i duk asat a kapom jot, tak-ha nang in najotpe mache;

LUK NING A JIAK CHONGSAT 6:23

Hava phat hin nang ni nan ning man satru. Vanram ma nang ni lo man a lian na a om. Hingahin nan pa napungai Pathian nom Pathian chong lui ri ngai jiang alui suaksa ani.

LUK NING A JIAK CHONGSAT 6:35

Hiva jarra nang ni a na en dangai ha lungsiatru, chuan sat tho peru, mu khir ranga manpuk maru. Nang ni lo man a lian, nang ni a sang tak pathian nai nan chang rang ani, ajarko mi pong na jet luingai jiang om, mi saluingai jiang om Pathian ningko a san,

TIRLON 16:25

Tak-ha janchim phat lai han Paul le Sailas ning Pathian an lam ma, la an lui tho, han ren inna a om a dangngain nom an luingai.

TIRLON 5:41

Han anmanin hiva ming jarra pong nale jak na kan mu hi rahui suak ani tia an ning an mansat ulianrupngai tenna an suak jui.

ROM MINGAI JIANG PAUL NING A JIAK CHITHI 5:3

Hijak ni luia keini pong khodengthei pha han om ningsat na kan nei pong le khodengthei ham a huia kan don.

1 KORINTH 3:8

Tui pek pu le thing kung alingpa an kan ang rip an tho nuk juia an pong lo mu nanti.

2 KORINTH 4:17

Hale hiva hapkhat a keinin pongna kan nei ning, ri torluirang ningsatna le lurna ha keini jiang a na pek.

PHILIPI 1:29

Ajarko, Khrista jiang takngai na jak niluia, ama ranga pong khodengthei na ham ani; hivahi puma ranga ko nang ni jiang lungsiat na nei na ani.

PHILIPI 2:17

O! nangni takngai na ha chuan tho ranga kei ha nan na pek lut inko ka ning asat, hale nangni le kan ruaia ningsat na nei kanti.

KOLOSIA 1:24

A thianga kein nang ni ruia pong khodengthei na ki nei hi Ka ning asat, hale, puma ning pongna amu rakip ha kei ning om ama anga pongna ka nei hi puma taksa biakrup ranga ani.

KOLOSIA 3:24

Puma ning a mingai ranga lo man itet ha katum rang ke tihi ngaidon unang, nan chuan tho ha adik tak Khrista chuan tho ha changru.

1 THESSALONIKA 2:15

Tu ning mo puma Jisu Khrista le Pathian chong lui ringai an lui that? Hale keini ngaihi an na manmang a Pathian mu ngaiha lunghui lui an lui pek.

HEBRU 10:34

Nang nin imo asat det na nei ha nan jet jarra ren inna omngai nan phur rakip an na sut innom nan dui puisuam tor.

HEBRU 11:26

A man nuk pong lo man a mu rang a en na, ijip lal le thum rakip nei rang nek Mesaia rang jarra mol khang rang han a man a nei det tiha a man a jet jui ani.

HEBRU 11:33

Takngai jarra anmanin ram pumpuija ral an tho va an tor jui, anmanin adik ha an tho jarra Pathian chong shakhi pek ngaiha an tum ani, hale anmanin Sabakkai ngai bai jom an lui ruk.

HEBRU 11:6

Takngai na om lui a tu ten Pathian lung man tai na om mak. Ajarko Pathian jianga a hong mi han a ring chak a om, hale ama a tok mingai ha a man ponglo i pek rang ke tihi tak angai chiak rang ani.

JEMS 1:2

Sap le jar ngai, mathemna rakip nan chunga a hong tung pha le kan ravan asat tia ngaidon ru.

JEMS 5:10

U le naingai, Puma minga chong ri Pathian tashantheingai ha ngaidon ru. Anmanin khodengthei nale pong na chunga dui rat an nei ha kan churu.

1 PITAR 4:13

Hiva rakip hin nan ning man satru, nang ni ning Khrista a pong ha nan san ani, hi aninko nang ni ning ningsat na ha nan mu rang ani, puma ning mahok lian na a hong karra.