MATHIU 3:6 - Rabu Athar New Testament (BSI)

⁶ An siatna ha an ri la, Jordon tuidunga ama ning baptais a man tho.

MATHIU 3:6 Iomraidhean Croise

MATHIU 3:11

Nanlungthul ha jet na rang kein tuija baptais ka na man tho tak-ha, kanuk a ahong pako a lian ranaknei ani, kein a kekok choi rang tenna rahui nei making. A ma ningko, nang ni ha Thavang Thiang le meija baptais namantho nati.

MARK 1:5

Hale Judia ramrakip mingai le Jerusalem ma mirakip ama jiang an honga, an siatna ankanri, Jordan tuidunga tui a manlutjui.

LUK NING A JIAK CHONGSAT 1:16

Hale ama ning Israel naingaihi Pathian jiang hong tuang nati.

LUK NING A JIAK CHONGSAT 3:16

han Johon ning a ti pe, Kei ning nang ni hi tuija baptais ka na man tho; tak-ha kanuk a hong rangpa hi ko kei nek a lian a rang khat ani, kei ning ama kekok arui orang tenna ka rahui chang mak. A ma ning Thavang Thiang le meija baptais namantho nati.

TIRLON 1:5

Ajarko Johon ning tuija baptais, tak-ha nikhuo sotchil lui a Thavang Thianga baptais tho rang nani jui.”

TIRLON 11:16

Han kein ngaidon na ka hong nei, Puma chong riha, tiko Johon ning tuija baptais a na man nei, tak-ha nang niko Thavang Thianga baptais nan nei rang ke.

TIRLON 19:18

Han takngai nei anmani karra atam lammin an honga an lui tho na asa mak rakip ha an lui risuak.

TIRLON 22:16

Atun nangin imo nilakansai? Thui in lang tuilutna neiro, ama a ming ha tel in lang na siatna ngaiha rasukro.

1 KORINTH 10:2

Mousi ning an renga sum phai le tuiongpui tui a luimanlut.

KOLOSIA 2:12

Tuia baptais kan tho han ama le an na phum suam jui, hale puma a thi ngai kar tenna Pathian ning aman ringkhir, hava takngai jarra nang ni jom ama le na ringkhir jui.

HEBRU 6:2

A nem lui chong an phut lung kan kei na rang le Pathian takngai narang baptais le athi thuikhir ret rang kumsot chongtan na rang ruia man kanchu lai ma rei.

HEBRU 9:10

Anmanin chak le nek han dan nuk juia man thiang na a tam tak an tho rang a om ani. Hava ngaiha, Pathian in irakip a sin man sat mak kar je rang jak ma pal phuang a nei man ranga dan ngaiha alui chang.

JEMS 5:16

Hiva jarra nang ni an khat le an khat nan siatna ngaiha kan riru hale, nan dam thei na rang kan lam peru. Adikmi lam na han ranak nei tak chaun a tho.

1 PITAR 3:21

Tui han hava anga jet thei na ha ani. Ti ko baptais nan tho jarra san ring na nan mu jui, taksa a chok ha man thiang na rang jak nimak, Jisu Khrista a hong ringkir jarra ani, Pathian jiang adik dik lui jet na ranga lungdo a tok ha ani.

1 JOHON 1:9

Tak-ha, keini kan siatna ha Pathian jiang kan ri inko ama chongsan adik ha tho nati, hale kan siat nale kan ma sial na ngaihi na man thiang na ta na ngaidam nati.