MATHIU 23:8 - Rabu Athar New Testament (BSI)

⁸ Tak-ha nang niko, Rabbi tia man kan kuimaru, ajarko nan oja khat jak Khrista ha ani, hale nang ni nan renga ulenai, nan ni.

MATHIU 23:8 Iomraidhean Croise

MATHIU 10:25

Thiamruoi khat in oja anga, suak khat in a neipu anga anile a jot jui, anmanin inneipu ha Belzabul an tinko, ama a inn na omngai ha ko i duk a mel siat a an kui rang mo?

MATHIU 17:5

A man arilai pha han, enru acheklok sumphai ning anmani ha a khu de jui, jet lui thai lui a sum phai chung han rasa an khat in a hong ti, “Hivahi ka lungsiat tak ka pasalnai ke ani, kein amna chunga ka lungdo a tung, ama chong ri ha ngairu!”

MATHIU 23:10

Hale nang ni ha oja tia man kan kuimaru, ajarko nang ni ojako Khrista jak ke ani.

MATHIU 23:7

Kaithiallaiya mi ning chubei an buk hale “Ojapu” tia an kui rang hi an dei.

MATHIU 26:25

Han ama pek pu Juda ning a hong shanga a ti, Rabbi, kei mo ka ni? A man ama jiang a ti, “Nang in na kan ti jui.”

MATHIU 26:49

Hale hava lai tak han a man Jisu jiang a chea, chubei ka na buk oja, atia hale abiang a tum jui.

MARK 10:51

Jisun ama jiang, “Kei imo kinatho pe rang na dei tia ading kel?” Amitdel han alui ti; “Oja ken khuo, mu na neiretrong,” a ti pe ani.

MARK 11:21

Pitar in a hong ngaidon phak hale ama jiang, “Oja, enro; nang in khuo nakhong thei chang kung ha avuai jui,” a ti.

MARK 14:45

Judas a hong tung lim le Jisu jiang a chea, “Oja!” a tia abiang a hong tum jui.

MARK 9:5

Pitar in Jisu jiang, “Oja, keini hiva mun na kan om hi asat ani, keini ning tham anthum sinrei, nang ranga an khat, Mousi ranga an khat, Elija ranga an khat,” a ti.

LUK NING A JIAK CHONGSAT 22:32

Simon kei ning na lung nathon mak na rang a ka na lam pe, han nang in na nuk nakir karra na u na nai ngaiha an lung mandetpero.

JOHON 1:38

Jisun a hong kanheia, a mu han anmani jiang ading kel, “Nang nin imo nantok”? Han anmanin anluisang, ‘Rabbi nang hon mo na om?’

JOHON 1:49

Nathanael ning ama jiang alui sang, “Rabbi, nangko Pathian nai, Israelngai Rengpa ha nani!”

JOHON 11:8

Thiamruoi ngain Puma jiang anti “Oja Jiwngai ning a tun tak lunga nadengrang anti ha, Sontiang nala cheret rang mo?”

JOHON 20:16

Jisun Meri jiang a ti, ama jiang a enna a ti, “Rabboni Hebru chonga oja tina ani.”

JOHON 3:2

A ma jankhat Jisu jiang alui honga a ti, ‘Rabbi, nang Pathian jiang an phut alui hong oja khat nani tihi kein in kan jet, ajarko Pathian in kanruaipui luiako tu khat innom natho chuan angakpa ngaihi tho tor mau.’

JOHON 3:26

Hiva jarra anmani Johon jiang an lui honga an lui ti, ‘Rabbi, Jordan va ralla nan luiomsuam ama jarra chongir nipeksa mi ha a tun tui amanlut a a om, hale mirakip in ama jiang an che jui;’

JOHON 4:31

Hava lai tak han thimruoingain Jisu jiang an hong ti, “Oja, bu hong nek taro.”

JOHON 6:25

Mingai ning Jisu ha pat ankhat tiang han anmuphahan an lui ti, “Oja, hiva mun hin itiklai na luihong?”

JOHON 9:2

A thiamruoingain an dingkel “Oja tu Siadna jarra mo mitdella nai ihong chang hi? A ma siatna jarra mo animakle nulepa siatna jarra mo?”

2 KORINTH 1:24

Keini hi nang ni chunga puma jiang takngai mak jotma kan ti changma, tak-ha nangni le ningsat tak a chuan thochun mi kan ni. Nan takngai na ha a det tiha kan jet.

2 KORINTH 4:5

Keini ning kan tak rang jak a kan lui ri chang mak, tak-ha Jisu Khrista hi kan puma ani hale keini hi nan suak kan ni Khrista jarra.

EPHESIA 3:15

A ma jiang han ramuol le vanram ma a om hale insung rakip ning an ming rakip alui mu.

PHILEMON 1:16

Atunko a man suak anga ni luia suak khel la ulenai ang chat, kei ranga ko ka sap, tak-ha nang ranga ko, taksa tiang om puma tiang om iduk a khel la sap sat mo!

JEMS 3:1

Ka u ka naingai! nangni atam lam mi manchu chang maru, ajarko keini mi manchu ngaihi midangngai neka a tat det a chongtan na kan chunga a om rang ke tihi jetru.

1 PITAR 5:3

Nang nin nan thuaija a omngai chunga a khel la ea sel ha tho maru, hale nan chuan sat ha anmani ning mu rase u.

MANJETNA 1:9

Johon kei hi Jisu Khrista a nuk jui nan u nan nai ha ka ni, kei hi nang ni le pong a dui suam hale, Pathian rengram hi khodengtheingai ranga ani; Kei hi Patmos tui sirra an na siak, ajarko, Jisu ning ana manjet, Pathian chong thiang ha ka lui ri.

MANJETNA 19:10

Kein a ke kung a chubeibuk ranga ka kiak jui, tak-ha a man kei jiang tho maro a ti, kei hi na sap khat ka ni hale na u na nai ha ka ni, Jisu ning a ti “Adik a om rakip ning Pathian chubei an buk ani, ajarko adik chong Jisu ning i naman jet rakip ha Pathian chong lui ri ngai jiang a manjet ani.”

MANJETNA 22:9

Tak-ha ama ning kei jiang a na ti, “Chubei na buk maro, kei ko nang le Pathian chong ri na u na nai le, Pathian chong jui ngai rakip le Pathian suak kan chang ani, Pathian ha chubei bukro.