MATHIU 14:3 - Rabu Athar New Testament (BSI)

³ Ajarko Herod in Johon hi a churra, a khit, hale ren inna a thun; hivahi a naipangpa Philip lomnu Herodia jarra ani.

MATHIU 14:3 Iomraidhean Croise

MATHIU 11:2

Hale Johon ning ren inn sunga a om lai han, Khrista chuan ha a jet, ama a thiamruoi anni alui hong tir.

MATHIU 14:6

Tak-ha Herod naichangna ut a tho han Herodia a nai numeinu in; mitam madonna a lam ma Herod a lung alui mankhopjui.

MATHIU 4:12

Johon an churra ren inna an thunjuiti Jisun a jet pha Galili ramtiang a che jui,

MARK 6:14

Jisu rui a chong ngaiha a mun rakip hin a thang jarra, Reng Herod in chong ithangha a jet jui. Mi her khat in, “Johon Baptis ha athia an phut aringkhirret an lui ti, hava jarra hiva anga ranak anei a chuan hi a tho torke,” anti.

MARK 6:17

ajarko ning Herodias a naipangpa Philip lomnu a neina arui jarra Johon ha chur na rang chong a pek anchura, an khit an khum ani.

MARK 6:19

Hiva jarra Johon ha Herodias ning amatira, a enda va a tam tak alui that jot jui.

MARK 6:22

Hava pha Herodias a nai numeinai a hong lut a lam ma Herod le ikui rakipngai an lung amanbejui, hava jarra rengpan dongmanu jiang han, “Nadeitak nalamro, na pek kati,” a ti.

MARK 8:15

Jisu ning anmani amanchua “Pharisi ngai le Herod ngai chol an phut kan ning thei unnang kerepru,” a ti pe.

LUK NING A JIAK CHONGSAT 13:1

Hingahin Pilat rengpan Galili mingai hi thisen le ankatrang phur, a man kanjel pe jui tia, mi aviar ning Jisu jiang anluiripejui.

LUK NING A JIAK CHONGSAT 13:31

Hava phat lai tak han Pharisi ngai ning Jisu jiang an honga anti, “Nang a rak a hiva mun tenna an phut che taro; ajarko Herod ning nang ha nathat rang ati jui.”

LUK NING A JIAK CHONGSAT 23:11

Herod ning a ralmingai le a kanrualla eselna le nuiso tak a Jisu ha reng puan an man tianga vei khat Pilat rengpa jiang antirretjui.

LUK NING A JIAK CHONGSAT 23:7

Hava suale Jisu hi Herod rengpa a ram sunga mi ani jarra, Herod omna hi om Jerusalem ani jarra, Jisu hi ama jiang atir khir ret jui.

LUK NING A JIAK CHONGSAT 3:1

Tiberiu ning reng chung nung a chang na kumsomlei ranga a tung pha lai tak, Pontias Pilat ning Judia ram ma reng a chang, Herod ning Galilija reng a chang, a naipangpa Philip ning Iturea le Trachontis hin reng a chang, Lysania ning Abilene hin reng alui chang,

LUK NING A JIAK CHONGSAT 8:3

Herod rengpa thuaia a om Chuza a numei Joanna le Susana, hale a dang numeitam ning Jisu le a thiamruoingai ha sep a an lui tho pe jui.

TIRLON 12:1

Hiva phalaihin Herod rengpan biakrup sunga mi aviar ha pong khodengthei a hong pek.

TIRLON 4:27

Ajarko na suak thiang Khrista ha ama enda na ranga jatdangngai Israel mirakip le Herod Pontia Pilat ning om,