MATHIU 11:5 - Rabu Athar New Testament (BSI)

⁵ Mitdelngain an mu, hale kekiakngain an lonthei jui, pangphar tongngain an thiang jui, hale a kuorsepngain rasha an jet jui, a thi ngai om an ringkhir jui, hale a ring ngai jiang chongsat ha an manjet jui.

MATHIU 11:5 Iomraidhean Croise

MATHIU 10:8

a nat mandamru, pangphar ritongngai man thiangru, a thi ngai man ringkhirru, seitanngai ha not cheiru ariam ma nan mu ha nang nin ariam ma peru.

MATHIU 11:4

Jisun anmani jiang a shanga a ti, “Che unang Johon jiang, hong ti peru nang nin nan kuorra nan jet le nan mu ha.”

MATHIU 12:13

Han a man mipa jiang han a ti, “Na kut ha thuangro,” hale a man a kut a thuanga, an khat anga a dam pe jui.

MATHIU 21:14

Hava suale mitdel le kekiakngain, biakinn sunga ama jiang an lui hong; hale a man anmani ha alui mandam.

MATHIU 5:3

“Thavang a a riangai ha ravansat anni; ajarko vanrengram ha an manita ani!

MATHIU 9:30

Han an mit ha a var jui, hale Jisun anmani ha chongngar tak a chong abea, “Mi khat jak om manjet maru,” a ti.

MARK 7:37

Hale anmanin a tam tak an lui ngak a, “Puma ning chuan rakip a na tho pe jui, kuarsep ngain an jet, an khat om chong ri thei luingai jiang chong amanrithei,” anti.

MARK 9:25

Jisu ning mipuingai han an hong kan chun ha a mu pha han, thavang satluijiang han chong a pek-a, “Chong ajekthei mak le kuorsep thavang satlui nang kein chong ka na pek ani, naipangpa an phut han hong suak taro, hale ama jiang nang lutret lai maro,” tia alui ti.

LUK NING A JIAK CHONGSAT 4:18

“Puma Thavang ka chunga a om, ajarko a riang khodengtheingai jiang chongrina ranga, Kei hi a na thang jui, anluichur ngaiha ma sua na rang, a mit luidel ngaiha mu khir na ranga, a pong khodengthei ngai ma sua na rang ani.

JOHON 10:25

Jisun a sang, “Kein a thianga nang ni jiang. Karijui, tak-ha nang nin tak na ngai mak che u; Kein ki tho rakip hi ka pa ranak ani tihi jet thei ani.

JOHON 10:38

Tak-ha, kein ka tho inko tak nannangai mak in nom ka pa ning kei jiang a om. Kein ama jiang ka om tihi jet a tak nan hong ngai na rang chuan ha takngairu.

JOHON 2:23

Kanna ut kheng buban a om lai Jisu Jerusalem ma a om sunga a man angakpa chuan a tam a luitho ha anmanin an mu jarra mitamin ama takngai na an lui nei.

JOHON 3:2

A ma jankhat Jisu jiang alui honga a ti, ‘Rabbi, nang Pathian jiang an phut alui hong oja khat nani tihi kein in kan jet, ajarko Pathian in kanruaipui luiako tu khat innom natho chuan angakpa ngaihi tho tor mau.’

JOHON 5:36

Tak-ha Johon chong ngir itho nek a alian det kachunga chong ngir ankhat kein ka nei; Kapan ki tho rang chuan a na pek ha kein ka tho, ka Pan ijuangtir ham chong ngirna a pek.

JOHON 9:7

A ma jiang a ti, “Cheinlang Silom tuikhurra namai hong phiaro.” Mipaning a chea amaihi a hong phiasua phat han a mit a mua a hong kir jui.

TIRLON 2:22

E, Israel mingai chong hi ngairu, Najaret Jisu ha Pathian ning nang ni karra a ngak pa chuan le jetna a man tho a, han a mahi Pathian ning i jot mi ke tiha nan tak khetin nan jet.

JEMS 2:5

Ka lungsiat ulenaingai, hiva ramuol chunga ariangke tia nan ngaidon mingai ha Pathian in Thavang Thiang takngai ranga athang suak ani, hale ama rengram ha man tum na ranga a thang suok jui.