MANJETNA 7:3 - Rabu Athar New Testament (BSI)

³ Thaneithiang in a ti, “kei ning Pathian mingai ha an chal la sil ka nam mak kar je, ramuol, tuionglian le thing kung ngaiha manmang di maru.”

MANJETNA 7:3 Iomraidhean Croise

MATHIU 24:22

Hale hava ni khuongai ha manbong niluiako, takshanei rakip shanring tor noni u; tak-ha athangshuoksa ngai rang ko ni khuongai ha manbong pe nanti.

MATHIU 24:31

Hale a man ama vantirngai ha, pengkul rasa ring tak le hong kan tir nati, hale anmanin ama rang an thang suoksa ngaiha vanram amongna an khat tenna a dang khat tenna aki manli rakip manchun nanti.

JOHON 12:26

Tu ang mi kei kasepa thojotmi an om inko, na jui rase u, kei kaomna mun han kasuakngai om an om rang ani hale ka pa ning om ka suakngai ha manrit nati.

JOHON 3:33

Tu a chang innom ama chong alui mi han Pathian hi adik ani tia a man dikjui.

ROM MINGAI JIANG PAUL NING A JIAK CHITHI 6:22

Tak-ha a tunko siatna tenna a na hong ma sua jui jarra Pathian suak ha an na man chang jarra thiang na ha tum na rang an khat om a mong na ha ko ator ti buija ring na ha tum rang nan ni.

MANJETNA 13:16

Sa ning, a sin a lian, a riang a nei kan chong mirakip jiang, an chal la animakle an kut jet thei na rang jet na a lei lui.

MANJETNA 13:17

Tu ang khat ning om hiva ming kan chel luija, sa ming ha an kan chel mak inko chok om jot mak, juor om jot mak.

MANJETNA 14:1

Hava suale kein ka en karra Zion tangbunga belram ha a ngir ka mu, ama le mi lakh an khat le lising sommanli leimanli an om, an chal la ama mingle an pa ming ha an lui jiak.

MANJETNA 14:9

An thum chang na thaneithiang ning a rapa hale anni chang na ha a juia a ti; “Rasa a ringa tu ang khat ning sale aramilla chubei a buk ngai han an chal la animakle an kut jet na an choi, a mun ko,

MANJETNA 19:2

A man chong hi adik a jen, ama ning numei chukluinu omchan ha jot mak, ramuol hi a man a chur a omchan salui han, Puma ning a man pong ajarko ama ning Pumma suakngai ha alui that.”

MANJETNA 20:4

Kei ning reng ong na mun ha ka mu, hava mun na a omngai jiang ranak le lian na ha a pek, chong jenna ranga hale kein Jisu ruija le Pathian chong an ri jarra an that mingai thavang ha kein ka mu, anmani ning sale mi ramil ha chubeibuk ma u, hale an challe an kut han nom sa ning jet na mun khat jak om lui om mak, anmanin an hong ringret, Jisu le kum lising khat reng a changa a om.

MANJETNA 22:4

Anmanin Puma mai suo ha mu nanti, hale Puma a ming ha an chal la jiak pe nati.

MANJETNA 6:6

Jiba manli karra rasa khat ning a ti, ka jet, gehu ser an khat hi, sun khat lo man ani, barly Ser an thum hi om ni khat lo man ha ani, tak-ha manmang maro thai le, darkha tui ha.

MANJETNA 7:1

Hiva suale kein ka mu thaneithiangngain ramuol aki manli hin phaivou an chur, han phaivuo lui rang mak, ramuol hin nom, tuionglian hin nom, hale thing kung hin nom,

MANJETNA 7:2

han kei ning thaneithiang a dang khat nisua thianga a hong pa han Pathian sil alui kan nam, a man rasa ringa alui hong khek Puma ming ramuol manmang torna ranak a pek ngai jiang alui kui.

MANJETNA 9:4

Anmani jiang a ti pe ramuol la a om ramsulle thingna lungna rakip hi manmang jot mak, tak-ha ramuol la a om miring rakip, Pathian sil choilui ngaiha ko man mangru.