MANJETNA 3:21 - Rabu Athar New Testament (BSI)

²¹ Kein hivahi ka torna ka pa reng ong na mun na kiong anga hiva a tor mi ngai ning ka kol la ki man ong rang ke, ka reng ong na mun han.

MANJETNA 3:21 Iomraidhean Croise

MATHIU 19:28

Han Jisun anmani jiang a ti, “A thianga kein nang ni jiang kati; Mi Pasalnai in ama mahok na ongna han a ong pha, hava mirual sung han; kei anajui nang ni om reng ong na somleinia nan ong rang ke, hale Israel jat somleini jiang chongtan nati.”

MATHIU 25:21

Apuman ama jiang a tam a satjui; takngai jot le asat suak, nang ko phur atomtet han nom takngai rang na om jarra, kein nang ha phurtam tak en na kan na man nei rang ke, na Puma ningsat na sunga hong lut taro a ti.

MATHIU 28:18

Hava suale Jisun a hong anmani jiang a hong ti, “Vanram le simlei chunga torna rakip kei jiang an napejui.

LUK NING A JIAK CHONGSAT 22:30

Nang nin kei le bukheng an khat kan bansuam rang ani, hale nang nin Puma ong na mun han ong nan ta, Israel phung somleiningai vaihom rang nan ni.

JOHON 13:32

Han Pathian lianpui na ha amaten ava kando inko, hale Pathian miring pasalnai ma hok lianpuina a hong kando inko, han a man arak a vakando rang ani.

JOHON 16:33

Nang nin ka pa tenna lunghip lungdai nan mu na rang, kei nang ni jiang kanarijui; ramuol la pong khodeng nan thei tak-ha nan ning sattaru! kein ramuol hin ral ka tor jui.”

2 TIMOTHI 2:12

keini ning kan dui a chang inko keini hi ama lianna han kan la lian rang ani, kein in a mahi kan jot mak inko a man nom keini hi na jot noning.

MANJETNA 1:6

Hale ama Pa Pathian rengram chuan tho ngaiha, a na manchang jui. Jisu Khrista jiang mahok nale ranak rat na ha pha rakip hin om rase, Amen.

MANJETNA 12:11

Anmanin ama ha belram thisen le chong dik jarra ral tho torna alui nei, anmanin an ringkhuo ngaiha thina rang khan na an kan pek.

MANJETNA 17:14

Hiva ngai ning belram chunga ral tho nanti, tak-ha belram han tor nati, ajarko kan puma ama ko renga reng chung nung, puma ama ha ani, hale Puma ning a kan ruai pui, athang suak, hale ama jiang takngai rakip ning om an tor.”

MANJETNA 2:7

a kuor a om mingai ning ngai rase u, Thavang Thiang in biakrupngai jiang a ti, hava rakip ha atorra a hong ama ha ring na thing kung ha ki pek rang ke hava ha Puma rahuan na a om.

MANJETNA 20:4

Kei ning reng ong na mun ha ka mu, hava mun na a omngai jiang ranak le lian na ha a pek, chong jenna ranga hale kein Jisu ruija le Pathian chong an ri jarra an that mingai thavang ha kein ka mu, anmani ning sale mi ramil ha chubeibuk ma u, hale an challe an kut han nom sa ning jet na mun khat jak om lui om mak, anmanin an hong ringret, Jisu le kum lising khat reng a changa a om.

MANJETNA 20:6

A rapatak a thi ngai karra a hong thui khir ngaiha, ravansat ha anni. Anmani jiang veini thina ha om lai no ning, anmani ha Pathian le Jisu chuan tho ha ni nati, anmani ning ama le kum lising khat vai hom nati.

MANJETNA 5:10

Nang in anmani hi a thiang Pathian rengram chuan tho ngai na man chang jui.”

MANJETNA 6:2

Kein ka en karra sekor ngui khat a om ama ha ruphel mahok na lu hup ham alui pek, ama ha a tor pa khat anga a om, hale ama ha a tor pa ani.

MANJETNA 7:17

Ajarko a reng ong na mun a laija a om belram ama ha belramsel ham ani, hale a man mingai ha ruai nati, hale amongtibui ring na pek nati, hale an mit tui rakip ham a man not pe rang ani.”