MANJETNA 22:11 - Rabu Athar New Testament (BSI)

¹¹ Pathian chuan tho lui ama han hangahan om rase, a chok ama han hangan chok om rase, hale Pathian chuan tho ama han hangan chuan sat ha tho rase, hale a thiang ama han a thianga om rase.

MANJETNA 22:11 Iomraidhean Croise

MATHIU 15:14

Anmani om rase u, anmani mitdelngai lamkei ke anni; hale a mitdel in mitdel ha an kan keiruoi inko, an ninia khurra an chul rang ke.”

MATHIU 21:19

Hale lam sirra om theichang kung ha a mu, a man hava mun han alui hong, tak-ha ana nilui a dang lui mu demak, hale a man a hong ti, “Nang jiang a phat rakip a ra nei lui ha nita rase,” hale hava phat lai tak han thei chang kung ha alui char jui.

MATHIU 25:10

Hale anmanin hongchok ranga an che kar han, muipa alui hong jui; hale an lui kan ning anmanin, ama le an kanruoia mui ruoi na han an lut jui; hale kot ha an kharjui.

MATHIU 5:45

Han vanram ma om nan pa a naingai nan chang na rang ani, ajarko a man a saluingai le asatngai rang om ni a man sat hale mi dik le midiklui rang om ruo a man thosuom.

MATHIU 5:6

Pathian ning a dei a tho ngai ha ravansat anni; Pathian ning an lungdo a mantungpe rang ke!

JOHON 8:21

Jisun veikhat anmani jiang a luitiret, “Kei cheretrang ka ni, nang nin kei natok nanti, tak-ha nang ni nan siatna jarra thinanti; kei ka chena mun han nang ni chetor hongtor noni che u.”

EPHESIA 5:27

Puma Pathian a tak tak om na a jot na ranga apo, a kiak, akui, ite om luia athianga asiak jui.

KOLOSIA 1:22

Atunko, puma madonna mi thiang a chok bui, man kan lian na nei lui, puman miring anga a na thi pe jarra kan betai na ha nan nei jui.

2 TIMOTHI 3:13

Chuan siat tho mingai ning an chuan siatna tenna phut a khel la chuan siat ha an tho de, mingai ning, midangai ha an lui huang hale an tak tak om an kan huang ani.

JUD TENNA CHITHI 1:24

Atunko, nang ni kutsui kesui, na man nei lui ranga a na om pui ningsat a nan lungdo tung nga ama mai kunga, lianpui tak an na man ngir tor.

MANJETNA 16:21

Lung anga angar rial a lian a lian ning mi chunga a hong chul, rial ning a deng mingai han a nat pe reija Pathian ha kho khong na an lui ne i.

MANJETNA 22:3

Khopui sung han Pathian kho khong a tung mi om ma u, Pathian ong na mun le belram jak khopuija om nanti, han mingai ning Puma chubei buk nanti.