MANJETNA 2:14 - Rabu Athar New Testament (BSI)

¹⁴ Tak-ha nang ni chunga kein ka jot lui aviar a om, nan karra Balaam a chong jui aviar nan om Balaam ning ijamo mingai ha a ruai rang, siatna lampui han chak na nek na an nei, kut sin Pathian chubei an buk, hale taksa hui na ani lui omchan han an che.

MANJETNA 2:14 Iomraidhean Croise

MATHIU 18:7

Kutsui kesui a om jarra, ramuol hi pong khodengthei na ani; ajarko hiva rakip hi hong nati; tak-ha kutsui kesui amanshuak ama ha pong nati!

TIRLON 15:29

Hava jarra, kut a sin Pathian jiang an khat rakip, le thisen hale ani ninga kan khit that sha, chak maru; hale lung kan chur torlui rakip tenna a lak omru, hiva rakip hi nang nin asat nan tho aninko nang in iranga asat ha ninati, “Nang ni jiang a hui ha ni rase.”

TIRLON 21:25

Aninnom jatdangngai karra takngai mingai ranga, an chena rang omchan kein in kan tir jui tiko; kut sin Pathian jiang an kat phur, thisen chak, a kan khit that a thisa a salui lungdo nei hiva rakipngai hi tho maru tia kein in kan tipe jui.”

ROM MINGAI JIANG PAUL NING A JIAK CHITHI 11:9

David ning a ti, anmani nek le chak ha kuai ling le changtar hale kutsuikesui nei na rang le pong khodengthei ha anmani rang nita rase.

ROM MINGAI JIANG PAUL NING A JIAK CHITHI 14:13

Keinin ankhat le ankhat ha veikhat chong kan jen laimarei, hanek inko an khat le an khat ulenaingai lon na lam ma kutsuikesui nei na rang phur tet mak na ranga kan lung sunga ngaidon rei.

ROM MINGAI JIANG PAUL NING A JIAK CHITHI 14:21

Me chak ju in han na u nanaingai kutsuikesui neimak na ranga thoru.

ROM MINGAI JIANG PAUL NING A JIAK CHITHI 9:32

Iruija mo? Ajarko anmanin takngai jarra dik na ha tok ma u, tak-ha chuan na lam an lui tok, anmanin lung chunga kutsuikesui na an nei.

1 KORINTH 1:23

Keinin Jisu Khrista ha khros chunga alui thi tia kan lui ri ha Jiwngai ranga lung thak na aluini, jatdangai ngai rang lam a nem na bui chong aluini.

1 KORINTH 7:2

Tak-ha an tak an kan chur tor mak aninko, pasal rakip ning an lomnu om rase, hale numei rakip ning om an lampa om rase.

HEBRU 13:4

Luhuong inn nei hi mirakip ning chit jak na nei rase u, hale sang ram a chang ngaiha an khat le an khat tak kan ngai chang rase u, mi chuk lui le omchan adik mak tho ha ko Pathian in chong a tan rang ke.

1 PITAR 2:8

Chong thiang mun khat hin a ti, hiva lung hin mi kan lum na khat a man chang, ajarko anmani ning an kan lum na hin Pathian chong ha tak a luingai lui jarra ani, hiva ngai hi Pathian lungdo ani anmani ranga.

2 PITAR 2:15

Anmani ning lam adik ha an mak a Balam a nai Beor a lam pui ha an ro jui, ama ning adik lui chuan tho a peisa an lui dei.

JUD TENNA CHITHI 1:11

Anmani ranga pong khodengthei a om! Ajarko anmani ning ken a nuk lam an jui jui, Balaam chunga lam mo an lui pek, anmani ha ruphai an dei anga hava lam tiang an che jui, kora, ning a rang rat, mi sa mak anni jarra i mang pui ang han, anmani om an mang jui.

MANJETNA 2:20

Kei ning hivahi jot making, numei Jezebel nek nan khang thei, tak-ha a man Pathian chong sem ka ni a kan ti bak a ama a chong sem hin ko ka mingai hi ani lui le taksa hui na lam hin a man che jui, hale kut sin Pathian ha chubei an lui buk.

MANJETNA 2:4

Tak-ha kein nang hi na lui jet making, a tunko nang in a rapa anga na lungsiat lai ma che,

MANJETNA 21:8

Tak-ha a chuk lui ani lui chong ri mi that omchan salui ache, ani lui kut a sin phur chubei a bukngai rakip ko amongtibui mei khurra om rang anni, hivahi veini tung na thina ha ani.”

MANJETNA 22:15

Tak-ha ani lui atho mingai le omchan salui ache mi khat, kut a sin Pathian chubei a buk le leisei tho, hava mingai ha ko, khopui va ralla om nanti.