MANJETNA 2:13 - Rabu Athar New Testament (BSI)

¹³ Kei ka jet nang hon mo na om, hava han seitan ning ama reng ong na mun na a ong nang hi adik ha na ni, kei jiang tak na ngai na ha la man mang ma che, seitan ning a leng na mun na, nan madonna an that kei ka shakhi chang tak ana ngai Antipa phat lai ten nam kei jiang tak nan na la ngai.

MANJETNA 2:13 Iomraidhean Croise

MATHIU 10:23

Tak-ha anmanin nang ni ha hiva khopuia khodengthei na an na pek inko, a dang khat thianga tanru, ajarko kein nang ni jiang a thianga ka na tia ni, mi pasalnai ha ahongma nang nin Israelngai khopui lim lui tung noni che u.

MATHIU 24:9

Hava han anmanin nang ni ha pong khodengthei na penanti hale nathat nanti, hale jat rakip in ka ming jarra nang ni ha na matir nanti.

MATHIU 4:10

Han Jisun ama jiang a ti, “Chetaro seitan, ajarko, hingahin a kan jiak sake, nang in na Puma na Pathian jak ha chubei na buk rang a suak.”

LUK NING A JIAK CHONGSAT 21:17

Hale nang ni ha mirakip ning kei jarra na matir nanti u.

TIRLON 22:20

Hale nang na shakhi chang Stephan a thisen an man suak lai han nom kei om a sirra ka ngirra ka lui kan chel, hale ama a thatngai an puon an diar om ka lui ngak pe ani.

TIRLON 9:14

Hale hivahin nang na ming a kui mingai ha khit na ranga thiampulian tenna ranak ha a hong nei jui ahong mu jui.

1 THESSALONIKA 5:21

Tak-ha i rakip hi dan enru asat ha a rak a churru.

1 TIMOTHI 5:8

Tu khat ning a inkuo mingai a en mak aninko hale a insung mi tak a en mak aninko, ama ning Pathian ha tak la ngai mak, hale Pathian jet lui mingai nek a ama lam sa det mak.

2 TIMOTHI 1:13

Kein adik chong lam ha ka na ri ani, asat a luiru nang ni ning jui thei na ranga thoru hale takngai le lungsiat han keini Khrista jiang om rei.

2 TIMOTHI 2:12

keini ning kan dui a chang inko keini hi ama lianna han kan la lian rang ani, kein in a mahi kan jot mak inko a man nom keini hi na jot noning.

HEBRU 10:23

keinin kan lung ngampui ha a det otit rei, ajarko chong shakhi a na pek pe Pathian ha takngai rang a om tak ani.

HEBRU 3:6

Aninom Khrista ha Pathian in sunga put ranga takngai jot nai an khat ani, keinin kan ngaidon na chunga tak kan ngai le kan ningsat na jak ha a torna tunga kan otit inko, keni hi a inn sung kan ni.

JEMS 2:7

Mi kan chong ngai ning Pathian a pek ming asat ha esella an ri ani.

MANJETNA 1:5

Hale Jisu Khrista tenna ama sat a thi ngai ha thui nanti, hale a man ramuol chunga rengpa la ni nati; a man keini hi a na lungsiat jarra a thisen tenna keini ana rasuk.

MANJETNA 11:3

han kein shakhi anningai jiang ranak ka pek rang ke, ruia kan khit nan ta nikhuo lising khat le riani som ka ruk hi Pathian chong ha an la ri rang ke.”

MANJETNA 12:11

Anmanin ama ha belram thisen le chong dik jarra ral tho torna alui nei, anmanin an ringkhuo ngaiha thina rang khan na an kan pek.

MANJETNA 13:2

Hava saha ram ui anga a ti, a ke lam Sa vom anga, a bai ko sabakkai anga ani, ri reng ama ranak ha sa ama jiang alui pek, ama a lian nale a torna rakip ham a pek de jui.

MANJETNA 14:12

Hin mi thiang ngaile Pathian chong rakip hale Jisu ha tak a ngai mingai khang thei na ha om nati.

MANJETNA 17:14

Hiva ngai ning belram chunga ral tho nanti, tak-ha belram han tor nati, ajarko kan puma ama ko renga reng chung nung, puma ama ha ani, hale Puma ning a kan ruai pui, athang suak, hale ama jiang takngai rakip ning om an tor.”

MANJETNA 17:6

Hale Pathian mingai thisen han a ruia a om numei khat kein ka mu, hale mingai jiang hava thisen a suakna ajarko Jisu chong ri an lui jui jarra an lui thi ani.

MANJETNA 2:2

Kein ka jet “Nang in imo na tho, chuan tho hi iduk a tat mo ani, hale iduk khang thei mo na lui ni tihi.” Nang in mi salui ngai ko jot tor ma che, hale nang in na jet, Pathian tirlon kan ni an lui ti, tak-ha Pathian tirlon ko lui nima u, nang in anmani ha mi leisei anti tia na jet.

MANJETNA 3:11

Kei a rak hong rang ka ni nan takngai na lu khu asat otitru, tu khat ning om nang ni tenna ruktor noni u.

MANJETNA 3:3

Nang jiang ka na manjet ngaiha ngaidon khir taro, imo na jet ha juiro, na siatna ha mak nang na thui mak aninko kein a ruk anga ka hong rang ke, ka hong rang a pha nang in jet noni che.