MANJETNA 12:9 - Rabu Athar New Testament (BSI)

⁹ Ri reng a lian pa tak-ha vanram tenna an hong ma sul jui, ama ha seitan anti ha ani, ama jiang ramuol pumpui pong na ranak ha a nei, ama le ama nuk jui le thaneithiangngai le an renga ramuol la an hong ma sul jui.

MANJETNA 12:9 Iomraidhean Croise

MATHIU 13:39

Mi enlalla avorpu ha ning seitan ha ani, rasik pha ha ning ramuol torna ha ani, hale a atngai ha ning thaneithiangngai ha anni.

MATHIU 24:24

Ajarko Khrista mel pu a tashanthei kanlem hong suak nanti, hale anithei inko thang suaksa tenna a le lam tiang ruoi na rang jet na a lian tatak le a ngak a ngak pa do nanti u.

MATHIU 25:41

Hava han a man aveitianga a omngai jiang hong ti nati, kho khong na tungngai kei jiang tenna che u nang seitan le ama thaneithiangngai ranga an lui varsha athitibuimei khurra che taru.

MATHIU 4:1

Hale, Thavang ning Jisu ha ramtong lian na seitan ning mathemna rang a tuang jui.

MATHIU 4:10

Han Jisun ama jiang a ti, “Chetaro seitan, ajarko, hingahin a kan jiak sake, nang in na Puma na Pathian jak ha chubei na buk rang a suak.”

MATHIU 4:5

Hava suale seitan in Jisu ha a thiang khopui han a tuanga, hale biakinn chungshang tak han a man ong.

MATHIU 4:8

Veikhat seitan in Jisu ha tangbung shang tak khat chunga a tuanga, ramuol chunga rengram le ma hok lian na a man mu.

LUK NING A JIAK CHONGSAT 10:18

Han Jisun anmani jiang alui ti, “Vanram tenna an phut kolkanlet anga seitannin ramuol la a hong chul kan mu.

LUK NING A JIAK CHONGSAT 13:16

Enru; hiva Abraham anainu hi ko kum somlei ka riat Seitan ning alui khit, hivahi pong kan sak nikhuo hin sutmo jot mak?”

LUK NING A JIAK CHONGSAT 22:3

Thiamruoi somleini karra Iskariot antipa Juda om anti ama chunga seitan alui lut jui.

LUK NING A JIAK CHONGSAT 22:31

Simon, Simon enro seitan ning a satlui ngai tenna asat ha senkhui ranga cham ha a mu jui.

LUK NING A JIAK CHONGSAT 8:12

lampuia a chul chimuruha Pathian chong ko a jet, anngaiom an ngai, tak-ha seitan ning an lung sunga a lut Puma chong ha man lut pemakna a thope ani.

JOHON 12:31

Atunhi ramuol chunga chongtan na rang le vaihompa deng juan napha ani.

JOHON 14:30

Kein nang ni jiang a sot ri lai noning, ramuol vaihompa honga kei jiang ranak na pek laima.

JOHON 16:11

Chongtanna chung changako, ramuol la vaihompa ning chong a tan jui ani.

JOHON 8:44

Nang ni nan pa ko Seitan hake ani, hiva jarra ama lungdo ha nang nin nan jui; a phut lai tenna a mako mi thatke ani, hale adik natianghan om mak. A ma jiang adik na ha om mak, a man a tho na rakip leisei jak a ri, ajarko leiseipa ani jarra, leiseiri rakip rang om an pa ani.

TIRLON 26:18

Anmanin a jing kar tenna a var han, seitan ranak tenna phut Pathian jiang, an hong kanheija, an siatna rakip ngaidam na, hale kei tak an na ngai jarra thang suaksangai karra mun an mu na rang, kein nang hi anmani mit ha longpe na ranga anmani jiang ki na tir ani.

TIRLON 5:3

Han Pitar ning a hong ti, “Anania, nang in thavang thiang jiang leisei rinarang le ram na juor a man ha herkhat thup na ranga, ijarra mo seitan ha na lunga nimanship?”

ROM MINGAI JIANG PAUL NING A JIAK CHITHI 16:18

Ajarko ha ang chat mi ngaiha keini kan puma Khrista a suak nima u, anmani ko an von rang jak ke, Hale an chong ri thei an chong hui han mi chamngai lung ha an huang ke.

ROM MINGAI JIANG PAUL NING A JIAK CHITHI 16:20

A pha bongkhat a om le lunghip Pathian ha ning seitan ha nang ni nan ke kunga manbok nati, keini kan puma Jisu Khrista manrit na ha nan chunga na om pui chak rase.

2 KORINTH 11:14

Ngak maru! Seitan a tak tak ning om Thavang avar anga avar tor!

2 KORINTH 11:3

Tak-ha kein ka chit rul ning Eve jiang alui huang anga, nang nin Khrista jiang lung lut a nan om ha asalui ning na manmang ma rase.

2 KORINTH 12:7

Hale kei jiang ana manjetna chunga a sanga chong lian chong lian ka ri mak na ranga ka tak sunga seitan ning ling khat ana pek jui, kei khodengthei nale chong lian ri mak na ranga ani.

2 KORINTH 2:11

Seitan ning keini chunga a salui hin ana manchul mak na ranga kei ning Seitan chuan ha jet lui tho ma rei?

2 KORINTH 4:4

Hiva mingai ning takngai na luinei ma u, ajarko kut a sin ramuol pathian in an mit a man jingpe. Pathian tenna a hong avar han an mit leiman varmak. Khrista tenna a hong chongsat ha Pathian a tak tak chong ha ani.

EPHESIA 4:14

Hale keini hi rothi phaivuo ning amun khat le amun khat a choi tor nai pangngai anga nima rei. Kan lung det a om rei mi saluingai ning ani lui lam ma man kan tuang maru.

2 THESSALONIKA 2:3

Tu khat ning om hiva ruia man kan huang maru, ajarko kansual kanse a salui chuan rakip ramuol la asuak suale siatna a tho mingai seitan nai ama ha ila kando rang ke.

1 TIMOTHI 2:14

Hale chuan salui ha Adam ning lui man tho mak, numei ama ning chuan salui ha alui tho man hale Pathian dan ha a man a man kui.

2 TIMOTHI 3:13

Chuan siat tho mingai ning an chuan siatna tenna phut a khel la chuan siat ha an tho de, mingai ning, midangai ha an lui huang hale an tak tak om an kan huang ani.

HEBRU 2:14

A man naipangai a ti ha, miring taksa le thisen choingai a ti jarra, Jisu ama tak han anmani anga an khat a hong changa, miringai a hong chang hale thina ranak neipu seitan ha a torna rang a man hangahan a hong thi jui.

1 PITAR 5:8

Ka ning theiru, en chakru, nang ni ana manmang jot seitan ning a chea, nong sha ning a khek ang han a khek a om, tu ang khat manmang ranga a en na a om.

1 JOHON 5:19

keini ko Pathian ta kan ni; han ramuol pumpui hin a satmak an khat ning vai ahom nuai a kan om ani tihi keini ning kan jet.

JUD TENNA CHITHI 1:9

Hava ang han thaneithiang Ulian Maikal ning om seitan le an kan sual lai Mousi tak sa ha an kan chua, Esella a ri jarra a chunga a man ranak lui nei mak, han puma ning ama ha man chu ta rase tia alui kan jiak.

MANJETNA 12:12

Nan ning man satru, nang ni vanram ma a omngai ranga i duk pong na mo i ni rang ramuol la a om ngaile tui pui chunga a omngai rang, seitan ning ramuol la a hong chum jui, ama ranga phat a bong khat jak a om jui tia lung thak tak a hong jui.

MANJETNA 12:3

Van chunga hin a dang pong na khat ala kando ret, ri reng khat pum sen na a sen na alu sari le a raki som a om, lu khu rakip chunga lu khu alui om.

MANJETNA 12:7

Han vanram ma ral a hong suak Micheal le ama thavang thiang ngai ning ri reng jiang ral an tho jui.

MANJETNA 12:8

Ri reng ning ral a tor mak jarra vanram ma om jot lai mak.

MANJETNA 13:14

A ma ning ramuol la a om mirakipngai ha a onga, a ngak pa rakip ha a rapa sa madonna a tho, han sa han anmani jiang a ti, chem ma an lui that a hong ring khiret sa chitlejak na ranga kut a sin Pathian ha sinru a ti pe.

MANJETNA 16:14

Anmani ning bhut ngai thavang jarra a ngak pa an lui tho, hiva thavang an thum ngain reng rakip jiang an lui che, hale Pathian nikhuo a tor nikhuo han ral tho na ranga anmaningai ha an hong kui khom ani.

MANJETNA 18:2

A man rasa ringa a hong khek a hong chul! “Babilon a lian na a kui jui hale thavang saluingai om nale thavang saluingai le ma tirrang om tak vatengai om na mun lam a chang jui.

MANJETNA 18:23

Nang ni jiang vei khat thai mei var ha mu lai noni che u, nang ni ning mui ruainu le mui ruaipa rasa ha jet khir ret lai noni che u, nang ni lal uol mingai ning ramuol chunga a tor pa nan ni rang ke, nang ni ning ani lui nan tho doi han ramuol la mirakip nan lui huang jui.

MANJETNA 19:20

Sa ngaiha pong na mun han an tuong ani lui chong ri ngaile kan ruaia anmanin a ngak pa chuan ngaiha ama madonna an tho, hava chuan ha sa ning a jet na ranga a om mingai le kut sin phur chubeibuk ngaiha an lui tuang jui, anmani ha amongtibui mei khurra an lui thun jui.

MANJETNA 2:13

Kei ka jet nang hon mo na om, hava han seitan ning ama reng ong na mun na a ong nang hi adik ha na ni, kei jiang tak na ngai na ha la man mang ma che, seitan ning a leng na mun na, nan madonna an that kei ka shakhi chang tak ana ngai Antipa phat lai ten nam kei jiang tak nan na la ngai.

MANJETNA 2:24

Han Thiyatira hin a om mirakip ning hiva ani luija chuan hi lui jui ma u. Nang ni seitan lung rilla an tho chuan hi la jet ma che u, kein nang ni jiang na ti rong, nang ni chunga kein phur rik i te na pek noni king,

MANJETNA 2:9

Kein na khodengthei na ha ka jet, nang hi na riang tak-ha a thianga nang hi na nei! Kein ka jet a satlui mingai ning nang jiang an ri; Jiw kan ni anti, tak-ha nima u anmani ko seitan karra an om.

MANJETNA 20:10

Mi huang khonam ha amongtibui mei khurra an lui thun, han ani luija Pathian chong ri ngaile sangai ham an thun ani, hava mei khur han jan le sunna an pong theng pet.

MANJETNA 20:8

Hale a man che nata ramuol aki manli a om jat rakipngai hong tuang nati a mun rakip a a omngai ha mun khat da siak nati, ama ha Gog Magog ani, khonam ning an renga ral ranga hong khom nati. Tuionglian na a om leidi ang khan tam nanti.

MANJETNA 3:9

keini Jiw kan ni tia a omngai ha leisei anni, hale seitan jiang a omngai ha anni, hava ngaiha kein nan ke nuaija chubei ki na man buk rang ke, ka na lungsiat na hi anmani ning an la jet rang ke.

MANJETNA 9:1

Han thaneithiang ranga chang na pa ning pengkul a tum karra kei ning ka mu, vanna arsi khat hi ramuol la a hong, hale ama jiang amongtibui mei khur chabi a pek jui.

MANJETNA 9:20

Hava ripur ngai ning ala manmang lui miring ngaiha, an siatna tenna la hong kan hei ma u, anmanin seitan chubeibuk ha la bang ma u, hale kut sin Pathian sana ruphai thing kung ngaiha sing sat thei ma u, chong ri tenna thei ma u.