MANJETNA 12:10 - Rabu Athar New Testament (BSI)

¹⁰ Han kein vanram ma rasa a ring khat ka jet, a tun ko san ring na ha a hong jui, a tun ko Khrista ama a rat na han keini jiang a na man mu, ajarko keini ulenaingai jiang a na man pong sun le jan na Pathian kolla ngir ama ha vanram tenna an hong ma sul jui.

MANJETNA 12:10 Iomraidhean Croise

MATHIU 26:64

Jisun ama jiang a ti, nang in na ti jui, aninom kein nang jiang kati, “Hiva suale Mi Pasalnai naining ranak nei achang tianga a hong hale vanram shumphai chunga a hong ha nang nin nan mu rang ke.”

MATHIU 28:18

Hava suale Jisun a hong anmani jiang a hong ti, “Vanram le simlei chunga torna rakip kei jiang an napejui.

MATHIU 6:10

Na rengram hong rase, vanram ma na lungdo tung ang han ramuol la hong ni rase.

LUK NING A JIAK CHONGSAT 11:2

Han Jisu ning a luisang, nang nin Pathian jiang nan lam karra hingahin tiru, “O a pa Pathian na ming a thiang ha nirase, na rengram ha hong tung rase,

LUK NING A JIAK CHONGSAT 22:31

Simon, Simon enro seitan ning a satlui ngai tenna asat ha senkhui ranga cham ha a mu jui.

1 KORINTH 5:4

Puma Jisu Khrista minga hava a salui tho mi chunga, nang nin nan kan chun karra, ka thavang om nan karra a om Jisu Khrista ranak le kan ruaia.

2 KORINTH 12:9

Tak-ha a man kei jiang a luiti “Kein nang chunga lungsiat theina ka nanei han nang rang ko ajot jui ajarko kei ranak ning na sual rakip ha a man rat jui.” Kein Khrista jiang ningsat tak a ka sual na hin ka manpak rang ani. Ajarko Khrista ha ka sunga a om chak.

TITAS 2:3

Hingahin numei tar ngain nom an nun chan na Pathian chit le kan ruaija, siatna bule ju suak chang lui, asat tianga manchu thei an chang rang asuak.

1 PITAR 5:8

Ka ning theiru, en chakru, nang ni ana manmang jot seitan ning a chea, nong sha ning a khek ang han a khek a om, tu ang khat manmang ranga a en na a om.

MANJETNA 11:15

Hava suale thaneithiang sari chang na pa ning, pengkul a tum karra vanram tenna rasa a ring khat a hong suak a ti, ramuol rakip hi kan puma ama jiang a om jui, hale ama tirlon Mesaia ha ning amongtibuia ramuol la reng chang rang ani jui.

MANJETNA 2:26

Hiva rakip a tor pu ama ha a torna khan nom kei ka dei ha an tho tor rang ani, kei ka pa jiang ka mu ranak ha anmani jiang om ki pek rang ke, anmani jiang thir rui ha pek kata leipak bel ve khui anga an ve khui rang ani, kein jing dai sisor var han anmani jiang ki pek rang ke.

MANJETNA 7:10

rasa a ringa an hong khek, san ring na ha ama a reng ong na mun na a om belram ha ani.