MANJETNA 1:5 - Rabu Athar New Testament (BSI)

⁵ Hale Jisu Khrista tenna ama sat a thi ngai ha thui nanti, hale a man ramuol chunga rengpa la ni nati; a man keini hi a na lungsiat jarra a thisen tenna keini ana rasuk.

MANJETNA 1:5 Iomraidhean Croise

MATHIU 20:28

Hi anga Mi Pasalnai ha ning a tak sepa man kan tho ranga i hong nima tak-ha a man misepa tho ranga ahong ani, hale mirakip masua na man ranga a ringkhuo akanpek ani.

MATHIU 28:18

Hava suale Jisun a hong anmani jiang a hong ti, “Vanram le simlei chunga torna rakip kei jiang an napejui.

JOHON 13:1

Kanna ut nikhuo animak ma Jisun ning a pa jiang a chena rang phathi a nai juiti a jet jui, a man ramuol chunga mirakip alungsiat hi ramuol torna khan na ani.

JOHON 13:34

Atun kein chongpekthar khat ka na pek, an khat le an khat kalungsiatru kein nang ni ka na lungsiat ang han.

JOHON 15:9

Ka pa ning kei a na lungsiat anga kein nom ka lung a na siat, nang nin ka lungsiat na han om chakru.

JOHON 18:37

Han Pilat in ading kelret, han ko “Nang rengko na ni mo?” Jisun a sang, “Reng na ti ha kei kani, hiva ranga kei nai ka hong changke ani, hale adik chong ngirna rang jarra hiva ramuol la kihong ani, adik mingai ning kei ka chong ha an jet.”

JOHON 3:11

Kein a thiang ki na ri ani, keinin kan jet ha kan na manjet keinin kanmuha kan na ripe ani, tak-ha nang nin kei ka chong ri ankhat om luijot ma cheu.

JOHON 3:16

Ajarko Pathian in hiva ramuol hi a lungsiat jarra a pasalnai ankhatjakha ana pek jui. Tu aninnum ama takngai rakip in amangti om noning, tak-ha kum sot ring na nei nati.

JOHON 3:32

A man imusa, i jet sa chong ha a ri, tak-ha tukhatnom a chong lui pe ma u.

TIRLON 20:28

Puma thisen tak in a chok jui Pathian biakinn ha don na rang le vaina ranga, nang ni nan masia le nan renga rup rakip in nan lung manlutru; Thavang Thiang in hava rup rakip lam kairuai ranga nang niha a na manchang jui.

TIRLON 26:23

Khrista ning pong khodengthei na munata, hale athi ngai karra a phutna tak ringkhir ha ama inirangke, han sanring na var ha Jiwngai le jatdang mingai jiang ri manthang nanti.

ROM MINGAI JIANG PAUL NING A JIAK CHITHI 3:25

Atuan laia kan lui tho ha ning Pathian ning a na jet pea ana bang pe jarra a man adik ha ana man mu.

ROM MINGAI JIANG PAUL NING A JIAK CHITHI 8:37

Ha an in nom hiva rakip jarra keini ha a na lungsiat Puma jarra keinin khel la torna ka nei.

1 KORINTH 6:11

Hiva ngaihi nan karra aviar ko an om tak-ha hava ngaiha ko puma Jisu Khrista a thiang Thavang ning a rasuk jui.

GALATIA 2:20

Keihi Khrista le khros chunga ka luithi jui, hale keihi a ringa a om ni lai making, tak-ha Khrista ning ka sunga a ring jui, hale a tunna ka ring taksa ringkho hi Khrista jiang takngai ja a om ringkho ha ani, aman lungsiat tak a aringkhuo hi kei ranga ana pek jui.

EPHESIA 2:4

Tak-ha Pathian ning kan chunga ina lungsiat na hi a mongti om mak.

EPHESIA 5:2

Pathian madonna Jisu Khrista ning thairim hui anga a taksa hi nangni ranga alui kan pek anga nang nin nom lungsiat tak a kan pekru.

KOLOSIA 1:18

Puma ko taksa tianga kanti nom, biakrup lu ha ani, ama ko i rakip karra a rapa ong na mun ha tung na rang hale a thi ngai kar tenna a rapa nai chang a phut na ha ani.

1 TIMOTHI 6:13

Pathian madonna hiva rakip hi tu i pek mo? Hale Jisu Khrista madonna tu ning mo ama chuan hi takngaija pontias Pilat madonna a tho?

1 TIMOTHI 6:15

Pathian ning a phat a kan chalaitak hin, Jisu hi a hong tir rang ke, a torpa renga reng chung nung, Pathian na Pathian chung nung ha ani.

HEBRU 10:29

Ha aninko Pathian Pasalnai ha a nuisova, Pathian chong shakhi thisen thiang ha ama a siatna tenna i man thiang tor ha a man om mak inko? Thavang thiang manrit na ham i jot lui mi ha i duk khodengthei na mo i mu rang ha ngaidonro.

HEBRU 9:14

Hava han adik achang inko, Khrista thisen han a khel la lungdo a tung jui ani, kum sot Khrista thavang a thei jak lungdo tung na khat achanga, Pathian jiang a kan pek ani, kein in a ring chak Pathian nai kan chang thei na rang, animakle chuan an phut kan jet khan na lung hi a thisenin ana man thiang pe rang ke.

1 PITAR 1:19

Ti ko a man tam tak Jisu Khrista a thisen a kan pek hi asat tak belram anga ani.

1 JOHON 1:7

Tak-ha ama hi a varra a om anga, keini om a varra kan om a chang inko, Keini an khat le an khat kan kan chun jui, han a pasalnai Jisu Khrista thisen tenna keini ana rasuk thiang jui ani.

1 JOHON 4:10

lungsiat ha hi ani, keinin Pathian kan lungsiat jui ti ni luia, a man keini ana lungsiat jarra Kan siatna ngai rakip ngaidam na ranga a pasalnai ha a juang tir jui.

MANJETNA 11:15

Hava suale thaneithiang sari chang na pa ning, pengkul a tum karra vanram tenna rasa a ring khat a hong suak a ti, ramuol rakip hi kan puma ama jiang a om jui, hale ama tirlon Mesaia ha ning amongtibuia ramuol la reng chang rang ani jui.

MANJETNA 11:3

han kein shakhi anningai jiang ranak ka pek rang ke, ruia kan khit nan ta nikhuo lising khat le riani som ka ruk hi Pathian chong ha an la ri rang ke.”

MANJETNA 17:14

Hiva ngai ning belram chunga ral tho nanti, tak-ha belram han tor nati, ajarko kan puma ama ko renga reng chung nung, puma ama ha ani, hale Puma ning a kan ruai pui, athang suak, hale ama jiang takngai rakip ning om an tor.”

MANJETNA 19:11

Hiva suale kein vanram kot inn khar a kan long ha ka mu, han sakor ngui khat alui om, hava sakor a chuang pa ha chong ngaile adik anti, adik lam ma a man ral a tho.

MANJETNA 19:16

A thir ruija le a el chunga a ming a kan jiak, reng karra reng chung nung Pathian karra Pathian chung nung ani.

MANJETNA 2:13

Kei ka jet nang hon mo na om, hava han seitan ning ama reng ong na mun na a ong nang hi adik ha na ni, kei jiang tak na ngai na ha la man mang ma che, seitan ning a leng na mun na, nan madonna an that kei ka shakhi chang tak ana ngai Antipa phat lai ten nam kei jiang tak nan na la ngai.

MANJETNA 3:14

“Laodesia biakrup a thaneithiang jiang jiakro,” “Hiva chong hi Pathian a jui adik tho pa ama jiang tenna ani, Amen, ama hi Pathian kut sin rakip karra a phut na ha ani.”

MANJETNA 7:14

“Kein jet making Puma!” Nang in na jet Puma kati, a man kei jiang a ti ret, “Hiva mingai hi khodengthei na tenna a kan sanringa a hong mingai ha anni, anmanin an puan ngaiha belram thi senna an rasuk an man thiang jui.