JEMS 3:17 - Rabu Athar New Testament (BSI)

¹⁷ Tak-ha chung tianga ching na ha ko, ama sat tak a thiang hale lunghip dei, sap le jar chang hi ani; asat kan rol om chil luia, lungsiat nale chuan sat tho na ara a tam tak a sip jui.

JEMS 3:17 Iomraidhean Croise

MATHIU 23:28

Hi ang hin nang nin ma pal tiang ko mingai jiang, mi dik ang han nan man kan mu; tak-ha a sunga ko asat kan rol le dan chong jui lui ning ashiptit.

MATHIU 5:8

Lungthiang mingai ha ravansat anni; ajarko Pathian an la mu rang ke!

MATHIU 5:9

Lunghip kan chamna ranga avarngai ha ravansat anni; ajarko Pathian naingai ninanti!

LUK NING A JIAK CHONGSAT 21:15

Kein nang ni mur sunga chongsat chingna ha ka na pek rang ani, nang ni a na enda ngai ning nator noni u.

LUK NING A JIAK CHONGSAT 6:36

nan pa Pathian ning a na lungsiat anga nang ni om kan lungsiatru.

JOHON 1:14

Chong ha miring ahong changa kan karra a om, ama adik le man ritna, a ship, lianpuinaha kan lui mu. Hava lianpuina hako a lungsiat a pasalnai jak ha ani, hava ha apa jiang tenna anphut amu ani.

JOHON 1:47

Jisu ning Nathanael a kolla ihong ha alui mua ama chung changa chong alui ri, “Enru, adik tak Israel ngaimi khatso, a chunga adik lui ite khat om mak.”

TIRLON 11:24

Ajarko ama ha misat, Thavang Thiang in a sip le takngai mi pasal khat alui ni, han mitam lam Puma jiang an lui hong lut.

TIRLON 9:36

Jopa hin a om a ming Tabitha tina ko dorkas, anti numei tirlon khat alui om, hiva numei hi ning ithona rakip misantheina mang alui tho.

ROM MINGAI JIANG PAUL NING A JIAK CHITHI 12:18

Hivahi a jot thei aninko, nang nin nan tor khan na mirakip le lunghip lungdai ha om ru.

ROM MINGAI JIANG PAUL NING A JIAK CHITHI 12:9

A sat kan rol ha kan chel lui a lungsiat ni rase, a satlui ha matirru, asat ha kua titru,

ROM MINGAI JIANG PAUL NING A JIAK CHITHI 15:14

Ulenaingai nang ni nan tak jiang asat le ching na theina nan mu jui, khat le khat om man kan chu kan tor jui tia kei ka tak khet in nan chong ha takngai na ka nei.

1 KORINTH 12:8

Ajarko mi khat jiang Thavang Thiang in ramuol la ching na alui pek.

2 KORINTH 10:1

Paul kei ning nangni jiang Khrista lung nem le lungdai han ka na mathem. Kein nan karra ka om lai man kan sin na ka lui om, tak-ha nangni tenna ka che le ko chongar ka ri.

2 KORINTH 6:6

Pathian chuan tho khat changa keinin lung thianga, chingtheile, khang theina chuansat tho hale Thavang Thianga lungsiat ha kan nei.

2 KORINTH 7:11

Enru Pathian jiang ning dongna nan mu han athiang mi a rak a ama ami lam ha ana man chang na jui Lungthak han kan khang thei na, chuan salui atho ngai chunga man chuna, asat chuan tho jot na lungdo, irakip nangni ning asuai na om luia nan ring jui.

2 KORINTH 9:10

Hale chimu lingpa jiang chimu apek hale tal chakpa jiang tal apek, pathian ning chimu ham apek atam om aman tampe, hale adik chuansat nan tho ham na man khel pe nati

EPHESIA 5:9

Avar ning imanra ngaiha ko adik, asat, chuan sat, ngaiha ani.

PHILIPI 1:11

Jisu Khrista jarra mi dik chang thei na ara ha asip, Khrista nikhuo han a thianga Pathian lianpui na ha nan mu rang ke.

PHILIPI 4:8

A torna han u le naingai, asat phur manpak rang suak ha ngaidon ru: hale, adik nunchan sat, a thiang lungsiat chitlejak nei rang suak ha nan lung sunga omchak rase.

KOLOSIA 1:10

Nang nin asat chuan nan sin na rakip le, puma lungdo ha jet thei na tianga kan sonru.

1 THESSALONIKA 2:7

Tak-ha kein in lung nem tak a nan karra kan lui om. Nu khat ning a nai jiang a tho anga kan lui tho.

1 TIMOTHI 5:21

Pathian kan chel la Jisu Khrista le thaneithiangngai le, kein nang ni hi kui na ka na nei, hiva chong lam hi juiru, nang nin nan chuan tho na rakip a khat le khat man kan khel maru.

2 TIMOTHI 2:24

Pathian chuan tho ngai ning kan sual jot mak, mirakip le a kan jot a khang thei oja khat ha ni rase.

TITAS 1:15

Mi thiang ngai ranga phur rakip hi a thiang ver, tak-ha mi thiang luingai ranga ko, takngai rang athiang ite khat om ma; hiva jarra an ngaidon nale adik dik mak jet thei na rang an lung a chok.

TITAS 3:2

Tu khat jak chunga esella an ri mak na rang, ni jai tat ha man nimak na rang, mirakip chunga lunghip lung nem achang na rang ripero.

HEBRU 12:11

Keini tanti a na pek pha, keini kan lung a kan nok pha bongkhat ko kan ningsat lai mak, ha a chang innom hava anga man dik na ngaiha nuk ako lunghip lungdai na lo man ringkhuo adik a pek jui.

HEBRU 12:14

Mirakip le kan top thei na rang le ringkhuo a thianga om na rang thoru, ajarko hava niluia tu ten Puma mu tor noning.

JEMS 1:17

Kutchoi pek asat rakip le lungdo kutchoi pek rakip vanram an phut a hong ani; hava ha vanram ma varngai a sin Pathian na an phut a hong ani. A man var ngaiha thul chil lui a man jing luia a man var.

JEMS 1:5

Tak-ha nan karra tu a chang innom ching na tianga a ban sam a om inko a pek rang Pathian jiang a man lam rase, ajarko Pathian in mirakip manrit tak le lungsiat tak a apek ani.

JEMS 2:13

Ajarko lungsiat na nei lui mi ha Pathian in chong a tan pha han lungsiat mu noning tak-ha manrit na a nei mi han chongtan na ranga chit na nei lai noning.

JEMS 2:4

nan lung ngaidon adik mak han, nan karra khodengthei na a man suok nimak mo?

JEMS 3:15

Hiva anga ching na hi vanram tenna a hong nimak; ramuol chunga seitan le a satlui chong tenna ani.

JEMS 4:8

Nang nin Pathian nairu, hale a man a na dep rang ke. E, siat nei mingai; nan kut rasuk thiangru! A sat kan rol ngai, nan lung man thiangru!

1 PITAR 1:22

Nangni ning adik chong ha nan jui jarra nan man kan thiang jui, hale nang ni khat le khat adik khan na kan lungsiatru.

1 PITAR 2:1

Ajarko nangni a satlui rakip, ani lui ngaidon rakip, asat kan rol rakip mi ka lal hale a satlui chong jek rakip bang taru.

1 PITAR 2:18

Nang ni suakngai ning om rengpa chitlejak neiru, anmani jiang nan chit nan jak na ha jet rase u, nang ni asat a ahuia ana tho mi jiang jak ni luia ana man pong mingai jiang om chitlejak neiru.

1 JOHON 3:18

Ka naingai Keini kan mur le kan bai jak kan lungsiat ma rei kan chuan tho han kan lung kan siatna ha do rei.

1 JOHON 3:3

Khrista ning a thiang ang han tu a chang innom Khrista ha lungdo a nei mi ha, ama a bing jak kan rasuk thiang rase.