JEMS 1:22 - Rabu Athar New Testament (BSI)

²² Hava chong nan jet han nang ni chuan tho changru, asat mak man kan tor maru.

JEMS 1:22 Iomraidhean Croise

MATHIU 12:50

Ajarko tu aninom vanram ma om ka pa lungdo a tho mi ha kei ka u, ka nai, hale ka nu ka pa anni.

MATHIU 28:20

Kein nang ni jiang kinabe chong rakipngai ha jui na rang nang nin anmani ha man churu; hale enru a pha rakip hale ramuol a torna khan na kein nang ni ka na ompui chak.” Amen.

LUK NING A JIAK CHONGSAT 11:28

Tak-ha Puma ning a sanga, hingahin an in nom Pathian chong a jet a a jui mingai ha ravansat anni.

JOHON 13:17

Nang nin hiva adik nai nan jet a chuan ha nan tho aninko iduk a ningsat na nang ni jiang om nati!

ROM MINGAI JIANG PAUL NING A JIAK CHITHI 2:13

Ajarko chong pek ha angai mingai ning Pathian madonna adik ha nimak, tak-ha chong pek ha chuan na an tho mingai ning mandik nati.

1 KORINTH 15:33

Nang ni achinga omru, Siatna ha maaktaru, ajarko nan jak na ranga ka ri ani, nan karra Pathian a jet mi mu making.

1 KORINTH 3:18

Nang ni tu khat ning om kan huang maru. Nan karra ka ching tia a kan ngaidon ama ha a pang tak kani ti rase han a maha ching nati.

1 KORINTH 6:9

A thianga a om lui ama ning Pathian rengram mu noning tihi nang nin Jetma che u mo? Nangni kan huang maru, omchan salui, kut a sin Pathian ha chubeibuk maru, mi numei en lal maru.

GALATIA 6:3

Ajarko mi khat ning ka thei det tia a om aninko, a maha ijom la jet mak. A thei jak a akan huang ani.

GALATIA 6:7

Nang ni man kan huang maru Pathian ko nuiso jot mak, ajarko mi ning an ling an ling ha an luak ani.

PHILIPI 4:8

A torna han u le naingai, asat phur manpak rang suak ha ngaidon ru: hale, adik nunchan sat, a thiang lungsiat chitlejak nei rang suak ha nan lung sunga omchak rase.

KOLOSIA 3:17

Puma Jisu jarra pa Pathian ha manpakru, chonga aninom, chuan na aninom, nang nin nan tho na rakip ha puma minga thoru.

2 TIMOTHI 3:13

Chuan siat tho mingai ning an chuan siatna tenna phut a khel la chuan siat ha an tho de, mingai ning, midangai ha an lui huang hale an tak tak om an kan huang ani.

TITAS 3:3

Ajarko keini om, atuan lai mingai ham, ri jui lui, leisei, a dang a dang omchan salui le kum hei ranga suak, kan enda, khat le khat kan ma tir mi ha kan lui ni.

JEMS 1:26

Tu a chang innom mi ankhat in dik na tiang lung lut mi ka ni tia a kan ngaidon an om mo? A man a lei akanchur tor mak inko, ama dik na ha a nemna bui le asa mak ha ani.

JEMS 4:11

U le naingai, nang ni an khat le an khat kan risiat tho maru. Tu a chang innom a u anai a ri siat mi ha dan chunga chong a tan ani. Nang nin dan chunga chong nan tan a chang inko nang ni dan ajui ha ni lai ma che u.

JEMS 4:17

Hiva jarra chuan asat tho rang a jet a, a tho mak mi ha siat nei ani.

2 PITAR 2:13

Anmani ning khodengthei na chuan an tho jarra khodeng man thei rang a suak, ajarko anmani ning sunvara tak sa khop na rang chuan an tho, an man huija an om nang le bu nek chuan na a omngai ha ravan bui anni ajarko anmani ning chuan salui ha an jui.

1 JOHON 1:8

Keini siatna neimaksing kan ti inko keini leisei kan ni, hale kan chunga adik ha om mak.

1 JOHON 2:3

keini Pathian chong pek ha kan jui inko, ama kan jet jui tia kan kan jet.

1 JOHON 3:7

Naipangngai tu khat in nom nang ni siatna na masul ma rase u! Khrista ha adik a chang ang han, tu a chang innom adik tho mi ha mi dik ke anni.

3 JOHON 1:11

Ka lungsiat, ka manrit u le naingai, asat mak nun chan mak in lang asat nun cham ha na lui tho peru, tuang asat chuan tho han Pathian ta ke ani hale a satlui tho mi ha Pathian a la mu lui ani.

MANJETNA 12:9

Ri reng a lian pa tak-ha vanram tenna an hong ma sul jui, ama ha seitan anti ha ani, ama jiang ramuol pumpui pong na ranak ha a nei, ama le ama nuk jui le thaneithiangngai le an renga ramuol la an hong ma sul jui.

MANJETNA 22:7

Jisu ning a ti, “Ngairu!” “kei a rak hong rang ka ni, Pathian chong thiang rabu chong a jui ngaiha ravansat anni.”