JEMS 1:17 - Rabu Athar New Testament (BSI)

¹⁷ Kutchoi pek asat rakip le lungdo kutchoi pek rakip vanram an phut a hong ani; hava ha vanram ma varngai a sin Pathian na an phut a hong ani. A man var ngaiha thul chil lui a man jing luia a man var.

JEMS 1:17 Iomraidhean Croise

MATHIU 7:11

Nang ni mi sa mak nang ni chunga, nan nai jiang kutchoisat pek na nan jet inko; vanram ma om nan Pa ama ningko a lamngai jiang a khel la asat phur mo penoning?

LUK NING A JIAK CHONGSAT 11:13

Hiva jarra nang nin a satlui ha nan lui ninnom nan naingai jiang phursat a pek nan thei aninko, chunga a om nan pa Pathian ning a khel la a lam mingai jiang thavang thiang le kan ruai a ipekrang ani.

JOHON 1:9

Ramuolla ahong mirakip asat varnarang amahi adik avar ha ani.

JOHON 3:27

Johon nin a sang, “Chungvanna an phut Pathian in ihongpek ni lui a mi ha ning i om tho tor noning.”

JOHON 3:3

Jisun alui sang, “Adik tak kirike; tu anin nom a tharra nai a chang mak aninko Pathian rengramma lut tor noniu.”

JOHON 8:12

Jisun veikhat anmani jiang a ti, “Kei ramuol la avar ha ka ni; tu a chang innom kei kanuk anajui ama han ring na a var ha nei nati, hale a jing na mun na om noning.”

TIRLON 11:18

Han anmanin chong hi an jet karra, an om chian na, Pathian ha alian na an mahok anti, Pathian ning a dangjat mingai jiang om limkansirna an neija ring na nei na rang a jot pe jui.

TIRLON 5:31

Israelngai jiang lim kan sir nale siat thiang na pek na ranga Pathian ning ama hi lamkei le san ringpa aman changa, aman a kut chang tiang han a dom sang jui.

ROM MINGAI JIANG PAUL NING A JIAK CHITHI 6:23

Ajarko, siatna lo man ko thina ke, tak-ha Pathian jiang a man buia kutchoi ha ko keini puma Jisu Khrista jiang a tor ti bui ring na ha ani.

1 KORINTH 4:7

Tu ning mo nang ni ha nan kan khel anti? Nang ni jiang a om rakip ha pumman ana pek mo nimak? Ijarra mo Pathian kutchoi ha nan mu bak hin a mu lui anga nan om?

2 KORINTH 4:6

Pathian in a ti a jing karra ka man var rang ke! Hiva pathian hi kan lung sunga avar a na pek Pathian ha ani. A ma lurna ha Jisu Khrista maisuo hin a man var.

EPHESIA 1:18

Nan lung ril mit ham puma jiang a om a var ham mu nanti hale a man ina kui na a jar ham jet nanti, iduk a aman tam mo ini, mithiang ngai ning an mu rang ha.

EPHESIA 2:8

Ajarko puma lungsiat na hin nang ni ana san ring jui, nan takngai na jarra ani, nan chuan tho jarra chang mak, hivahi Pathian kutchoi ani.

PHILIPI 1:29

Ajarko, Khrista jiang takngai na jak niluia, ama ranga pong khodengthei na ham ani; hivahi puma ranga ko nang ni jiang lungsiat na nei na ani.

1 TIMOTHI 6:16

A ma jak hi amongtibui ha ani. A ma ko a var ha ani, tu khat ning om mu tor ma u, ama hi man pakru. Irakip hi ama kut thuaija an om.

HEBRU 13:8

Jisu Khrista ha ko mi jan, ve en ni hale kum sot a anga ngai ani.

JEMS 1:5

Tak-ha nan karra tu a chang innom ching na tianga a ban sam a om inko a pek rang Pathian jiang a man lam rase, ajarko Pathian in mirakip manrit tak le lungsiat tak a apek ani.

JEMS 3:15

Hiva anga ching na hi vanram tenna a hong nimak; ramuol chunga seitan le a satlui chong tenna ani.

JEMS 3:17

Tak-ha chung tianga ching na ha ko, ama sat tak a thiang hale lunghip dei, sap le jar chang hi ani; asat kan rol om chil luia, lungsiat nale chuan sat tho na ara a tam tak a sip jui.

1 JOHON 1:5

Keini ning a Pasalnai tenna kan jet chong ha nang ni jiang kan na manjet ani. Pathian ko a var ha ani. A ma ko a jing ti om chil lai noning.

1 JOHON 4:10

lungsiat ha hi ani, keinin Pathian kan lungsiat jui ti ni luia, a man keini ana lungsiat jarra Kan siatna ngai rakip ngaidam na ranga a pasalnai ha a juang tir jui.

MANJETNA 21:23

Hava khopui ha ni le sortha ning lui var mak, ajarko Puma lianpui na han pum varra a var, belram ama ha ning a var alui ni.

MANJETNA 22:5

Jan nom om lai noning, hale anmanin thai mei var le ni var tokno ni u, ajarko Pathian ning anmani ranga a var ha ani; hale anmanin reng ong na han phat rakip a vai hom nanti.