HEBRU 4:2 - Rabu Athar New Testament (BSI)

² Ajarko anmanin an lui jet anga, kein in nom chongsat ha kan jet jui, anmanin chong thiang ha an jet a chang innom, an jet han an nem na rang i jum tho ma u, hale anmanin chong ha an jet pha takngai le kan ruaia lei lui ma u.

HEBRU 4:2 Iomraidhean Croise

TIRLON 13:46

Han Paul le Barnabas ning thauna sat an ria an hong ti, nang ni jiang ke man Pathian chong hi ri rang a suak, tak-ha nang nin nan kan jet amongtibui ring na tum ranga suak mak tihi hiva jarra enru keini ko a dangjat mi jiang kan che jui.

TIRLON 3:26

Pathian ning a rapa tak nang ni jiang ama asuak ha a hong man suak jui, nang ni nan ma sialna nan siatna jarra mirakipngai ha an lung an hongthul rang han nang ni ravansat na ranga ama ha a hong tir jui.”

ROM MINGAI JIANG PAUL NING A JIAK CHITHI 2:25

Nang ni dan chong pek ha a jui mikhat naninko vuntan ha a khel la asat ke ani. Tak-ha nang in dan chong pek ha a jui lui mi khat naninko nang na vuntan ha an tan lui ang ani.

ROM MINGAI JIANG PAUL NING A JIAK CHITHI 3:3

Ajarko aviar in takngai na an nei mak inko imo ichang rang? Anmani takngaina atom jarra han Pathian ha takngai rang asuak ha ite khat nem nalui mo ichang rang?

1 KORINTH 13:3

Kanei rakip ka pek tor aninom, hale ka taksa mei chunga rovam ranga ka jot nom, kein lungsiat ha ka nei mak inko, kei i om ni making.

GALATIA 3:2

Kein nang ni jiang ka jet jot, nang nin chena dan nan jui han mo thavang thiang nan mu? animakle Pathian chongsat ha manjet da tak na ngai han mo nan mu?

GALATIA 3:8

Pathian chong thiang in ana lui manjet, Jatdangai om takngai na an nei inko a man thiang rang ke hale: “Abraham jiang alui pek Pathian phual rakip ha jat rakip ning mu nanti.”

GALATIA 4:13

Nang nin nan jet, kei ka tak a salui jarra, ka nat jarra a rapatak nangni jiang Pathian chongsat ha ka lui ri ani.

1 THESSALONIKA 1:5

Chongsat ha kein in nang ni jiang kan hong choi, Chongsat jak nilui a Pathian ranak ha adik chong ani tia nang ni le kan lui om lai han keini ijamo kan om tiha nang nin nan jui.

1 THESSALONIKA 2:13

Pa pathian hi ka manpak chak, ajarko chongsat hi nan jet karra Pathian chong ke tia nan lei lui. Hiva hi Pathian chong tak ha ani. Pathian chong han nan sunga chuan a tho jui.

1 TIMOTHI 4:8

Tak sa chuan tho hi asat, tak-ha thavang chuan tho lam ning asat det, ajarko hivahi a tun rang le nuk ranga asat ha ani.

HEBRU 11:6

Takngai na om lui a tu ten Pathian lung man tai na om mak. Ajarko Pathian jianga a hong mi han a ring chak a om, hale ama a tok mingai ha a man ponglo i pek rang ke tihi tak angai chiak rang ani.

HEBRU 3:12

Sap le jar ngai, a ring chak Pathian na an phut tute an kan hei mak na rang, hi ang khan na an lung a samakle an takngai mak na nan karra a om mak na rang kan ning theiru.

HEBRU 4:6

A ma sat chongsat an jet ngai han tak a ngai mak jarra, Pathian le pong kan shak na han an lut mak rang an om ajarko tak an ngai mak jarra ani, aninom a dang aviar ko an lut rang an om.

JEMS 1:21

Hava a thiang mak le adik mak omchan rakip an phut tan deru. Pathian jiang lutru, hale a na san ring tor rang chong nan lung shunga luiru.

1 PITAR 1:12

Pathian ning a luiti hiva rakip hi Pathian tashantheingai lian na ranga nimak nang ni ranga ani, anmani ning an lui ri, nang ni ning a tun nan jet ngai hi, vanram tenna Thavang Thiang ngai ning an hong choija hale Pathian tashantheingai ning an na manjet ani.