HEBRU 4:12 - Rabu Athar New Testament (BSI)

¹² Ajarko Pathian chong ha a ring chak le chuan tho chak ani, chemsei vei le chang a ngei nek a thuk tak a at tor, tak sha le thavang a kan chun na hale sarule a hang sun khui tor, miring lung ngaidon le dei rakip a jet tor ha ani.

HEBRU 4:12 Iomraidhean Croise

LUK NING A JIAK CHONGSAT 8:11

Tetan na kariha hi ani; Chimu ruha Pathian chong thiang ha ani,

JOHON 12:48

Kei tak anatel luia ka chong luijotlui miha, ama rang chongtanna ankhat aom; ramuol la kei kirisuak chong hi a torna nikhuo han chongtan nati.

JOHON 6:51

Kei chung vanna anphut ahong ringna bulom ha kani. Tu a chang innom hiva bulom a nek miha kumsot ring nati. Hale kein ama jiang ki pek ranga bulom ha ka taksa ani, hivahi ramuolngai ring na rang ka pek ani.”

TIRLON 2:37

Atun anmanin hivahi an jet karra, anmani an lung ha a tok reija, Pitar le thiamnaingai jiang an hong ti, “E, U le naingai, keinin imo kan tho rang?”

TIRLON 4:31

Anmanin lam na an nei pha an om na mun ha a hong kan nikjui, hale anmani rakip ha a thiang Thavang ning a sip thauna sat Pathian chong an hong ri jui.

TIRLON 5:33

Anmanin chong ha an ngai karra an lung a nat anmani ha an lui thatjot.

TIRLON 7:38

Sinai tangbunga ama jiang chong luiri thaneithiang hale kan pa kan pungai le kan ruaia ramtong lian na kan chun na mun na alui om, ama ha hiva mihi ani, a man keini jiang na pe ranga ring na chong ha a mu jui a tum jui.

ROM MINGAI JIANG PAUL NING A JIAK CHITHI 1:16

Ajarko kein chongsat jarra jakna nei making, hivahi a takngai rakip ning sanring na muna ranga Pathian ranak ke, a phut na han Jiwngai jiang le Grikngai jiang om ani.

1 KORINTH 1:24

Tak-ha Pathian le Jisu Khrista ranak jarra Jiw le jatdangai ana lui kui ani.

2 KORINTH 2:17

Keini ko Pathian chongsat lal oul mitamngai anga ni masing, tak-ha Pathian chuan sin na lung lut ama ning a chuan sin ranga ana kui ha kan ni. Keini Khrista jiang kan om ma Pathian madonna kan ri ani.

2 KORINTH 4:2

Keinin jak na a om chuan rakip ha kan mak jui, hale mi huang leiseitho masing Pathian chong ham anluija ri masing. Adik lam jak hin keini Pathian jiang kan om hale keini mirakip jiang asat ha kando jot.

EPHESIA 5:13

A satlui rakip ha avarna an hong do karra anmani an omchan le an nun chan ha a hong kando.

EPHESIA 5:26

Biakrup hi puma Pathian jiang pek lut na ranga tuija an rasuk suale Pathian ama chongsat han a rasuk jui.

EPHESIA 6:17

Kum sot ringna chong ha nan lu hup man changru, Pathian Thavang Thiang lam nan chemsei man changru.

1 THESSALONIKA 2:13

Pa pathian hi ka manpak chak, ajarko chongsat hi nan jet karra Pathian chong ke tia nan lei lui. Hiva hi Pathian chong tak ha ani. Pathian chong han nan sunga chuan a tho jui.

1 THESSALONIKA 5:23

Pathian ama lunghip na han nan thavang nan taksa hale nan lung a renga na rasuk rase. Khrista a hong karra a salui ite khat buia lui omru.

HEBRU 13:7

Pathian chong nang ni jianga an na ripengai, lam a keia alui ngaiha ngaidon chakru, anmaningai hongan mo an lui ringa, hongan mo an lui thi tiha ngaidon chak un na, anmani takngai na ha juiru.

HEBRU 6:5

Anmanin Pathian chong ha asat an jet hale, nuk a hong rang ranak rat a hong rang ham an jet jui ani.

JEMS 1:18

A kut sin rakip karra keini ara ma sat tak-ha kan chang thei na rang, chong dik han a lungdo tak keini ha a na hong tuong jui.

1 PITAR 1:23

Nangni hi a tharra nai chang ha nan ni juia mang ranga a che ni luia a mang torlui rang ha nan ni, hivahi Pathian chong nan jui jarra ani,

MANJETNA 1:16

A kut chang tiang han arsi sari an om hale a bai sunga chem ngei khat asuak, hale a mai ham ni var anga alui var.

MANJETNA 19:15

A ma a bai sung tenna chem ngaiha a hong suak, hava chem han jat rakip ha a tor rang ani, a man mingai ha thir ruija vai hom nati, hale a man Pathian a jot lui ju sung na mun ha a sir.

MANJETNA 19:21

Sakor chunga a om pa a bai sung tenna a hong suak chem han hava ral mingai ha an that jui, hale vate rakip ning an tor khan na anmani ha an lui c hak ju i.

MANJETNA 2:16

Nan lung thul taru a tun ko nan lung nan thul mak aninko kei a rak tak nang ni jiang ka hong rang ke, hale ka bai tenna a om chem sei han anmani ha ka manmang rang ke.

MANJETNA 2:23

Hale ama a nuk jui ngai ham ka manmang rang ke. Biakrup rakip ning jet rase u, Puma ning mirakip ngaidon na an jet ti rase u, an tho nuk juia anlo man kein ka man mu rang ke.

MANJETNA 20:4

Kei ning reng ong na mun ha ka mu, hava mun na a omngai jiang ranak le lian na ha a pek, chong jenna ranga hale kein Jisu ruija le Pathian chong an ri jarra an that mingai thavang ha kein ka mu, anmani ning sale mi ramil ha chubeibuk ma u, hale an challe an kut han nom sa ning jet na mun khat jak om lui om mak, anmanin an hong ringret, Jisu le kum lising khat reng a changa a om.